ކުރިންނެތް އެތައްކަމެއް
ދާނިސް
ކުރިންނެތް އެތައްކަމެއްގެ ފަސޭހަތަކާއި މަންފާތައް ލިބެންފެށުމުން އެންމެބޮޑު ނޭދެވޭ އަސަރެއްކުރަންފެށީ ކުޑަކުދިންނަށެވެ. ކިޔަވާކުދިންނަށެވެ. މަދަރުސާގެ ދަރިވަރުންނަށެވެ. ޒުވާނުންނަށެވެ. އެހެންވެ، ކުރިންފަޚުރުވެރިވި ރަށާއި މަދަރުސާއަށް މިހާރު ފަޚުރުވެރިވޭކަށްނެތޭ ބުނާމީހުން ގިނައެވެ.
ކުރިން އަހަރެމެން ދިރިއުޅުނީ ކަނުއަނދިރީގައި ފުޅިބައްތި އަލީގައެވެ. ފޮތްކިޔާ ފިލާވަޅުތައް ދަސްކޮށް، އެފިލާވަޅުތައް ހެދީ މިއަލިކަމުގައެވެ.
ސްކޫލްގައި ކިޔަވަންތިބީ ހޫނުގައި ކޮޅުފިލާގޮނޑިތަކުގައެވެ. މުދައްރިސުން ކިޔަވައިދެއްވުމަށް ބޭނުންކުރަނީ ގެނދަބުލިކަޅުބޯޑާއި ޗޯކެވެ.
މިހާރު ދިރިއުޅެނީ ރޭއަނދިރިނުވާ އިލެކުތުރިކު އަލީގައެވެ. ކިޔަވަނީ ކޮމްޕިއުޓަރާއި ސްމޫރޓްބޯޑާއި ސްމާރޓްޓީވީ އާއި ބްރޯޑްބޭންޑް އިންޓަރނެޓްގެ ފަސޭހަކަމާއެކު އެވެ. ކިޔަވަންތިބެނީ އެންމެ ފަހުގެ ޒަމާނީ ގޮނޑިއާއި ޑެސްކުގައެވެ.
ކުރީން 1500 މީހުންގެ އާދާބީ 3000 މީހުންނަށް ބަދަލުވީ އެވެ. މީހުން އިތުރުވީ އެވެ. ގިނަމީހުން ގިނަ މައްސަލައެވެ.
ކުރިން ކޭބަލްޓީވީއެއް ނުހުރެއެވެ. މިހާރު އެޓީވީން މަންޒަރާއި އަޑުއަންނަނީ އިސްލާމީ ވެށި ފާސިދުކުރާ ބީދައިންނެވެ. ސެންސަރުކުރުމެއް ނަމާދުވަގުތެއް ނެތެވެ. ކުދިންނާއި ޒުވާނުން އަނބިންނާއި ފިރިން ލާދީނީކޮށްފިއެވެ. އެންމެ ފަހުގެ ޒަމާނީ ފޯނެއް ކޮންމެ ކުއްޖެއްގައި އަތުގައި އޮތުމަކީ އަސާސީ ބޭނުމެކެވެ.
ކުރިން ފުލުހުންނެއް ރަށަކު ނުތިބެއެވެ. ޖެހޭ މައްސަލަތައް ހައްލުކޮށް ޞުލްޙަކުރަނީ މުދިންބެއާއި ކަތީބެވެ. ވައްކަމާއި ފޭރުންފަދަ ބޮޑެތިކުށްތައްކުރާމީހުން ތަހުގީގުތައް ނިންމާ ހުކުމް ކުރަނީ 24 ގަޑި އިރުވެސް ނުވަނީ ހެންނެވެ.ހިކުމަތުގެ އަމަލީ ބޭނުންކޮށްގެން މިމައްސަލަތައް ނިންމަނީ މުދިންބެއެވެ. ހަތީބު މީހާއެވެ.
މިހާރު ޖެހޭ މައްސަލަތައް އެންމެ ފަހުގެ ޒަމާނީ ތަމްރީނުހަދައިގެންތިބި ފުލުހުންނަށް ހައްލެއްނުވެއެވެ.
މީހުން މެރުމާއި ވައްކަމާއި މާރާމާރީއާއި ސްމަގުލްކުރުމާއި މަސްތުވާތަކެތި ބޭނުންކޮށް އޭގެ ވިޔަފާރިކުރުމާއި ބަދުއަޚުލާޤީ އަމަލުތައް ހިންގާމީހުން ގާނޫނުގެ ދޯހަޅި ކުދިކުދި ލޯވަޅުތަކުން ވަދެ އެގާނޫނުގެ ހިމާޔަތުގެ ބޮޑު ހިޔަލުގައި ދިރިއުޅެނީ ޕްރެންސިކްސައިންސާއި ދޮގުޑިޓެކްޓަރ ފިންގަރ ޕްރިންޓާއި މިފަދަ މޮޅެތި އާލަތްތަކުން ކުށްވެރިން ހޯދުމުގެ އެންމެ ފަހުގެ ތަމްރީނުތައް ކުރިއަރާފައިވާ އެމެރިކާ ފަދަ ގައުމުތަކުން ތަމްރީނު ހަދައިގެންތިބި ފުލުންހުން 8 ވަނަ ގިޔަރުގައި މައްސަލަތައް ތަހުގީގުކޮށްކޮށްތިއްބައެވެ.
ކުށުގެ ރެކޯޑްއޮންނަ އެތައްބައެއް އަހަރެމެންގެ މުޖުތަމަޢަށް ވަދެ އަހަރެމެންނާ މަސްހުނިވެ، އެމީހުންގެ ގޮތާއި އެމީހުންގެ އާދަކާދަތަކަށް އަހަރެމެންގެ ޒުވާނުންނާއި ކުޑަކުދިން ލައްބުވީ އެކުދިން ސްކޫލްގައި ކިޔވަންތިއްބައި، ސްކޫލްތެރެއަށް ވަދެގެންނެއްނޫނެވެ. އެކުދިންނަށް ތަފާތު ގޯނާކޮށް ސިނގިރޭޓް ބޯންދިނީ ރަށުގެ އެތައްމިތަނުގައެވެ. އެކުދިންގެ ސަހަރޯވެރިންގެ ބެލުމުގެ ދަށުން އެކުދިން ދޫވެފައިތިއްބައެވެ. ރަށުގެ އެތަންމިތަން ޕެޓްރޯލްކުރާފަރާތްތަކުން، އެތަކެއް ޕެޓްރޯލެއް އަންދައަންދާތިއްބައެވެ. ގޮނޑުދޮށުންވެއްޔާއި އަކިރިނަގަނީ ކޮންބައެއްތޯ ބަލައި އަކިރިއާއި ވެލިނަގާމިހުންގެ އަތުގައި ބިޑިއަޅަންތިއްބައެވެ.
ރަށާއި ރަށު މަދަރުސާއަށާއި ތިމާގެ މައިންބަފައިންނާއި ތިމާގެ މަސް އެތަނެއްގައިވާ ރަށަށް ފަޚުރުވެރިވިޔަސް ނުވިޔަސް ދުނިޔެ ހިނގަނީ ތަގުދީރުކޮށްފައިވާ ޕްލޭނާއެއްގޮތަށެވެ.
މާތްﷲ ރުއްސުންލެއްވި އަނަސްގެފާނު އަރިހުން ރިވާވެގެންވާ ޞައްޙަ ހަދީޘެއްގެ މާނާގައި ވެއެވެ. (ޞަހީހު ޖާމިއުލް ޞަޣީރުގެ 7576 ވަނަ ހަދީޘް )" ތިޔަބައިމީހުންގެ ވެރި ރަސްކަލާނގެއާއި ބައްދަލުވަންދެން ތިޔަބައިމީހުންނަށް ކުރިމަތިވާ ދުވަސްތަކާއި އަހަރުތައް އޭގެ ކުރީގެ ދުވަސްތަކާއި އަހަރުތަކަށްވުރެން ނުބައިވެގެންވާނެއެވެ."
Comments