އެމްޑީޕީގެ ވެރިކަމުގެ ފުރަތަމަ 6 މަސްދުވަހުގެ ތެރޭގައި އިހަވަންދޫގެ ނަރުދަމާ އަޅާނަން – ރައީސް ނަޝީދު
އެމްޑީޕީގެ ވެރިކަމުގެ ފުރަތަމަ 6 މަސްދުވަހުގެ ތެރޭގައި އިހަވަންދޫގައި ނަރުދަމާ އަޅާދެއްވާނެކަމަށް އެމްޑީޕީގެ ރިޔާސީ ކެންޑިޑޭޓް ރައީސް މުހަންމަދު ނަޝީދު ވިދާޅުވެއްޖެ އެވެ. އެމަނކިފާނުން މިހެން ވިދާޅުވީ ރޭ އިހަވަންދޫގައި ބޭއްވި ޖަލްސާގައި ވާހަކަ ފުޅުދައްކަވަމުންނެވެ.
ރައީސް ނަޝީދު ވިދާޅުވީ “ބަޣާވާތަކުން އެމްޑީޕީގެ ވެރިކަން ވައްޓާލިފަހުން” ސަރުކާރު ހިންގާފައިވަނީ އަބްދުﷲ ޔާމީން އާއި ގާސިމް އިބްރާހިމްގެ އިތުރުން މުހަންމަދު ވަހީދުވެސް އެކުގައި “ހުރިހާ ބޭފުޅުން ފުޅާކޮށް އިއްތިހާދުވެގެން” ކަމަށެވެ. ނަމަވެސް އެމުއްދަތުގައި އެއްވެސް ރަށެއްގެ ބަނދަރު ހަދާފައި ނުވާކަމަށާއި އެއްވެސް ރަށެއްގެ ބިން ހިއްކާފައި ނުވާކަމަށް ރައީސް ނަޝީދު ވިދާޅުވިއެވެ.
“ދިގު ތިރީސް އަހަރު މި ދިވެހި ރާއްޖޭގެ ބިން ބޮޑުކުރެވިފައި އޮތީ ފަސް ރަށުގައި. އެމްޑީޕީގެ ތިން އަހަރު ހަތް ރަށުގައި އޭގެ ދެގުނަ ހެކްޓަރު އިތުރުކޮށް. އަޅުގަނޑުމެންނަކީ ވައުދު ވާޕާޓީއެއް، އަޅުގަނޑުމެންނަކީ އިރާދަކުރެއްވިޔާ ވައުދު ފުއްދާ ޕާޓީއެއް. ބަޣާވާތުގެ ދެ އަހަރު އެއްވެސް ތަނެއްގެ ބިން ހިތްކިފައެއް ނެތް. ދިގު 30 އަހަރު ވީގޮތް އެބައެނގޭ، ތިން އަހަރު ވީގޮތް އެބަ އެނގޭ. ބަޣާވާތުގެ ދެ އަހަރު ވީގޮތް އެބަ އެނގޭ. މި ބަޣާވާތުގެ ދެ އަހަރަކީ އަޅުގަނޑުމެންގެ ހުރިހާ ވާދަވެރިން ސަރުކާރު ހިންގުމުގެ ދެ އަހަރު،” ރައީސް ނަޝީދު ވިދާޅުވިއެވެ.
ރައީސް ނަޝީދު ވިދާޅުވީ ދިގު 30 އަހަރުގެ ވެރިކަމުގައި މުޅި ރާއްޖޭގައިވެސް ހެދިފައިވަނީ 38 ބަނދަރުކަމަށާއި ނަމަވެސް އެމްޑީޕީގެ ތިން އަހަރުގެ ތެރޭގައި ރާއްޖޭގައި 57 ބަނދަރު ހަދާފައިވާނެކަމަށެވެ. އިހަވަންދޫ ބަދަރުވެސް އެއޮތީ މަތިންދާ ބޯޓް ޖައްސާފެންވަރަށް ހަދާފަކަމަށެވެ. ބޯހިޔާވަހި ކަމަށް ބައްލަވާލައްވަމުން ރައީސް ނަޝީދު ވިދާޅުވީ 30 އަހަރުގެ ވެރިކަމުގައި ތިލަދުއްމަތީގައި ބޯހިޔާވަހި ކަމުގެ އެއްވެސް ޕްރޮގްރާމެއް ހިންގާފައި ނުވާކަމަށާއި ނަމަވެސް އެމްޑީޕީގެ ތިން އަހަރުގެ ވެރިކަމުގައި 300 ހައުސިންގ ޔުނިޓްގެ ޕްރޮޖެކްޓެއް ފެށިގެން ކުރިއަށްދާކަމަށެވެ. އަދި މިހާރު އެކަން ހުއްޓާލުމަކީ މިސަރުކާރަށްވެސް ފަސޭހަ ކަމަކަށް ނުވާނެކަމަށް ރައީސް ނަޝީދު ވިދާޅުވިއެވެ.
2008 ވަނަ އަހަރުގެ ރިޔާސީ އިންތިހާބަށް އެމްޑީޕީން ކުރިމަތިލީއިރު އަޅުގަނޑުމެން ވައުދުވީން އިރާދަކުރެއްވިޔާ އުމުރުން ދޮށީ ކޮންމެ މީހަކަށް އަލުގަނޑުމެން ޕެންޝަނެއް ދޭނަމޭ. ޔަތީމް ކުދިންނާއި އެކަނިވެރި މައިންނާއި ނުކުޅެދޭ މީހުންނާއި އަޅުގަނޑުމެން އަޅާލާނަމޭ. 2000 ރުފިޔާގެ އިނާޔަތެއް ކޮންމެ މީހަކަށް ކޮންމެ މަހަކުވެސް ދޭނަމޭ. އެނގިވަޑައިގަންނަވާނެ އޭގެ ކުރީގައި ދިގު 30 އަހަރު ރައްޔިތުންގެ އިޖުތިމާއީ ރައްކާތެރިކަަމަށް ދެވުނު އެއްވެސް އެއްޗެއް، ޒަކާތުގެ ފައިސާ ނޫނީ ނޯންނާނެ،” ރައީސް ނަޝީދު ވިދާޅުވިއެވެ.
ރައީސް ނަޝީދު ވިދާޅުވީ “ބަޣާވާތަކުން އެމްޑީޕީގެ ވެރިކަން ވައްޓާލިފަހުން” ސަރުކާރު ހިންގާފައިވަނީ އަބްދުﷲ ޔާމީން އާއި ގާސިމް އިބްރާހިމްގެ އިތުރުން މުހަންމަދު ވަހީދުވެސް އެކުގައި “ހުރިހާ ބޭފުޅުން ފުޅާކޮށް އިއްތިހާދުވެގެން” ކަމަށެވެ. ނަމަވެސް އެމުއްދަތުގައި އެއްވެސް ރަށެއްގެ ބަނދަރު ހަދާފައި ނުވާކަމަށާއި އެއްވެސް ރަށެއްގެ ބިން ހިއްކާފައި ނުވާކަމަށް ރައީސް ނަޝީދު ވިދާޅުވިއެވެ.
“ދިގު ތިރީސް އަހަރު މި ދިވެހި ރާއްޖޭގެ ބިން ބޮޑުކުރެވިފައި އޮތީ ފަސް ރަށުގައި. އެމްޑީޕީގެ ތިން އަހަރު ހަތް ރަށުގައި އޭގެ ދެގުނަ ހެކްޓަރު އިތުރުކޮށް. އަޅުގަނޑުމެންނަކީ ވައުދު ވާޕާޓީއެއް، އަޅުގަނޑުމެންނަކީ އިރާދަކުރެއްވިޔާ ވައުދު ފުއްދާ ޕާޓީއެއް. ބަޣާވާތުގެ ދެ އަހަރު އެއްވެސް ތަނެއްގެ ބިން ހިތްކިފައެއް ނެތް. ދިގު 30 އަހަރު ވީގޮތް އެބައެނގޭ، ތިން އަހަރު ވީގޮތް އެބަ އެނގޭ. ބަޣާވާތުގެ ދެ އަހަރު ވީގޮތް އެބަ އެނގޭ. މި ބަޣާވާތުގެ ދެ އަހަރަކީ އަޅުގަނޑުމެންގެ ހުރިހާ ވާދަވެރިން ސަރުކާރު ހިންގުމުގެ ދެ އަހަރު،” ރައީސް ނަޝީދު ވިދާޅުވިއެވެ.
2008 ވަނަ އަހަރުގެ ރިޔާސީ އިންތިހާބަށް އެމްޑީޕީން ކުރިމަތިލީއިރު އަޅުގަނޑުމެން ވައުދުވީން އިރާދަކުރެއްވިޔާ އުމުރުން ދޮށީ ކޮންމެ މީހަކަށް އަލުގަނޑުމެން ޕެންޝަނެއް ދޭނަމޭ. ޔަތީމް ކުދިންނާއި އެކަނިވެރި މައިންނާއި ނުކުޅެދޭ މީހުންނާއި އަޅުގަނޑުމެން އަޅާލާނަމޭ. 2000 ރުފިޔާގެ އިނާޔަތެއް ކޮންމެ މީހަކަށް ކޮންމެ މަހަކުވެސް ދޭނަމޭ. އެނގިވަޑައިގަންނަވާނެ އޭގެ ކުރީގައި ދިގު 30 އަހަރު ރައްޔިތުންގެ އިޖުތިމާއީ ރައްކާތެރިކަަމަށް ދެވުނު އެއްވެސް އެއްޗެއް، ޒަކާތުގެ ފައިސާ ނޫނީ ނޯންނާނެ،” ރައީސް ނަޝީދު ވިދާޅުވިއެވެ.
Comments