"ވަރިހަމަ" ދިވެހިރާއްޖެ އަށް މަރުހަބާ!
ދާދި ފަހުން ސަރުކާރުގެ ދެ އިދާރާއެއްގެ މުވައްޒަފުން މަސައްކަތް ހުއްޓާލައި ހަޅުތާލަށް ދިޔައީ ވަރަށް އާދައިގެ ދެ ކަމެއް ބޮއްސުންލައިގެންނެވެ. އެއް ތަނުގައި ކަރަންޓް ވަޔަރިން މައްސަލައެއް ދިމާވެގެން ބޮކިތައް ނުދިއްލި، އަލިކަމެއް ނެތްތާ ހަފްތާއެއް ވޭތުވީ އެވެ. އަނެއް ތަނުގެ އެއާކޮންޑިޝަންތައް ހަލާކުވެގެން މުވައްޒަފުން ގަދަ ހޫނުގައި އެތައް ދުވަހަކު މަސައްކަތްކުރަން ޖެހުނީ އެވެ. މިއީ މުވައްޒަފުން ހަޅުތާލަކަށް ދިޔުމުން ނޫނީ ހައްލު ނުކުރެވޭ ވަރު މައްސަލަތަކެއް ހެއްޔެވެ؟ ލައިސަންސް ދޫކުރާ ޓްރާންސްޕޯޓް އޮތޯރިޓީ އާއި އައިޑީ ކާޑު ދޫކުރާ ނެޝަނަލް ރެޖިސްޓްރޭޝަން ޑިޕާޓްމެންޓްގެ މަސައްކަތް ހުއްޓި އާއްމުންނަށް ބޮޑެތި އުނދަގޫތައް ޖެހުނު އިރު މިއިން ކަމަކާ އަޅާނުލާ އޮތީ ކީއްވެގެން ހެއްޔެވެ؟ މިއީ އަދި ވަރަށް ކުޑަކުޑަ ކަމެކެވެ. ރާއްޖޭގައި މި އޮތް "ވަރިހަމަ" އުސޫލުގެ ވަރަށް އާދައިގެ މިސާލެކެވެ. ރޯމާ ދުވާލު ހެން ފެންނަން ހުރި ބޮޑެތި އެތަކެއް މައްސަލަތަކެއްގެ ސަބަބުން ގައުމު އޮޔާދާ އިރު ވެސް މި ގައުމުގައި ކުރެވޭ ކަމެއް ނެތެވެ. ސަރުކާރުގެ އޮފީސްތަކުގެ އެއާކޯން ހަލާކުވުމުން ފެށިގެން ގޮސް މަތީ މަގާމްތަކުގައި ތިބޭ މީހުންގެ އަޚުލާގީ މައްސަލަތަކާއި ކުށްވެރިންގެ ބޮޑެތި ޖަރީމަތަކާ ހަމައަށް އެތައް ކަމެއް މި ހިނގަނީ އެންމެންގެ ލޯ ކުރިމަތީގަ އެވެ. އެކަމަކު އެއިން ކަމެއް ހައްލުކުރެވޭނެ ނުވަތަ ހުއްޓުވޭނެ ގޮތެއް އޮތް ކަމަކަށް ނުވެ އެވެ.
ސިވިލް ސާވިސް ކޮމިޝަން (ސީއެސްސީ) ގެ ރައީސްކަމުން ވަކިކޮށްފައިވާ
މުހައްމަދު ފަހުމީ ހަސަންގެ މައްސަލަ އަކީ ރަނގަޅު މިސާލެކެވެ.
މުވައްޒަފަކަށް ޖިންސީ ގޯނާކުރި ކަމަށް ތުހުމަތުކުރެވިގެން ރައްޔިތުންގެ
މަޖިލީހުން ވަނީ ފަހުމީ އެ މަގާމްގައި ހުރުން އެކަށީގެން ނުވާ ކަމަށް
ކަނޑައަޅައި ސުލޫކީ ފިޔަވަޅެއްގެ ގޮތުން އޭނާ ވަކިކޮށްފަ އެވެ. ފަހުމީ
ވަކިކުރީ ގާނޫނާ ޚިލާފަށް ކަމަށް ސުޕްރީމް ކޯޓުން ހުކުމްކޮށްފައި އެބަ
އޮތެވެ. އެކަމަކު އޭނާ މަގާމަށް ރުޖޫއަކުރަން ކޯޓުން އަމުރުކޮށްފައި
ނުވާތީ، ބަންޑާރަ ނާއިބު ސަރުކާރަށް ލަފާދީފައިވަނީ ފަހުމީ އަށް މަގާމްގައި
ނުހުންނެވޭނެ ކަމަށެވެ. އެކަމަކު އެ ލަފަޔާ މެދު ސަރުކާރުގެ ފަރުވާލެއް
ނެތެވެ. ކުރީގެ އެޓާނީ ޖެނެރަލް އެގޮތަށް ލަފާދީފައި އޮއްވާ، ރައީސް
އޮފީހުން ފަހުމީ އަލުން ވަޒީފާ އަށް ނުކުންނަން އަންގައި ސިޓީ ފޮނުވީ އެވެ.
އެއަށް ފަހު މިހާރުގެ ބަންޑާރަ ނާއިބު ދިން ލަފަޔަކީ ވެސް "ހޮއި"
އެއްޗެކެވެ. ދުވަހަކަށް ފަހު ދުވަހެއް ފާއިތުވަމުންދާ އިރު ފަހުމީ ސީއެސްސީގެ ރައީސް ކަމުގައި ދެމިހުންނަވަނީ އެވެ. ސިވިލް ސާވިސް ދުވަހުގެ އާއްމު ހަރަކާތްތަކުގައި އިސްކޮށް ބައިވެރިވެވަޑައިގެން، މަޖިލީހުގެ ނިންމުމަށާއި ބަންޑާރަ ނާއިބުގެ ލަފަޔަށް ފާޅުގައި ގޮން ވެސް ޖެއްސެވީ އެވެ. ޖުޑީޝަލް ސާވިސް ކޮމިޝަންގެ މެމްބަރު ކަމުގައި ވެސް ހުންނަވަނީ އެވެ. އެންމެ ފަހުން އެ ހައިސިއްޔަތުން ޒަކާތު ކޮމިޓީގެ މެމްބަރަކަށް ވެސް ފަހުމީ ވެއްޖެ އެވެ. ޓެކްސް ދައްކާ އާއްމު ރައްޔިތުންނާއި ސީއެސްސީގެ ބެލެނިވެރިކަމުގައި ތިބި މުވައްޒަފުންގެ މޫނުމަތީގައި ސަރުކާރުން ޖެހީ ވަރުގަދަ ތަފާއްޔެކެވެ. ފަހުމީ މުސާރަ އާއި އިނާޔަތްތައް ބަރާބަރަށް ނަންގަވަ އެވެ. ހުރިހާ ހައިސިއްޔަތުތަކެއް ދެމެހެއްޓުމުގެ ފުރުސަތު އޭނާ އަށް ދީ، ދައުލަތުގެ ބަޖެޓުން އުޖޫރަ ވަނީ ކަށަވަރުކޮށްދީފަ އެވެ. ސަރުކާރު ވެސް، ފަހުމީ ވެސް ހުއްޓުވާނެ އަދި ހުއްޓުވޭނެ މީހަކު ވެސް މި ގައުމަކު ނެތެވެ.
ނަހަމަ ޖިންސީ އަމަލުތައް ހިންގުމުގެ ތުހުމަތު މަތީ މަގާމްތަކުގައި ތިބޭ މީހުންނާ މެދު ކުރެވުނަސް ރާއްޖޭގައި އެއީ މާ ބޮޑު ކަމަކަށް ނުވެ އެވެ. އޭގެ އެންމެ ބޮޑު ހެއްކަކީ ވެބްކެމް ކުރިމަތީގައި ބަރަހަނާވިކަން އެތައް ބަޔަކަށް އެނގިފައިވާ ސިޔާސީ މީހުންނެވެ. ބްލެކްމެއިލްކުރުމުގެ ސީރިއަސް ސިލްސިލާއަކާ ގުޅިގެން 2011 ގައި އެ މައްސަލަ ފަޅާއެރި އިރު ބަރަހަނާވި ކަމަށް ބެލެވުނު މީހުން ލަދެއް ނުގަތެވެ. ހަމަ އެ ތިބި ގޮތުގައި ބޮޑެތި މަގާމްތަކުގައި ދެމިތިބީ އެވެ. އެއީ ނުވެސް ހިނގާ ކަމެއް ފަދަ އެވެ.
އާތާ ބްރަދާސްގެ މައްސަލަ ނަގަމާ ހިނގާށެވެ! ދުނިޔޭގެ ފެންވަރުގެ ބޮޑެތި މުޖްރިމުން ކަމަށް ބެލެވޭ ދެ މީހަކު ރާއްޖެ އައިސް، ޝައްކުކުރެވޭ ވިޔަފާރީގެ ހަރަކާތްތަކެއް ހިންގާފައިވާކަން ފަޅާއެރީ، އެ މީހުންނާއި ސަރުކާރުގެ ދެ ވަޒީރަކާ ދެމެދު ގާތް ގުޅުމެއް އޮތް ކަމުގެ ތުހުމަތާ ވެސް އެކުގަ އެވެ. ޓޫރިޒަމް މިނިސްޓަރު އަހުމަދު އަދީބާއި ޑިފެންސް މިނިސްޓަރު މުހައްމަދު ނާޒިމް އަމިއްލަ އަށް އެ ތުހުމަތުން "ބަރީއަވެވަޑައިގެން" ތިއްބެވިއަސް އެ ދެ ބޭފުޅުންނާ އެކު އާތާ ދެބެއިން އުޅުނު މަންޒަރު މީޑިއާ އިން ވަނީ ރެކޯޑްކޮށްފަ އެވެ.
ހުޅުމާލޭގައި ބޭއްވި ކާރު ރޭސިން އިވެންޓެއްގައި އެ ދެ މީހުން ނާޒިމާއި އަދީބާ އެކު އުޅުނީ "އެއްވެސް ގުޅުމެއް ނޯންނާނެ" ކަމަށް ގަބޫލުކުރެވޭ ގޮތަކަށް ނޫނެވެ. ފުލުހުން ކުރަމުންދާ ތަހުގީގުގައި މިކަން ބަލަނީ ކިހާވަރަކަށް ހެއްޔެވެ؟ ނުވަތަ ދެ ވަޒީރުންނާ މެދު ކުރެވޭ ތުހުމަތު އެއްގޮތަކަށް ވެސް އެބަ ބަލާ ހެއްޔެވެ؟ އެއީ ހަގީގަތެއް ނަމަ ފިޔަވަޅެއް އަޅާނެ ހެއްޔެވެ؟ ރައީސް މުހައްމަދު ވަހީދު މި މައްސަލައިގައި ކުރެއްވި ހަމައެކަނި ކޮމެންޓްގައި ނޫސްވެރިއެއްގެ ސުވާލަކަށް ޖަވާބުދެއްވަމުން ވިދާޅުވެފައި ވަނީ އާތާ ދެބެއިންނަކީ "ތިޔަހާ ނުރައްކާތެރި ބައެއް ކަމެއް އެނގިފައެއް ނެތް" ކަމަށެވެ. މާ ބޮޑު އަޅާލުމެއް، ކަންބޮޑުވުމެއް ރައީސް ވެސް ފާޅެއް ނުކުރައްވަ އެވެ.
ރާއްޖޭގައި ބޮޑެތި ޖަރީމާތައް ހިންގާފައި ވަރަށް ފަސޭހަ އިން ސަލާމަތް ވެވޭ ކަން ތަކުރާރުކޮށް ދަނީ ސާބިތުވަމުންނެވެ. މީހުން މަރާފައި ތިބި މީހުންނާއި މަސްތުވާތަކެތީގެ ވިޔަފާރިކުރާ މީހުން މިނިވަންކަމާ އެކު ރަށު ތެރޭގައި އެބަ އުޅޭ ކަން ފުލުހުންނަށް ވެސް އެނގެ އެވެ. ބައެއް މީހުންނަކީ ފުލުހުން ހިފައި ހައްޔަރުކުރިއަސް، ހެކި ނެތިގެން ނުވަތަ އެ ނޫން ކޮންމެވެސް ސަބަބަކާ ހެދި ޝަރީއަތުން އަދަބެއް ނުދޭ މީހުންނެވެ. އަނެއް ބައި މީހުންނަކީ ފުލުހުން ވެސް އަތް ނުލާ، ނުވަތަ އަތްނުލެވި ތިބި މީހުންނެވެ. މާލޭގައި ހަރަކާތްތެރިވާ ގޭންގްތަކަކާއި ގޭންގްތަކުގެ އަޑީގައި ތިބީ މީހުން އެހާ ވެސް ވަރުގަދަ އެވެ.
ގޭންގްތައް ވަނީ ސިޔާސީ މީހުންނާ ގުޅިފައި ކަމަށް ފުލުހުން ފަހަކަށް އައިސް ތަކުރާރުކޮށް އެބަ ބުނެ އެވެ. އެކަމާ މެދު ފުލުހުން އަޅަނީ ކޮން ފިޔަވަޅެއް ހެއްޔެވެ؟ އެ ބުނާ ވަރުގަދަ ސިޔާސީ "ދާދާ އިން" ނަކީ ކޮން ބައެއްކަން ހާމަނުކުރެވެނީ ކީއްވެގެން ހެއްޔެވެ؟
ދެންމެދެންމެ ހުރިހާ ގޭންގްތަކެއް ފުނޑާލައި މުގޫތައް ތޭރިތަކުގެ ބިތްދޮށަށް ފޮނުވާލަފާނެ ހެން ހީވާ ފަދަ ބަސްމަގަކުން ޕޮލިސް ކޮމިޝަނަރު ދޭތެރެއަކުން ވާހަކަ ދައްކަވާނެ އެވެ. އެކަމަކު މި އޮތް ކުޑަ މާލޭގައި ވަކިހިއްޕާލައިގެން ތިބި ބޮޑެތި މުޖުރިމުން އެމީހުންގެ ހޮރުތަކުން ލުހެލުމަކީ އަދި ހަމައެކަނި އާއްމުންގެ ހުވަފެނެކެވެ. ކަމާ ބެހޭ މީހުން "ޖިނާއީ އަދުލުގެ ނިޒާމް ފުރިހަމައެއް ނޫނޭ، މިވެނި މުއައްސަސާއަކުން ޒިންމާ އަދައެއް ނުކުރެއޭ" ކިޔާލަކިޔާލާ ތިބެނީ އެވެ. ފަނޑިޔާރުންނާ މެދު ކޮރަޕްޝަންގެ ބޮޑެތި ތުހުމަތުތައް ކުރެވުނަސް އެއިން ކަމެއް ބަލައި ފިޔަވަޅެއް އަޅާކަށް ވެސް ނޫޅެ އެވެ.
ގޭންގްތަކާ ބެހޭ ގޮތުން މީގެ އަހަރުތަކެއް ކުރީގެ ހޯމް މިނިސްޓަރަކު ވިދާޅުވެފައި ވަނީ މާރާމާރީތައް ހުއްޓޭނީ އެކަން ކުރާ މީހުން ހުއްޓާލުމުން ކަމަށެވެ. އެއީ ހަމަ ރަނގަޅު ވާހަކައެއް ކަމަށް ވެސް ވެދާނެ އެވެ! ކުށްވެރިން ހުއްޓުވަން ބަޔަކު ނޫޅޭ ތަނެއްގައި ހައްލެއް ލިބޭނެ ހަމައެކަނި ގޮތަކީ އެއީ އެވެ.
ކުށްކުރާ މައްސަލަ ބާއްވާފައި މާލޭގެ އާއްމު ހާލަތަށް ބަލައިލާށެވެ. މުނިސިޕަލް ޚިދުމަތްތައް ބޮއްސުންލައިގެން ދިޔަތާ ކޮން ދުވަހެއް ހެއްޔެވެ؟ ކުނި ބޭރު ނުކުރެވިގެން ގޮނޑުތައް ފުރި ނޯއްދަމާލަން ނުކެރޭ ވަރަށް ރަށުތެރޭގައި ދޭތެރެދޭތެރެ އިން ވަސް ނުބައި އެބަވެ އެވެ. ވިލިމާލޭ ފެރީ ޓާމިނަލް ކައިރީގައި ބާއްވާފައި އޮންނަ ކުނި ބާޖާ ހެދި ދަތުރުކުރާ މީހުން ހޮޑުލެވި ބަލި ވަމުން އެބަދެ އެވެ. ހައްލެއް ނުލިބުނެވެ. ސިޓީ ކައުންސިލަށް ވެސް ސަރުކާރަށް ވެސް ކުރެވުނު ކަމެއް ނެތެވެ.
އެތައް އަހަރެއް ފަހުން ސާފުކުރި ގާކުނޑި ކޮށި ވެސް އެދަނީ އަނެއްކާވެސް ފުރެމުންނެވެ. މާލޭގެ މަގުތަކުގައި ހުރި އަޑިގުޑަންތައް ބޮޑުވަމުން ގޮސް ބޮޑެތި ވަޅުގަނޑުތަކަށް ވަނީ ވެފަ އެވެ. ވާރޭ ވެހިއްޖެއްޔާ މަގުތައް ބޭނުން ނުކުރެވޭ ވަރަށް ފެންބޮޑުވެ އެވެ. ކަންބޮޑުވަނީ ކޮން އިދާރާއަކުން ހެއްޔެވެ؟ ހަމަ ވަރިހަމަކޮށްލާފައި ތިބެނީ އެވެ. ކަންކަން ދިގުދަންމަނީ އެވެ. ސިޓީ ކައުންސިލާ މެދު އާއްމުން ކޮރަޕްޝަންގެ ތުހުމަތުތައް ކުރާ އަޑެއް ވެސް އެއްވެސް ބަޔަކަށް ނީވޭ ކަހަލަ އެވެ.
އާއްމުންގެ ހައްގުތައް ރައްކާތެރިކުރުމާއި ހަމަހަމަކަމާ އެކު އިންސާފު ގާއިމްކުރުމާއި ޚިދުމަތްތައް ދިނުމުގައި ދައުލަތް ވަނީ އިހުމާލުވެފަ އެވެ. އެންމެ އިސް އެޖެންޑާ އަކީ ރައްޔިތުން ކަމަށް ދެކޭ ކިތައް އޮފީސް ނުވަތަ މުއައްސަސާ ރާއްޖޭގައި އެބަ އޮތް ހެއްޔެވެ؟ ސިޔާސީ މަންފާ ހޯދުމާއި އަމިއްލަ މަސްލަހަތު ކުރިއެރުވުން ނޫން ކަމެއް ބޮޑުން އެބަކުރޭ ހެއްޔެވެ؟ ވަރަށް ބޮޑަށް ސުވާލު އުފެދެ އެވެ. އެކަމަކު ކުރެވޭނެ ކަމެއް ނެތެވެ. ނޫސްވެރިން ލިޔެލިޔެ ވަރުބަލި ވާނީ އެވެ. އާއްމުން ކެކިކެކި ތިބޭނީ އެވެ. އެހެންކަމުން މިއީ ކިތަންމެ ބޮޑު ކަމެއް ވެސް "ވަރިހަމަ" ގައުމެއްކަން އެބަ އެނގެ އެވެ.
އާތާ ބްރަދާސްގެ މައްސަލަ ނަގަމާ ހިނގާށެވެ! ދުނިޔޭގެ ފެންވަރުގެ ބޮޑެތި މުޖްރިމުން ކަމަށް ބެލެވޭ ދެ މީހަކު ރާއްޖެ އައިސް، ޝައްކުކުރެވޭ ވިޔަފާރީގެ ހަރަކާތްތަކެއް ހިންގާފައިވާކަން ފަޅާއެރީ، އެ މީހުންނާއި ސަރުކާރުގެ ދެ ވަޒީރަކާ ދެމެދު ގާތް ގުޅުމެއް އޮތް ކަމުގެ ތުހުމަތާ ވެސް އެކުގަ އެވެ. ޓޫރިޒަމް މިނިސްޓަރު އަހުމަދު އަދީބާއި ޑިފެންސް މިނިސްޓަރު މުހައްމަދު ނާޒިމް އަމިއްލަ އަށް އެ ތުހުމަތުން "ބަރީއަވެވަޑައިގެން" ތިއްބެވިއަސް އެ ދެ ބޭފުޅުންނާ އެކު އާތާ ދެބެއިން އުޅުނު މަންޒަރު މީޑިއާ އިން ވަނީ ރެކޯޑްކޮށްފަ އެވެ.ހުޅުމާލޭގައި ބޭއްވި ކާރު ރޭސިން އިވެންޓެއްގައި އެ ދެ މީހުން ނާޒިމާއި އަދީބާ އެކު އުޅުނީ "އެއްވެސް ގުޅުމެއް ނޯންނާނެ" ކަމަށް ގަބޫލުކުރެވޭ ގޮތަކަށް ނޫނެވެ. ފުލުހުން ކުރަމުންދާ ތަހުގީގުގައި މިކަން ބަލަނީ ކިހާވަރަކަށް ހެއްޔެވެ؟ ނުވަތަ ދެ ވަޒީރުންނާ މެދު ކުރެވޭ ތުހުމަތު އެއްގޮތަކަށް ވެސް އެބަ ބަލާ ހެއްޔެވެ؟ އެއީ ހަގީގަތެއް ނަމަ ފިޔަވަޅެއް އަޅާނެ ހެއްޔެވެ؟ ރައީސް މުހައްމަދު ވަހީދު މި މައްސަލައިގައި ކުރެއްވި ހަމައެކަނި ކޮމެންޓްގައި ނޫސްވެރިއެއްގެ ސުވާލަކަށް ޖަވާބުދެއްވަމުން ވިދާޅުވެފައި ވަނީ އާތާ ދެބެއިންނަކީ "ތިޔަހާ ނުރައްކާތެރި ބައެއް ކަމެއް އެނގިފައެއް ނެތް" ކަމަށެވެ. މާ ބޮޑު އަޅާލުމެއް، ކަންބޮޑުވުމެއް ރައީސް ވެސް ފާޅެއް ނުކުރައްވަ އެވެ.
ރާއްޖޭގައި ބޮޑެތި ޖަރީމާތައް ހިންގާފައި ވަރަށް ފަސޭހަ އިން ސަލާމަތް ވެވޭ ކަން ތަކުރާރުކޮށް ދަނީ ސާބިތުވަމުންނެވެ. މީހުން މަރާފައި ތިބި މީހުންނާއި މަސްތުވާތަކެތީގެ ވިޔަފާރިކުރާ މީހުން މިނިވަންކަމާ އެކު ރަށު ތެރޭގައި އެބަ އުޅޭ ކަން ފުލުހުންނަށް ވެސް އެނގެ އެވެ. ބައެއް މީހުންނަކީ ފުލުހުން ހިފައި ހައްޔަރުކުރިއަސް، ހެކި ނެތިގެން ނުވަތަ އެ ނޫން ކޮންމެވެސް ސަބަބަކާ ހެދި ޝަރީއަތުން އަދަބެއް ނުދޭ މީހުންނެވެ. އަނެއް ބައި މީހުންނަކީ ފުލުހުން ވެސް އަތް ނުލާ، ނުވަތަ އަތްނުލެވި ތިބި މީހުންނެވެ. މާލޭގައި ހަރަކާތްތެރިވާ ގޭންގްތަކަކާއި ގޭންގްތަކުގެ އަޑީގައި ތިބީ މީހުން އެހާ ވެސް ވަރުގަދަ އެވެ.
ގޭންގްތައް ވަނީ ސިޔާސީ މީހުންނާ ގުޅިފައި ކަމަށް ފުލުހުން ފަހަކަށް އައިސް ތަކުރާރުކޮށް އެބަ ބުނެ އެވެ. އެކަމާ މެދު ފުލުހުން އަޅަނީ ކޮން ފިޔަވަޅެއް ހެއްޔެވެ؟ އެ ބުނާ ވަރުގަދަ ސިޔާސީ "ދާދާ އިން" ނަކީ ކޮން ބައެއްކަން ހާމަނުކުރެވެނީ ކީއްވެގެން ހެއްޔެވެ؟
ދެންމެދެންމެ ހުރިހާ ގޭންގްތަކެއް ފުނޑާލައި މުގޫތައް ތޭރިތަކުގެ ބިތްދޮށަށް ފޮނުވާލަފާނެ ހެން ހީވާ ފަދަ ބަސްމަގަކުން ޕޮލިސް ކޮމިޝަނަރު ދޭތެރެއަކުން ވާހަކަ ދައްކަވާނެ އެވެ. އެކަމަކު މި އޮތް ކުޑަ މާލޭގައި ވަކިހިއްޕާލައިގެން ތިބި ބޮޑެތި މުޖުރިމުން އެމީހުންގެ ހޮރުތަކުން ލުހެލުމަކީ އަދި ހަމައެކަނި އާއްމުންގެ ހުވަފެނެކެވެ. ކަމާ ބެހޭ މީހުން "ޖިނާއީ އަދުލުގެ ނިޒާމް ފުރިހަމައެއް ނޫނޭ، މިވެނި މުއައްސަސާއަކުން ޒިންމާ އަދައެއް ނުކުރެއޭ" ކިޔާލަކިޔާލާ ތިބެނީ އެވެ. ފަނޑިޔާރުންނާ މެދު ކޮރަޕްޝަންގެ ބޮޑެތި ތުހުމަތުތައް ކުރެވުނަސް އެއިން ކަމެއް ބަލައި ފިޔަވަޅެއް އަޅާކަށް ވެސް ނޫޅެ އެވެ.ގޭންގްތަކާ ބެހޭ ގޮތުން މީގެ އަހަރުތަކެއް ކުރީގެ ހޯމް މިނިސްޓަރަކު ވިދާޅުވެފައި ވަނީ މާރާމާރީތައް ހުއްޓޭނީ އެކަން ކުރާ މީހުން ހުއްޓާލުމުން ކަމަށެވެ. އެއީ ހަމަ ރަނގަޅު ވާހަކައެއް ކަމަށް ވެސް ވެދާނެ އެވެ! ކުށްވެރިން ހުއްޓުވަން ބަޔަކު ނޫޅޭ ތަނެއްގައި ހައްލެއް ލިބޭނެ ހަމައެކަނި ގޮތަކީ އެއީ އެވެ.
ކުށްކުރާ މައްސަލަ ބާއްވާފައި މާލޭގެ އާއްމު ހާލަތަށް ބަލައިލާށެވެ. މުނިސިޕަލް ޚިދުމަތްތައް ބޮއްސުންލައިގެން ދިޔަތާ ކޮން ދުވަހެއް ހެއްޔެވެ؟ ކުނި ބޭރު ނުކުރެވިގެން ގޮނޑުތައް ފުރި ނޯއްދަމާލަން ނުކެރޭ ވަރަށް ރަށުތެރޭގައި ދޭތެރެދޭތެރެ އިން ވަސް ނުބައި އެބަވެ އެވެ. ވިލިމާލޭ ފެރީ ޓާމިނަލް ކައިރީގައި ބާއްވާފައި އޮންނަ ކުނި ބާޖާ ހެދި ދަތުރުކުރާ މީހުން ހޮޑުލެވި ބަލި ވަމުން އެބަދެ އެވެ. ހައްލެއް ނުލިބުނެވެ. ސިޓީ ކައުންސިލަށް ވެސް ސަރުކާރަށް ވެސް ކުރެވުނު ކަމެއް ނެތެވެ. އެތައް އަހަރެއް ފަހުން ސާފުކުރި ގާކުނޑި ކޮށި ވެސް އެދަނީ އަނެއްކާވެސް ފުރެމުންނެވެ. މާލޭގެ މަގުތަކުގައި ހުރި އަޑިގުޑަންތައް ބޮޑުވަމުން ގޮސް ބޮޑެތި ވަޅުގަނޑުތަކަށް ވަނީ ވެފަ އެވެ. ވާރޭ ވެހިއްޖެއްޔާ މަގުތައް ބޭނުން ނުކުރެވޭ ވަރަށް ފެންބޮޑުވެ އެވެ. ކަންބޮޑުވަނީ ކޮން އިދާރާއަކުން ހެއްޔެވެ؟ ހަމަ ވަރިހަމަކޮށްލާފައި ތިބެނީ އެވެ. ކަންކަން ދިގުދަންމަނީ އެވެ. ސިޓީ ކައުންސިލާ މެދު އާއްމުން ކޮރަޕްޝަންގެ ތުހުމަތުތައް ކުރާ އަޑެއް ވެސް އެއްވެސް ބަޔަކަށް ނީވޭ ކަހަލަ އެވެ.
އާއްމުންގެ ހައްގުތައް ރައްކާތެރިކުރުމާއި ހަމަހަމަކަމާ އެކު އިންސާފު ގާއިމްކުރުމާއި ޚިދުމަތްތައް ދިނުމުގައި ދައުލަތް ވަނީ އިހުމާލުވެފަ އެވެ. އެންމެ އިސް އެޖެންޑާ އަކީ ރައްޔިތުން ކަމަށް ދެކޭ ކިތައް އޮފީސް ނުވަތަ މުއައްސަސާ ރާއްޖޭގައި އެބަ އޮތް ހެއްޔެވެ؟ ސިޔާސީ މަންފާ ހޯދުމާއި އަމިއްލަ މަސްލަހަތު ކުރިއެރުވުން ނޫން ކަމެއް ބޮޑުން އެބަކުރޭ ހެއްޔެވެ؟ ވަރަށް ބޮޑަށް ސުވާލު އުފެދެ އެވެ. އެކަމަކު ކުރެވޭނެ ކަމެއް ނެތެވެ. ނޫސްވެރިން ލިޔެލިޔެ ވަރުބަލި ވާނީ އެވެ. އާއްމުން ކެކިކެކި ތިބޭނީ އެވެ. އެހެންކަމުން މިއީ ކިތަންމެ ބޮޑު ކަމެއް ވެސް "ވަރިހަމަ" ގައުމެއްކަން އެބަ އެނގެ އެވެ.
Comments