Skip to main content
އެހާރާއި މިހާރުގެ ދިވެހި އަންހެނުން އެނގިލައްވަނީ ކިހާވަރަކަކށް
ތުއްތުމަނިކު
 ކުރީގައި ދިވެހި އަންހެނުންގެ ބޯނިވަލެއް ނުކުރެއެވެ. މިހާރު ވަރަށްގިނަ އަންހެނުން ތިބެނީ ބުރުގާއަޅާފައެވެ. އިބުނުބަތޫތާ ދިވެހިރާއްޖެއާއި ބެހޭގޮތުން ލިޔެފައިވެއެވެ. ދިވެހި އަންހެނުންތިބެނީ  ފުނާއަޅާފައި، އެއްފަރާތަކަށް ހުޅިޖަހާފައެވެ. އެމީހުންގެ ގިނަމީހުން ތިބެނީ ހަމައެކަނި ފޫޅުންތިރި ނިވާވަރުގެ ، އެއްޗެއް އަނދެގެން އެހެންތަންތަން ނިވާނުކޮށެވެ. 
މިހާރުވެސް މިގޮތަށް ނިވާކަން ކުޑަކޮށް އުޅޭ އަންހެނުން ގިނައިން ފެނެއެވެ. 

ދިވެހި އަންހެނުންގެ ގަހަނާއަކީ ޢަމަލް އެވެ. އެކިއެކި އަންހެނުން އުޅަބޮށިން ފެށިގެން ކުޑަހުޅާދެމެދު ފުރޭންދެން އުޅާއަޅާފައި ތިބެއެވެ. ރަސްރަސްމަތިފުށުގެ މީހުންނާއި ރަސްގެފާނުންގެ އަނބިއަނބިކަބަލުންނާއި ބޭބޭފުޅުން ފިޔަވައި ރަންއުޅަޅެއް ނާޅައެވެ. އެބޭބޭފުޅުން ތަކަހޮޅިވެސް ތުރުކުރައްވައެވެ. އަދި ކަރުފުޅުފައި މޭމައްޗަށް ވައްޓާލާފައިއޮންނަ ގިލަފަތިކޮޅެއްވެސް އޮވެއެވެ. ކުރީ ޒަމާނުގައި ތަކަހޮޅިއަށް ކިޔަނީ " ބާޔަލް" މިހެންނެވެ. ގިލަފައްޗަށް ކިޔަނީ " ބަސްދަރުދު" މިހެންނެވެ. 
މިހާރުވެސް، މޭކަޕްކުރުމާއި ގަހަނާއެޅުމަށް ލޯބިކުރާ އަންހެން ކަނބަލުން އުޅޭ ފަދައިން އާދައިގެ ގޮތަކަށް ޒީނަތްތެރިވާ އަންހެން ބޭފުޅުންވެސް އުޅުއްވައެވެ. 
ދިވެހި އަންހެނަކާއި ކައިވެނިކޮށްލުމަކީ ވަރަށް ފަސޭހަކަމެކެވެ. އެއީ ކާވެނީގެ ރަނުގެ މަދުކަމަށްޓަކައެވެ. ފިރިހެނުންގެ މައްޗަށް ލޯތްބާއި ކުލުނު އަންހެނުންގެ ހިތުގައި ޖެހޭލެއް އަވަސްކަމަށްޓަކައެވެ. އެލޯބީގެ އިޝްޤީބާރު ގަދަކަމަށްޓަކައެވެ. ހިތުގެ އޭގެ ނާރެހުންނެއްޓި ، ދޫވާލެއް އަވަސްކަމަށްޓަކައެވެ. އެތައް އަންހެނުންނެއް ދިރިއުޅުމޭ މިކިޔާ ޙަޔާތުގައި އެތައް ފިރިހެނުންނަކާއި ލޯބީގެގޮތުން ގުޅި، އުޅުމަށްފަހު، ކާވެނިކޮށް، ވަރިކޮށް، މިހެން އުޅުމީ އާދައެކެވެ. ފުރަތަމަ ލޯބީގެ މަތީގައި ދިރިއުޅުމުގެ ބިންގާއަޅައި އަލަތު ކައިވެނީގައި ގޮށުގައި ދިރި، މިނި އުޅެނީ ވަރަށް މަދު އަންހެނުންނެވެ. 
އިބުނު ބަތޫތާ ބުނެފައިވައެވެ. " ތިމަންނަ އެރަށުން ( ދިވެހިރާއްޖެއިން ) އެތައް ބަޔަކާއި އިނީމެވެ.

އަންހެނުންނަކީ ބީރައްޓެހި ފިރިހެނުންގެ މައްޗަށް ވަރަށް އަވަހަށް ހިތްޖެހި ލޯބިއުފެދޭ ބަޔެކެވެ. މިކަމުގައި ދޭސީ ބިދޭސީއެއް ވަކި ތަފާތެއް ނެތެވެ. އިބުނު ބަތޫތާ ލިޔެފައިވެއެވ. ރާއްޖޭއަށް ނައުފަހަރު އައުމުން ، އެނައުފަހަރުގެ އަހުލުވެރިން މީހުންނާއި އިދެއެެވެ. ފުރާންވީމައި ވަރިކުރަނީ އެވެ. ހަމަ މިބީދައިން ، މަސައްކަތް ކުރަން ރާއްޖެއައިސް އުޅޭ ، އިންޑިޔާ ބަގުޅާދޭސް މީހުންނާއި އިދެގެން އުޅޭ މީހުން މިހާރުވެސް އުޅެއެވެ. އެވްރެޖްކޮށް އަހަރަކު 10 ބިދޭސީން ދިވެހި އަންހެނަކާއި ކައިވެނި ކުރާކަމަށް އާއިލާއާ ބެހޭ ކޯޓުން ބުނެއެވެ.

ކުރީގައި ދިވެހި އަންހެނުންނަކީ ފިރިންގެ މައްޗަށް ވަރަށް ހެޔޮ އޯގާތެރި ބަޔަކެެވެ. ކާންހަދާދީ، އެތަކެތި ނަގާދީ، ވުޟޫކުރަން ފެންގެނެސްދީ، ، ނިދާއިރު ފައިމޮޑެދީ މިހުރިހާ ކަމެއް ކުރާނެއެވެ. 
ނަމަވެސް ފިރިމީހާޔާއެކު ނުކާނެއެވެ.


Labels:

Comments

Post a Comment

Popular posts from this blog

Dhivehi Bas

ދިވެހިބަސް ދިވެހިންގެ ބަހަކީ ދިވެހި ގައުމިްޔަތުގެ އެއްބަޔެވެ. އެއާ މެދު ދިވެހިން ފަޚްރުވެރިވުން ހައްގު އެއްބައިވެސް މެއެވެ. އެހެންކަމުން ދިވެހިބަސް އުފެދިފައިވަނީ ކިހިނެއްކަމާއި އެބަހުގައި އެކުލެވިގެންވާ ބައިތައް އޮޅުންފިލުވުމަކީ ނުހަނު މަތީ  ދަރަޖައަކަށް ދިވެހިން ބޭނުންވެފައިވާ ކަމެކެވެ. އެހެންކަމުން ތިރީގައި އެވަނީ ދިވެހިބަހާބެހޭގޮތުން ދިވެހި ބަހާއި ތާރީޚަށް ޚިދުމަތްކުރާ ގައުމީ މަރުކަޒުން ނެރެފައިވާ ލީފްލެޓެކެވެ. 
Post a Comment
Read more

Mohamed Ameen's services to the nation

When Mohamed Ameen returned to Male' after studying abroad there was a committee drafting a constitution and king Shamsudeen appointed him, by royal letter, to that group. He was its youngest and most intelligent member. After numerous difficulties, the constitution was completed and it was formally approved on Thursday 23 Shauban 1351 (22 December 1932). Acting under the constitution, the king gave the Minister for Trade portfolio to Mohamed Ameen, and he performed well in accordance with the practices of the time. Shortly after the adoption of the constitution, a serious dispute began between the Borah traders and the government. The Borahs ceased trading, locked up their shops and occupied their mosque and their three shop-houses. The government declared martial law. The person in charge was chief minister Mohamed Fareed Didi, who was also minister of the askariya (militia). On the second day of martial law, a small protest was organised. Fifty people from Galolhu ward gathered...
3 comments
Read more

ރާއްޖޭގެ ފުރަތަމަ ވަޒަންވެރިން

ލިޔުނީ: ނަސީމާ މުހައްމަދު ދިވެހިރާއްޖޭގައި ފުރަތަމަ ވަޒަންވެރިވީ މީހުން އައީ ދުނިޔޭގެ ކޮން ހިސާބަކުންކަން ޔަޤީންކަމާއެކު ހޯދުމަކީ އަޅުގަނޑުމެންނަށް މައުލޫމާތު ލިބިފައި ހުރި މިންވަރަށް ބަލާއިރު އަދި ދަތިކަމެކެވެ. ފެންނަންހުރި އާސާރީ ހެކިތަކުން މިކަން ކަށަވަރުކުރެވޭކަށް ނެތެވެ. ރާއްޖެއަށް ފުރަތަމަ އައި މީހުން އުފެއްދި ތަކެއްޗަކީ، ދުނިޔޭގެ އެހެން ހިސާބުގެ އެވޭލާގައި އުޅެފައިވާ މީހުން، ޒަމާނަށް ދޫކޮށްފައިވާ ތަކެތި ފަދައިން، ގިނަ ދުވަހު ދެމިހުންނަ ތަކެއްޗެއް ނޫނެވެ. ފެންނަން ހުރި އާސާރުތަކަކީ މާފަހުގެ ތަކެތި ކަމަށް ދެންނެވިދާނެއެވެ. އެވޭލާގެ ދިވެހީންނާމެދު ދެކެވޭ ގިނަ ވާހަކަތައް ބިނާކުރެވިފައި ވަނީ، އަޅުގަނޑުމެންގެ ބަހާއި، އަކުރާއި، ބިމުން ނެގިފައިވާ އާސާރުތަކައި، އެކި ޒަމާނުގައި ލިޔެވިފައިވާ ލިޔުންތަކުގެ މައްޗަށެވެ. އަޅުގަނޑުމެންނަށް ޔަޤީންވެފައި ވަނީ، މިރާއްޖޭގެ ރަށްރަށުގައި މީހުން އުޅޭތާ، މަދުވެގެން 2،500 އަހަރު ވެދާނެ ކަމަށެވެ.
Post a Comment
Read more