ރައީސް އޮފީހަށް ނުގެންދިޔަ ނަމަ މިއަދު ނަޝީދު ދުނިޔޭގައި ނުހުންނާނެ- ނާޒިމް
THUTHU MANIKU
މިދިޔަ އަހަރުގެ ފެބްރުއަރީ މަހުގެ 7 ވަނަ ދުވަހު ސިފައިންގެ ތެރެއިން ނެރެގެން ހިމާޔަތް ދީގެން ކުރީގެ ރައީސް މުހައްމަދު ނަޝީދު ރައީސް އޮފީހަށް ނުގެންދިޔަ ނަމަ މިއަދު ނަޝީދު ދުނިޔޭގައި ނުހުންނާނެކަމަށް މިހާރުގެ ޑިފެންސް މިނިސްޓަރ މުހައްމަދު ނާޒިމް ވިދާޅުވެއްޖެއެވެ. ހަމަ އެފަދަައިން ކުރީގެ ރައީސް ނަޝީދު ފެބްރުއަރީ 8 ވަނަ ދުވަހު ވިދާޅުވެފައިވަނީ ވެސް އިސްތިއުފާދެއްވީ ފުރާނައަށް ނުރައްކާވާ ހިސާބަށް ދިއުމުން މަޖުބޫރީ ހާލަތެއްގައި ހުންނަވައިގެންކަމުގައެވެ.
މިދިޔަ ފެބްރުއަރީ މަހުގެ 7 ވަނަ ދުވަހު ސިފައިންގެ ތެރެއަށް ވަޑައިގަންނަވާ މަޝްވަރާވެސް ކުރެއްވި ނާޒިމް މިހެން ވިދާޅުވީ ދިއެފްއެމް ވަންޓްވަން ޕްރޮގްރާމްގައި އިއްޔެ ވާހަކަ ދައްކަވަމުންނެވެ.
އެދުވަހު އެމަނިކުފާނު އިސްތިޢުފާ ނުދެއްވެވިނަމަ ކަންތައް ވެގެން ދާނީ ކިހިނަކުމްކަމަށް ފެނި ވަޑައި ގަނޭތޯ ޕްރޮގްރާމްގެ ޕްރެޒެންޓަރ ސުވާލުކުރުމުން ނާޒިމް ވިދާޅުވީ އެދުވަހުގެ ހާލަތަށް ބަލާއިރު ރައީސް ނަޝީދަށް ކުރިމަތިވާނީ މުހައްމަދު އަމީނަށް ކުރިމަތިވި ފަދަ (ހަވަރަށް ދިނުން) ފަދަކަމެއްކަމުގައެވެ.
ނަމަވެސް ނާޒިމް މިހެން ވިދާޅުވެފައި ވަނީ އޭގެ ކުރީން ޕްރެޒެންޓަރ ގެ ސުވާލެއްގެ ޖަވާބުގައި އެދުވަހު ސިފައިންގެ ތެރޭގައި ހިމާޔަތް އޮތްކަމަށާއި އެދުވަހު އިތުރު ގޮތްތަށް ހުރިކަމަށް ވިދާޅުވުމަށްވެސް ފަހުގައެވެ. ނަމަވެސް ފަހުން ޕްރެޒެންޓަރު ކުރި ސުވާލަކާއި ގުޅިގެން ނާޒިމް ވިދާޅުވީ އެބޭފުޅުންގެ ހިމާޔަތުގައި ރައީސް ނަޝީދު ރައީސް އޮފީހަށް ނުގެންދިޔަނަމަ ރައްޔިތުން ނަޝީދު ހަވަރައް ދެއްވާނެކަމުގައެވެ.
“ހަޤީގަތުގަ ބޭރުގަ އެޖަޒްބާތުގަ، ހަޤީގަތުގަ އަޅުގަނޑު ދަންނަވާނީ ރައްޔިތުންގެ އެރުޅިވެރިކަން އޮތް މިންވަރަކީ، އެދުވަހު ރައީސް ނަޝީދު އަޅުގަނޑުމެންގެ ހިމާޔަތުގަ ބޭރަށް ނެރެގެން ރައީސް އޮފީހާއި ހަމައަށް ނުގެންދިޔަނަމަ މިއަދު ރައީސުލްޖުމްހޫރިއްޔާ ދުނިޔެއަކު ނުހުންނާނެ، މުހައްމަދު އަމީން އަޅުގަނޑަށް ސިފަވެގެންދަނީ ހަމައެގޮތަށް ރައްޔިތުން ހަވަރަށް ދެއްވާނެ، އެފެންވަރުގަ ހުންނެވި ބޭފުޅެއް އެބޭފުޅަކީ، ރައްޔިތުންގެ ރުޅިވެރިކަން އިންތިހާ ދަރަޖައަށް އެދުވަހު، އެދުވަހުގެ ވީޑިއޯ ކްލިޕްތައް ބައްލަވާލެއްވީމަ އެނގޭނެ އަޅުގަނޑުމެން ސަލާމަތާއި ރައްކާތެރިކަމާއިއެކުގައި ރައީސުލްޖުމްހޫރިއްޔާގެ އޮފީހާއި ހަމައަށް ނުގެންދިޔަނަމަ މިއަދު ދުނިޔޭގަ މަގުމައްޗަށް ނިކުމެ ރައްޔިތުންނަށް ގޯނާ ކުރާކަށް ނުހުންނާނެ” ނާޒިމް ވިދާޅުވިއެވެ.
ރައީސް ނަޝީދު އެދުވަހު ހުންނެވީ ބޮޑީގާޑުންނާއިއެކު ސިފައިންގެ ތެރޭގައި ކަމުގަ ނާޒިމް ވަނީ ވިދާޅުވެފައެވެ. އަދި ސިފައިންގެ ހިމާޔަތް އެދުވަހު ރައީސް ނަޝީދަށް އޮތްކަމަށް ވަންޓްވަންގައިވެސް ނާޒިމް ވިދާޅުވިއެވެ. ނަމަވެސް ސިފައިންގެ އެތެރެއާއި ބޭރުގައި ސިފައިންނާއި ފުލުހުންގެ ބަޔަކު އޭރު މުޒާހަރާގެ ބައިވެރިންނާއި ގުޅިފައިވާކަން އެދުވަހުގެ ވީޑިއޯ ކްލިޕްތަކުގެ މަންޒަރުތަކުން ފެނެއެވެ.
މިކަމާ ބެހޭ ގޮތުން ކުރީގެ ރައީސް މުޙައްމަދު ނަޝީދު ވިދާޅުވެފައި ވަނީ ފެބްރުއަރީ 7 ވަނަ ދުވަހު އެމަނިކުފާނު އިސްތިއުފާދެއްވީ ފުރާނައަށް ނުރައްކާވާ ހިސާބަށް ދިއުމުން މަޖުބޫރީ ހާލަތެއްގައި ހުންނަވައިގެންކަމުގައެވެ.
ނަމަވެސް ނާޒިމް މިހެން ވިދާޅުވެފައި ވަނީ އޭގެ ކުރީން ޕްރެޒެންޓަރ ގެ ސުވާލެއްގެ ޖަވާބުގައި އެދުވަހު ސިފައިންގެ ތެރޭގައި ހިމާޔަތް އޮތްކަމަށާއި އެދުވަހު އިތުރު ގޮތްތަށް ހުރިކަމަށް ވިދާޅުވުމަށްވެސް ފަހުގައެވެ. ނަމަވެސް ފަހުން ޕްރެޒެންޓަރު ކުރި ސުވާލަކާއި ގުޅިގެން ނާޒިމް ވިދާޅުވީ އެބޭފުޅުންގެ ހިމާޔަތުގައި ރައީސް ނަޝީދު ރައީސް އޮފީހަށް ނުގެންދިޔަނަމަ ރައްޔިތުން ނަޝީދު ހަވަރައް ދެއްވާނެކަމުގައެވެ.
“ހަޤީގަތުގަ ބޭރުގަ އެޖަޒްބާތުގަ، ހަޤީގަތުގަ އަޅުގަނޑު ދަންނަވާނީ ރައްޔިތުންގެ އެރުޅިވެރިކަން އޮތް މިންވަރަކީ، އެދުވަހު ރައީސް ނަޝީދު އަޅުގަނޑުމެންގެ ހިމާޔަތުގަ ބޭރަށް ނެރެގެން ރައީސް އޮފީހާއި ހަމައަށް ނުގެންދިޔަނަމަ މިއަދު ރައީސުލްޖުމްހޫރިއްޔާ ދުނިޔެއަކު ނުހުންނާނެ، މުހައްމަދު އަމީން އަޅުގަނޑަށް ސިފަވެގެންދަނީ ހަމައެގޮތަށް ރައްޔިތުން ހަވަރަށް ދެއްވާނެ، އެފެންވަރުގަ ހުންނެވި ބޭފުޅެއް އެބޭފުޅަކީ، ރައްޔިތުންގެ ރުޅިވެރިކަން އިންތިހާ ދަރަޖައަށް އެދުވަހު، އެދުވަހުގެ ވީޑިއޯ ކްލިޕްތައް ބައްލަވާލެއްވީމަ އެނގޭނެ އަޅުގަނޑުމެން ސަލާމަތާއި ރައްކާތެރިކަމާއިއެކުގައި ރައީސުލްޖުމްހޫރިއްޔާގެ އޮފީހާއި ހަމައަށް ނުގެންދިޔަނަމަ މިއަދު ދުނިޔޭގަ މަގުމައްޗަށް ނިކުމެ ރައްޔިތުންނަށް ގޯނާ ކުރާކަށް ނުހުންނާނެ” ނާޒިމް ވިދާޅުވިއެވެ.
ރައީސް ނަޝީދު އެދުވަހު ހުންނެވީ ބޮޑީގާޑުންނާއިއެކު ސިފައިންގެ ތެރޭގައި ކަމުގަ ނާޒިމް ވަނީ ވިދާޅުވެފައެވެ. އަދި ސިފައިންގެ ހިމާޔަތް އެދުވަހު ރައީސް ނަޝީދަށް އޮތްކަމަށް ވަންޓްވަންގައިވެސް ނާޒިމް ވިދާޅުވިއެވެ. ނަމަވެސް ސިފައިންގެ އެތެރެއާއި ބޭރުގައި ސިފައިންނާއި ފުލުހުންގެ ބަޔަކު އޭރު މުޒާހަރާގެ ބައިވެރިންނާއި ގުޅިފައިވާކަން އެދުވަހުގެ ވީޑިއޯ ކްލިޕްތަކުގެ މަންޒަރުތަކުން ފެނެއެވެ.
މިކަމާ ބެހޭ ގޮތުން ކުރީގެ ރައީސް މުޙައްމަދު ނަޝީދު ވިދާޅުވެފައި ވަނީ ފެބްރުއަރީ 7 ވަނަ ދުވަހު އެމަނިކުފާނު އިސްތިއުފާދެއްވީ ފުރާނައަށް ނުރައްކާވާ ހިސާބަށް ދިއުމުން މަޖުބޫރީ ހާލަތެއްގައި ހުންނަވައިގެންކަމުގައެވެ.
Comments