ދިވެހި ގުނުން
މާމަކުނުދޫ ބޮޑު އީސާގެ ވާހަކަ
ކިޔާލާ ހިތްވެއްޖެއެވެ. އެހެންވެ ، މިފޮތް ފޮތްފިހާރައަކުން ގަނެފީމެވެ. ފޮތުގެ
މުސައްނިފަކީ ބޮޑު ފެންވަޅުގޭ ސީދީ އެވެ. ސީދީ މާމަކުނުދޫއަށް ފޮނުވާލާފައި
ހުންނެވި ވާހަކަ ރަށުގެ މުސްކުޅިން ދައްކާއުޅެއެވެ. އެހެންވެ، ފޮތުގެ ނަންފެނުމާއެކު
، ޔަގީންވީ މިފޮތް ސީދީ ލިޔުއްވާފައިވާނީ ބޮޑު އީސަގެ ދިރިއުޅުން ލޮލުން ފެނި
އަތުން ހިފައިގެންނެވެ.
މިފޮތުގައި މާމަކުނުދޫ މީހުންގެ ދިރިއުޅުން
ސިފަކޮށްދީފައިވަނީ ވަރަށް ފުރިހަމަ އަށެވެ.
މިފޮތުން ދޭހަކުރަން އެންމެ
ދަތިވީ އެދުވަސްވަރު ދިވެހިން ގުނާ އުޅޭގޮތެވެ. އަދަދުތަކެވެ.
މީގެ ފަންސާހަކަށް އަހަރުގެ
ކުރިން ދިވެހީން ގުނާ އުޅެނީ، އަދަދު ބެލުމުގެ ދިހައިގެ ހަމަޔަކުން ނޫނެވެ.
ދޮޅަހުގެ ހަމައިންނެވެ. ދޮޅަހަކީ ބާރަ އެވެ. އޭރު ގުނުމުގައި ފާހަގަކުރަނީ
އަދަދެއްގައި ދިހައެއް ހިމެނިފައިވާ މިންވަރެއް ނޫނެވެ. ބާރަ ހިމެނިފައިވާ މިންވަރެވެ.
އޭރު ގުނާއުޅޭ ގޮތުގައި މިހާރު މިކިޔާއުޅޭ ފަދައިން ދިހައެއް ކިޔާފައި
ދެން ކިޔާނީ "އެކޮޅަސް" މިހެންނެވެ. އެގާރައެއް ނޫނެވެ. ދެން ކިޔާނީ
ބާރައެއް ނޫނެވެ. "ދޮޅަސް" މިހެނެވެ. ދޮޅަސް ކިޔަނީ ބާރައިގެ ބަދަލުގައެވެ.
ގުނުން ތަފާތު ކުރަނީ ، ހަމަވާ ކޮންމެ ބާރައަކުންނެވެ.
ތޭރައަށް ކިޔާނީ "ދޮޅަސް
އެކެއް" މިހެންނެވެ. ދެން ގުނުން ބަދަލުވާނީ ފައްސިހި (24 ) އިންނެވެ. ދެން
ފައްސިހިއެކަކުން ފެށިގެން ގުނުން ބަދަލުވަނީ
ތިންދޮޅަސް (34 ) ހުންނެވެ.
މިވަރުން ތިރީގައިވާ މިސާލުން
ދިވެހިން ކުރީގައި ގުނާއުޅުނުގޮތް އެނގޭނެކަމަށް ހީކުރަމެވެ.
ފަނަސް-48
ފަސްދޮޅަސް- 60
ފާހިތި – 72
ހަތްދޮޅަސް – 84
ހިޔަ – 96
ގުނުމުގައި މިއުޞޫލުން އަދަދު
އިތުރު ކުރަމުން ގެންދާނީ އެވެ. 12 އިން އަދަދުގ ނަން ބަދަލުވާނެއެވެ. މިސާލަކަށް:
ހިޔާއެކެއް-97 ،
ހިޔާދެއް- 98،
ހިޔާތިނެއް-98،
ހިޔާހަތަރެއް-100،
ހިޔާފަހެއް-101،
ހިޔާހައެއް-102
ހިޔާހަތެއް-103
ހިޔާއަށެއް-104
ހިޔާނުވައެއް-105
ހިޔާދިހައެއް-106
ހިޔާއެކޮޅަސް-107
ހިޔާދޮޅަސް-108
ހިޔާފައްސިހި-120
ހިޔާތިންދޮޅަސް-132
ހިޔާފަނަސް-144
ހިޔާފސްދޮޅަސް-156
ހިޔާފާހިތި-168
ހިޔާހަތްދޮޅަސް-180
ދެއްސަ-192
މިއުޞޫލުން ގުނަމުންދާއިރު
އިތުރުވަމުންދާ ކޮންމެ ހިޔައަކަށް ވަކިނަމެއް ކިޔަމުން ގެންދެއެވެ. މިސާލަކަށް:
96 – ހިޔަ
144- ދޮޅިއްސަ
192- ދެއްސަ
288- ތިންހިޔަ
384- ހަތަރެއްސަ
480- ފަސްހިޔަ
576- ހައްސަ
672-ހަތްހިޔަ
768- އަށްހިޔަ
864- ނުވަހިޔަ
1000- ހާސް
1500- ދޮޅުހާސް
އަދި ގުނާ ނިމިގެން އަދަދު
ބުނުމުގައި ކިޔާއުޅޭގޮތްތަކެއްވެސް ހުރެއެވެ. އަދަދު ކިއުމުގެ ކުރިން ކިޔާނީ
އެއަދަދެއްގައި ހިޔަ ހަމަވާ މިންވަރެވެ. އެއާއި ގުޅިގެން އެއަދަދުގައި ހިޔަ
ހަމަނުވެ ހިމެނޭ މިންވަރު ކިޔާނީ އެވެ. މިސާލު:
204- ދެއްސަ އެއްދޮޅަސް
312- ތިންހިޔަ ފައްސިހި
420- ހަތަރެއްސަ ތިންދޮޅަސް
528- ފަސްހިޔަ ފަނަސް
636- ހައްސަ ފަސްދޮޅަސް
756- ހަތްހިޔަ ފާހިތި
854- އަށްހިޔަ ދޮޅަސް
މިގޮތަށް ހިޔަމތި ފާހަގަކޮށް
ގުނުމެވެ. މިގޮތަށް ގުނުމުގައި 144- ހިޔާ
ފަނަސް މިހެން ކިޔުމުގެ ބަދަލުގައި މިއަދަދަށް
ދޮޅިއްސަ ވެސް ކިއައެވެ.
Comments