ފުވައްމުލަކު ހޯދަޑުގެ ހަތަރު މިސްކިތުގެ ބިލް ނުދައްކާތީ ކަރަންޓް ކަނޑާލާނެކަން އިންޖީނުގެ އިން އެންގުމުން، މިސްކިތްތަކަށް ފާނޫޒު ބައްތި އާއި ފުޅި ބައްތި އަދި އުއްބައްތި ހަދިޔާކުރުމަށް އިއުލާންކޮށްފި އެވެ.
ހޯދަޑު ކައުންސިލް އިދާރާ އިން އިއްޔެ ނެރުނު އިއުލާނެއްގައި ބުނެފައި ވަނީ ހަތަރު މިސްކިތުގެ ތިން މަހުގެ ކަރަންޓް ބިލް ނުދެއްކުނީ ފައިސާ ނެތިގެން ކަމަށެވެ. އެ ތިން މަހުގެ ފައިސާ އަންނަ އާދީއްތަ ދުވަހުގެ ކުރިން ދައްކައި ހަލާސްކުރުމަށް ސަދަން ޔޫޓިލިޓީސް ކުންފުނިން އަންގައި ރެޑް ނޯޓިސް ފޮނުވާފައިވާ ކަމަށް ވެސް އެ އިއުލާނުގައި ވެ އެވެ. ކައުންސިލުން ބުނީ އެ މުއްދަތުގައި ބިލް ނުދައްކައިފި ނަމަ މިސްކިތްތަކުގެ ކަރަންޓް ކަނޑާލާނެ ކަމުގެ އިންޒާރު ވެސް ދީފައިވާ ކަމަށެވެ.
"ވީމާ ހޯދަޑުގައި ހުރި 4 މިސްކިތް ދިއްލުމަށްޓަކައި ހެޔޮ އެދިވަޑައިގަންނަވާ ފަރާތްތަކުގެ އެހީތެރިކަން ބޭނުންވެ އެވެ. އެހެންކަމުން ހޯދަޑުގައި ހުރި 4 މިސްކިތް ދިއްލުމަށްޓަކައި މިސްކިތަށް ފާނޫޒާއި ބައްތި، ފުޅި ބައްތި އަދި އުއް ބައްތި ހަދިޔާކުރައްވަން ބޭނުންފުޅުވާ ފަރާތްތަކުން ހޯދަޑު ކައުންސިލް އިދާރާއާ ގުޅައިގެން ކުރިއަށް ގެންދިއުމަށް ދެންނެވީމެވެ،" އެ އިއުލާނުގައިވެ އެވެ.
ކައުންސިލްގެ ރައީސް މުހައްމަދު އިބްރާހީމް ވިދާޅުވީ މިސްކިތްތަކުގެ ތިން މަހުގެ ކަރަންޓް ބިލަށް 40،000 އަށް ވުރެ ގިނަ ރުފިޔާ އަރާފައިވާ ކަމަށެވެ. ކަރަންޓް ބިލްގެ އިތުރުން އިދާރީ ކަންކަމަށް ވެސް އެ ކައުންސިލަށް ބަޖެޓް ހަމަޖައްސާދީފައި ނުވާ ކަމަށް އޭނާ ވިދާޅުވި އެވެ. "ސިވިލް ސާވިސް މުވައްޒަފުންގެ މުސާރަ އެކަނި ކައުންސިލަށް މި ލިބެނީ. އިދާރީ ކަމަކަށް ވެސް ބަޖެޓެއް ނެތް. ކައުންސިލް އިދާރާ އަށް ބޭނުންވާ ތަކެތި [ކްރެޑިޓަށް] ނަގާފައި ހުރެގެން، ކައުންސިލަރުން އަމިއްލަ ބޭނުންތަކަށް ފިހާރަތަކަށް ދިޔައީމަ ވެސް [ފައިސާ ލިބޭނެ ތާރީހަކާ ގުޅޭގޮތުން] އެ ސުވާލު ކުރަނީ،" މުހައްމަދު އިބްރާހިމް ވިދާޅުވި އެވެ.
ހޯދަޑު ކައުންސިލް އިދާރާ އިން އިއްޔެ ނެރުނު އިއުލާނެއްގައި ބުނެފައި ވަނީ ހަތަރު މިސްކިތުގެ ތިން މަހުގެ ކަރަންޓް ބިލް ނުދެއްކުނީ ފައިސާ ނެތިގެން ކަމަށެވެ. އެ ތިން މަހުގެ ފައިސާ އަންނަ އާދީއްތަ ދުވަހުގެ ކުރިން ދައްކައި ހަލާސްކުރުމަށް ސަދަން ޔޫޓިލިޓީސް ކުންފުނިން އަންގައި ރެޑް ނޯޓިސް ފޮނުވާފައިވާ ކަމަށް ވެސް އެ އިއުލާނުގައި ވެ އެވެ. ކައުންސިލުން ބުނީ އެ މުއްދަތުގައި ބިލް ނުދައްކައިފި ނަމަ މިސްކިތްތަކުގެ ކަރަންޓް ކަނޑާލާނެ ކަމުގެ އިންޒާރު ވެސް ދީފައިވާ ކަމަށެވެ.
"ވީމާ ހޯދަޑުގައި ހުރި 4 މިސްކިތް ދިއްލުމަށްޓަކައި ހެޔޮ އެދިވަޑައިގަންނަވާ ފަރާތްތަކުގެ އެހީތެރިކަން ބޭނުންވެ އެވެ. އެހެންކަމުން ހޯދަޑުގައި ހުރި 4 މިސްކިތް ދިއްލުމަށްޓަކައި މިސްކިތަށް ފާނޫޒާއި ބައްތި، ފުޅި ބައްތި އަދި އުއް ބައްތި ހަދިޔާކުރައްވަން ބޭނުންފުޅުވާ ފަރާތްތަކުން ހޯދަޑު ކައުންސިލް އިދާރާއާ ގުޅައިގެން ކުރިއަށް ގެންދިއުމަށް ދެންނެވީމެވެ،" އެ އިއުލާނުގައިވެ އެވެ.
ކައުންސިލްގެ ރައީސް މުހައްމަދު އިބްރާހީމް ވިދާޅުވީ މިސްކިތްތަކުގެ ތިން މަހުގެ ކަރަންޓް ބިލަށް 40،000 އަށް ވުރެ ގިނަ ރުފިޔާ އަރާފައިވާ ކަމަށެވެ. ކަރަންޓް ބިލްގެ އިތުރުން އިދާރީ ކަންކަމަށް ވެސް އެ ކައުންސިލަށް ބަޖެޓް ހަމަޖައްސާދީފައި ނުވާ ކަމަށް އޭނާ ވިދާޅުވި އެވެ. "ސިވިލް ސާވިސް މުވައްޒަފުންގެ މުސާރަ އެކަނި ކައުންސިލަށް މި ލިބެނީ. އިދާރީ ކަމަކަށް ވެސް ބަޖެޓެއް ނެތް. ކައުންސިލް އިދާރާ އަށް ބޭނުންވާ ތަކެތި [ކްރެޑިޓަށް] ނަގާފައި ހުރެގެން، ކައުންސިލަރުން އަމިއްލަ ބޭނުންތަކަށް ފިހާރަތަކަށް ދިޔައީމަ ވެސް [ފައިސާ ލިބޭނެ ތާރީހަކާ ގުޅޭގޮތުން] އެ ސުވާލު ކުރަނީ،" މުހައްމަދު އިބްރާހިމް ވިދާޅުވި އެވެ.
Comments