ހިތުގައި އެފަރާތެއްގެ ހަނދާން ނުފިލާހުރި

ފާރިސީ ބަހުން ތަރުޖަމާކުރީ:  ޒައިދީ

ވައަތް  މަތީ ކަނާއަތް ބާއްވައިގެން ، ދޮން ނުވާއިރުގެ ރަތްނުވާ އަވިން ފެންވަރަމުން، ދޮންކަނބުލޮ އިނީ އަހަރެން ފަތާ މަންޒަރު ދެކެން، ރަށުގެ އެއްގަމު ތޮށި ސިޑިމަތީ ގައެވެ. ފަޒާގެ ގަދަނުލުގެ ރިފްލެކްޝަން ވަނީ އިރުގެ ސާފު ދޯދިން ފަޅުތެރެއަށް ފޭދިފައެވެ. ބިއްލޫރިގަނޑެއްހާ ސާފު މޫދުގައި ފެތުރިފައިވަނީ އެހާމެ ސާފު ރީތި ނޫކުލައެވެ.

ކަނބުލޯއެވެ. ކަނބުލޮގެ ފޮޓޯތަކުން އަހަރެންގެ އަލްބަމް ވަނީ ފުނިޖެހިފައެވެ. މިއީ އެންމެ ފޮޓޯ އެކެވެ. އެންމެ ވަގުތުތެއްގެ ހިނދު ސިކުންތުކޮޅެކެވެ. އެއީ މާޒީއެވެ. މާޒީ ކުރިއަށް ދިޔައީ މާބާރަށެވެ. މާޒީ ފަހާ ދުވުމުގެ ބޭނުމެއް ނެތަސް ކަނބުލޮގެ ހަނދާންތަކުން އަހަރެންގެ ހިތަށް ލިބެނީ ނުހަނު އުހައުވެރި   ތަސައްލީ އެވެ.

އެންމެ ތިރީސިޑިއަށް ކަނބުލޮ ފައިބެ، މޫދުގެ ލޮނުގަނޑާ  ފައިން ކުޅެމުން، އަހަރެންގެ މޫނަށް ފެންޖެހިފަންޒަރުގެ ފޮޓޯ އަލްބަމުގައި އިނީ ސިޑީގައި އިން ފޮޓޯ އާއި ޖެހިގެންނެވެ.

މަގޭ ހިތާއި ފުރާނައިން ގިތާވެފައިވާ އިތާމުތެއް ފަދަ ދޮންކަނބުލޯއެވެ. މިހާރު އެހެންނެއް ނެހެދޭނެއެވެ. އަހަރެމެންގެ ރަށުގެ ބަދަރު ހަނދާފިއެވެ. ނުލާހިކު ބޮޑެވެ. އެހާމެ ދިގެވެ. އައިސް ޕުލާންޓުން ފެށިގެން ގޮސް ، މާހިރާމެންގޯތި ކަންމައްޗާ ހަމައަށެވެ.

އެއްގަމު ތޮށި ވަރަށް އުސްކޮށްފިއެވެ. ސިޑީގައި އިނދެގެން މޫދަކަށް ދެނެއް ފައެއް ނުލެވޭނެއެވެ. އެއިރު މޫދުގައި ބޭނުން އިރަކު ފަތަފަތާފައި ސިޑިން އެރެއެވެ. މިހާރަކު އެހެންނެއް ނުވެއެވެ. ކަނބުލޮޔާ ނުލައި ފަތަން ދިއުމަކީ ބޮޑު އަޒާބެކެވެ.

ހިނދިވަޅުވަޅުގައި ގޮމަކަސްތޫރި ވަސްދުވާ އެރޯމަލެއް ފަދަ ދޮންކަނބުލޯ އެވެ. ދެލޯ ނޭދި ބުނަމެވެ. ކަނބުލޮ އަންނާށެވެ.

ބޮޑު ޢީދަށެވެ. ރަށުގައި ދުއްވާ އެންމެ ބޮޑު ބޯޓުންނެވެ. އެންމެ އުސް ބޯޓުންނެވެ. ކާވިޔާ ބޯޓުންނެވެ. އެއިރުން ކުޑަކޮށް ރަށަށް އަރަން ފަސޭހަވާނެއެވެ. ބޯޓްއައިސް އެއްގަމު ތޮއްޓަށް ހުރަސްކޮށްލާނެއެވެ. އެއިރު، އަހަރެން ހުންނާނީ ވައިޓަރު މަތީގައެވެ. ކަނބުލޮ އަރާނީ ބޯޓްގެ މަތިކަން މައްޗަށެވެ. ކަނބުލޮގެ ދެކިހިދަށަށް އަތްލައި އަހާހުތް ކިޔާފައި ، އަހަރެން ކަނބުލޮ  ހިއްލާލާނަމެވެ. ކުއްލިއަކަށެވެ. އެއްގަމު ތޮށީގައި ބައްޓާނީ އެވެ.

ދެން ކަނބުލޮ ބިސްމިނަށްވެސް، ބުނާނީ ރަށުގެ އެއްގަމު ތޮށި ހާދަ އުސް ދޯ އެވެ!. ފަޅު ހާދަ ބޮޑު ދޯ އެވެ! 

(ނިމުނީ )