ގޮން ޖައްސަވަނީ ކާކަށް؟
މުންޑޫ އާދަނު
އިހުތިރާމާއެކު އަޅުގަނޑު ސުވާލެއް ދަންނަވާލަންތޯ އެވެ؟ ރައީސަކު ރުހިވަޑައި ނުގަންނަވާ ކަމެއް އެހެން ބަޔަކަށް އައިސް އެ ގައުމެއްގައި ކުރެވިދާނެ ހެއްޔެވެ؟ އެއީ ރުކެއް އިންދުން ކަމަށް ވިޔަސް ބުދެއް ބެހެއްޓުން ކަމަށް ވިޔަސް ވެހެވެ. އަޅުގަނޑު ގަބޫލު ކުރަނީ އެހެން ނޫން ކަމަށެވެ.
އެހެންވެއްޖިއްޔާ އައްޑު އަތޮޅުގައި ބުދު ބެހެއްޓުނީ ކީއްވެގެން ހެއްޔެވެ؟ އެކަމާ ނުރުހުނު ބަޔަކު ނުރުހުމުން އެ ބުދުތަކުގެ ހިމަޔާތަށް ސަލަމާތީ ބާރުތައް ރުކުކުރުވައިލެވުނީ ކީއްވެގެން ހެއްޔެވެ؟
ފަހަރުގައި އެއީ ވެސް އޮޅުމެއް ކަމަށް ވެދާނެ އެވެ. އެހެން ވެއްޖިއްޔާ އެހެން ވެސް ވިދާޅުވާށެވެ. މަނިކުފާނަކީ ސާފުކޮށް ވިދާޅުވާ ބޭފުޅެކެވެ. މަސައްކަތްޕުޅު ކުރައްވަނީ ދީނީ އަގީދާ ވަރުގަދަ ކުރެއްވުމަށް ކަމަށް ވިދާޅުވަނީ މަނިކުފާނެވެ. ދަންނަ ބޭކަލުންގެ ނަސޭހަތްތަކާ އެއް ގޮތަށް ކަންކަން ކުރައްވާ ކަމަށް ވިދާޅުވަނީ ވެސް މަނިކުފާނެވެ. ހިތަށް އަރަހާ ވާހަކައެއް ދައްކާ މަޝްވަރާކޮށް އެވާހަކައެއްގެ ހެޔޮ ނުބައި ވަކި ކުރަން ވިދާޅުވަނީ ވެސް ހަމަ މަނިކުފާނު ނޫންތޯ އެވެ؟ މި ބުދަކާ ގުޅިގެން ދިވެހި އުންމަތް ކެވި އަރަރާއިރު މިހާތަނަށް ބުދޭ ވެސް ވިދާޅު ނުވެ މަނިކުފާނު ހުންނެވީމާ ދެން، ވަރަށް ނުގުޅެ އެވެ. މަނިކުފާނަކީ ވިދާޅުވާ ބޭފުޅެވެ. އަޅުގަނޑު މި އިންތިޒާރު ކުރަނީ އެ ހިނދުކޮޅަށެވެ.
***
ބުދުގެ މައްސަލައިގައި އަޅުގަނޑުގެ ބައެއް ރައްޓެހިންނާ ތޮޅޭން ޖެހެ އެވެ. ބައެއް ރައްޓެހިން އެކަން ތަފާތު ގޮތްގޮތަށް އަޅުގަނޑަށް ވިސްނައިދޭން އުޅެ އެވެ. އެންމެ ގިނައިން ބުނަނީ މައްސަލައަކީ ކޮބައި ހެއްޔޭ އެވެ؟ ފިހާރާތަކުގައި ހުރި ބުދުތައް މައްސަލައަކަށް ނުވަނީ ކީއްވެގެން ހެއްޔޭ އެވެ؟ ބުދަކީ ހަމައެކަނި އައްޑޫގައި ބެހެއްޓި މޮނިއުމެންޓްތައް ހެއްޔެވެ؟
ތެދެކެވެ. ބުދުވާނީ ބުދަށެވެ. ފިހާރަތަކުގައި ވެސް އެހުރީ ބުދެވެ. އެވެސް ނަގަންވީ އެވެ. އެކަމަކު އެހެންވުމަކުން އައްޑޫގައި ބަހެއްޓީ ބުދުން ނޫން ކަމަށް ހެދޭނެ ގޮތެއް އެބައޮތް ހެއްޔެވެ؟ އެ ބުދުތައް ވެސް މުގުރާން ވީ އެވެ. ދެން ޒުވާބުދޭނީ ހެއްވާ ސުވާލަކުންނެވެ. ކީކޭ ކަމަށް ހެއްޔެވެ؟ މީހުން އިރަށް ވެސް އެތިބަ އަޅުކަން ކުރަނީ ނޫން ހެއްޔޭ އެވެ؟ އިރަށް އަޅުކަން ކުރާ މީހުން ރާއްޖެ ވެސް އާދޭ ނޫން ހެއްޔެވެ؟ ތިޔަހެންޏަ، އެހެރަ ބޮޑު އިރު ފޮހެލެން ނޫޅެނީ ކީއްވެގެން ހެއްޔޭ އެވެ؟
ވާހަކަ ކިހާ މޮޅު ހެއްޔެވެ؟ އަޅުގަނޑު ދޭން އޮތް ޖަވާބަކީ މިއެވެ: އައްޑޫގައި ބުދު ބެހެއްޓީ ދިވެހި ސަރުކާރުންކަން "އޮގަސްޓް ބާރަ ތޭރަ" ހާ ސާފު ކޮށް އެނގެ އެވެ. އެހެނެކޭ ކިޔާފައި އިރަކީ ދިވެހި ސަރުކާރުން ބަހައްޓައިގެން އުޅޭ އެއްޗެއް ހެއްޔެވެ؟ އަޅެފަހެ އަހަރެންގެ މި ރަހުމަތްތެރިންގެ މޮޔަކަމާމެދު އަޖައިބު ހައިރާނެއް ނުވާނެ ހެއްޔެވެ؟
***
ބުދާ ބެހޭ ގޮތުން ގާނޫނީ އިތްޒަތްތެރި ބޭފުޅަކު ވިދާޅުވަނީ އަދި މާ މޮޅު ވާހަކަ އެކެވެ. އޮންނާނީ ބުދު ބަހައްޓާފަ އެވެ. ބަލަން ތިބެހެރެވެ؛ އަދިވެސް ބަހައްޓާނޫ އެވެ. އެކުވެރިޔާ އެވެ. އަޅުގަނޑަކީ އިތްޒަތްތެރިއެއް ނޫނެވެ. ގާނޫނީ ވަކީލެއް ވެސް ނޫނެވެ. ދީނީ އިލްމުވެރިއެއް ވެސް ނޫނީމެވެ. އެކަމަކު ދެ ބުމަ ގޮށް ޖައްސަވައި ކަރުން ނާރު ނަންގަވާފައި ބޭފުޅާއަށް ތިޔަ ގޮން ޖެއްސެވެނީ މުސްލިމުންނަށް، ދިވެހިންނަށް ނޫން ކަން އަޅުގަނޑަށް ކަށަވަރެވެ.
އަދި ދަންނަވަންތޯ އެވެ؟ ބޭފުޅާ ނިކަން ހުރެ ދެކޭށެ. ތިޔަ ބާވަތުގެ އިލާހުންތައް ބިލާހަކަށްވެ ފިލައި ހިނގައިދާ ދުވަސް ދާދި ގާތްވެއްޖެ އެވެ.
އެހެންވެއްޖިއްޔާ އައްޑު އަތޮޅުގައި ބުދު ބެހެއްޓުނީ ކީއްވެގެން ހެއްޔެވެ؟ އެކަމާ ނުރުހުނު ބަޔަކު ނުރުހުމުން އެ ބުދުތަކުގެ ހިމަޔާތަށް ސަލަމާތީ ބާރުތައް ރުކުކުރުވައިލެވުނީ ކީއްވެގެން ހެއްޔެވެ؟
ފަހަރުގައި އެއީ ވެސް އޮޅުމެއް ކަމަށް ވެދާނެ އެވެ. އެހެން ވެއްޖިއްޔާ އެހެން ވެސް ވިދާޅުވާށެވެ. މަނިކުފާނަކީ ސާފުކޮށް ވިދާޅުވާ ބޭފުޅެކެވެ. މަސައްކަތްޕުޅު ކުރައްވަނީ ދީނީ އަގީދާ ވަރުގަދަ ކުރެއްވުމަށް ކަމަށް ވިދާޅުވަނީ މަނިކުފާނެވެ. ދަންނަ ބޭކަލުންގެ ނަސޭހަތްތަކާ އެއް ގޮތަށް ކަންކަން ކުރައްވާ ކަމަށް ވިދާޅުވަނީ ވެސް މަނިކުފާނެވެ. ހިތަށް އަރަހާ ވާހަކައެއް ދައްކާ މަޝްވަރާކޮށް އެވާހަކައެއްގެ ހެޔޮ ނުބައި ވަކި ކުރަން ވިދާޅުވަނީ ވެސް ހަމަ މަނިކުފާނު ނޫންތޯ އެވެ؟ މި ބުދަކާ ގުޅިގެން ދިވެހި އުންމަތް ކެވި އަރަރާއިރު މިހާތަނަށް ބުދޭ ވެސް ވިދާޅު ނުވެ މަނިކުފާނު ހުންނެވީމާ ދެން، ވަރަށް ނުގުޅެ އެވެ. މަނިކުފާނަކީ ވިދާޅުވާ ބޭފުޅެވެ. އަޅުގަނޑު މި އިންތިޒާރު ކުރަނީ އެ ހިނދުކޮޅަށެވެ.
***
ބުދުގެ މައްސަލައިގައި އަޅުގަނޑުގެ ބައެއް ރައްޓެހިންނާ ތޮޅޭން ޖެހެ އެވެ. ބައެއް ރައްޓެހިން އެކަން ތަފާތު ގޮތްގޮތަށް އަޅުގަނޑަށް ވިސްނައިދޭން އުޅެ އެވެ. އެންމެ ގިނައިން ބުނަނީ މައްސަލައަކީ ކޮބައި ހެއްޔޭ އެވެ؟ ފިހާރާތަކުގައި ހުރި ބުދުތައް މައްސަލައަކަށް ނުވަނީ ކީއްވެގެން ހެއްޔޭ އެވެ؟ ބުދަކީ ހަމައެކަނި އައްޑޫގައި ބެހެއްޓި މޮނިއުމެންޓްތައް ހެއްޔެވެ؟
ތެދެކެވެ. ބުދުވާނީ ބުދަށެވެ. ފިހާރަތަކުގައި ވެސް އެހުރީ ބުދެވެ. އެވެސް ނަގަންވީ އެވެ. އެކަމަކު އެހެންވުމަކުން އައްޑޫގައި ބަހެއްޓީ ބުދުން ނޫން ކަމަށް ހެދޭނެ ގޮތެއް އެބައޮތް ހެއްޔެވެ؟ އެ ބުދުތައް ވެސް މުގުރާން ވީ އެވެ. ދެން ޒުވާބުދޭނީ ހެއްވާ ސުވާލަކުންނެވެ. ކީކޭ ކަމަށް ހެއްޔެވެ؟ މީހުން އިރަށް ވެސް އެތިބަ އަޅުކަން ކުރަނީ ނޫން ހެއްޔޭ އެވެ؟ އިރަށް އަޅުކަން ކުރާ މީހުން ރާއްޖެ ވެސް އާދޭ ނޫން ހެއްޔެވެ؟ ތިޔަހެންޏަ، އެހެރަ ބޮޑު އިރު ފޮހެލެން ނޫޅެނީ ކީއްވެގެން ހެއްޔޭ އެވެ؟
ވާހަކަ ކިހާ މޮޅު ހެއްޔެވެ؟ އަޅުގަނޑު ދޭން އޮތް ޖަވާބަކީ މިއެވެ: އައްޑޫގައި ބުދު ބެހެއްޓީ ދިވެހި ސަރުކާރުންކަން "އޮގަސްޓް ބާރަ ތޭރަ" ހާ ސާފު ކޮށް އެނގެ އެވެ. އެހެނެކޭ ކިޔާފައި އިރަކީ ދިވެހި ސަރުކާރުން ބަހައްޓައިގެން އުޅޭ އެއްޗެއް ހެއްޔެވެ؟ އަޅެފަހެ އަހަރެންގެ މި ރަހުމަތްތެރިންގެ މޮޔަކަމާމެދު އަޖައިބު ހައިރާނެއް ނުވާނެ ހެއްޔެވެ؟
***
ބުދާ ބެހޭ ގޮތުން ގާނޫނީ އިތްޒަތްތެރި ބޭފުޅަކު ވިދާޅުވަނީ އަދި މާ މޮޅު ވާހަކަ އެކެވެ. އޮންނާނީ ބުދު ބަހައްޓާފަ އެވެ. ބަލަން ތިބެހެރެވެ؛ އަދިވެސް ބަހައްޓާނޫ އެވެ. އެކުވެރިޔާ އެވެ. އަޅުގަނޑަކީ އިތްޒަތްތެރިއެއް ނޫނެވެ. ގާނޫނީ ވަކީލެއް ވެސް ނޫނެވެ. ދީނީ އިލްމުވެރިއެއް ވެސް ނޫނީމެވެ. އެކަމަކު ދެ ބުމަ ގޮށް ޖައްސަވައި ކަރުން ނާރު ނަންގަވާފައި ބޭފުޅާއަށް ތިޔަ ގޮން ޖެއްސެވެނީ މުސްލިމުންނަށް، ދިވެހިންނަށް ނޫން ކަން އަޅުގަނޑަށް ކަށަވަރެވެ.
އަދި ދަންނަވަންތޯ އެވެ؟ ބޭފުޅާ ނިކަން ހުރެ ދެކޭށެ. ތިޔަ ބާވަތުގެ އިލާހުންތައް ބިލާހަކަށްވެ ފިލައި ހިނގައިދާ ދުވަސް ދާދި ގާތްވެއްޖެ އެވެ.
Comments