ވަގު ފުރޭތަ ދޮގާއި ހެޔޮ ޖަޒާ ލިބޭ ތެދު!
މުންޑޫ އާދަނު
ސަރުކާރުގެ މައި ހޮސްޕިޓަލުގެ ތެރެއިން އަޅުގަނޑުގެ ގާތް ރައްޓެއްސަކާ ބައްދަލުވި އެވެ. ދުވަސްކޮށްފަ އެވެ. އޭރު އަޅުގަނޑަށް ހުރެވުނީ އަންހެނުން ވިހަން ވެއްދުމުގެ ކުރިން "ދޮން ކުރަން" ބާއްވާ ޖަގަހައަށް ވައްދައިގެނެވެ. އަޅުގަނޑު ހަމަ ފެނުމާ އެކު ފަށައިގަތީ ސަރުކާރުގެ ވާހަކަ އެވެ. މި ސަރުކާރަކީ ހަދާ ގާނޫނަށް ބޯ ނުލަނބާ ސަރުކާރެވެ! ކުރާ ހުކުމަށް އަމަލު ނުކުރާ ސަރުކާރެވެ! މެޖޯރިޓީ ތާއީދު ކުރިޔަސް ނުރުހެންޏާ އެކަމެއް ގަބޫލު ނުކުރާ ސަރުކާރެވެ! ދެން ބުނީ މި ސަރުކާރަކީ އެއްވެސް ކަމަކަށް އެއްބަސް ނުވާން އެއްބަސް ވެގެން އޮތް ސަރުކާރެއް ކަމަށެވެ.
އަޅުގަނޑު އެކަމަކާ އެއްބަހެއް ނުވާނަމެވެ. ސަބަބު ވެސް އެބައޮތެވެ. ސަރުކާރުގެ ފަސް ވައުދުގެ ތެރެއިން ސިއްހީ ދާއިރާ ރަނގަޅު ނުކުރެވޭ ކަމަށް، ނުވަތަ ރަނގަޅު ނުވި ކަމަށް މި ސަރުކާރުން އެއްބަސްވެ އެވެ. އެކި ފަހަރުމަތިން ރައީސް ނަޝީދު ވަނީ އެކަމަށް އިއުތިރާފުވެ ވަޑައިގެންފަ އެވެ. ސަރުކާރުގެ ވެރިން އެކަން ގަބޫލުފުޅު ކުރައްވަ އެވެ. އެމްޑީޕީން އެކަން ބަލައިގަނެ އެވެ. އެހެންވީމާ އެއްވެސް ކަމަކަށް އެއްބަސް ނުވެއެކޭ ބުނާނެ ޖާގައެއް ނެތެއް ނޫންތޯ އެވެ؟ ކުށް ގަބޫލު ކުރުމަކީ ކިހާ ރީތި ސިފައެއް ހެއްޔެވެ؟
އެކަމަކު އަޅުގަނޑު ހިތަށް އަރައެވެ؛ މި ނޮވެންބަރު މަހުގެ 11 ވަނަ ދުވަހު މި ސަރުކާރަށް ތިން އަހަރު ފުރޭއިރު، ތިން އަހަރު ދުވަހުގެ ތެރޭގައި ސިއްހީ ދާއިރާ ހަމައަކަށް އަޅުވައި ރަނގަޅު ނުކުރެވުނު ހެލްތު މިނިސްޓަރަށް ބާކީއޮތް ދެ އަހަރު ދުވަހުގެ ތެރޭގައި އެކަން ކުރެއްވެވި ދާނެ ބާވަ އެވެ؟ އަޅުގަނޑު ހިސާބު ޖަހައިގެން އެކަހަލަ ފޯމިއުލާއެއް ނުފެނުނެވެ. އަޅުގަނޑުގެ ސިއްހަތު ބަލިކަށީ ވެސް ތޯއްޗެކެވެ. މި ސަރުކާރަށް އިތުރު ފަސް އަހަރު ލިބިގެން ކަމެއް ރަނގަޅު ކުރުމަކީ އަދި މުޅިން އެހެން ކަމެކެވެ.
ރައީސް ނަޝީދު ވިދާޅުވާ ގޮތުން ވިއްޔާ އެމަނިކުފާނު ސަރުކާރާ ހަވާލުވެ ވަޑައިގެންނެވި އިރު ސަރުކާރުގެ މައި ހޮސްޕިޓަލު އޮތީ "އަތްލާން ނުކެރޭވަރަށް" ހަލާކުވެފަ އެވެ. އެކަމަކު ތިން އަހަރުވީއިރު ސިއްހީ ދާއިރާ އާއި މައި ހޮސްޕިޓަލަށް ޖެހިފައިވާ "ބައްޔަށް" ހެލްތު މިނިސްޓަރަކަށް "ޝިފާ" ހޯއްދަވައެއް ނުދެވުނެވެ. ބޭސް ދެވޭނީ ބަލި އެނގިގެން ނޫން ހެއްޔެވެ؟ ބައްޔެއް ވެސް ނޭނގުނެވެ. ނަޓް ދޫވެފައި ހުރީ ކޮންތާކުން ކަމެއް މަރުތޭލުން ޖަހަންވީ ކޮން ދިމާއެއްގައި ކަމެއް ނޭނގުނެވެ.
ޖޫން 29، 2010ގައި ކެބިނެޓް އެއްކޮށް އިސްތިއުފާ ދެއްވެވި އިރު ވެސް ސިއްހީ ދާއިރާއަށް އެކަށީގެންވާ ކުރިއެރުމެއް އައިސްފައެއް ނުވެ އެވެ. އޭރުވެސް އެމްޑީޕީ އާއި ސަރުކާރުން އެކަން ގަބޫލު ކުރެ އެވެ. އިދިކޮޅު ފަރާތްތަކުން އެއަށް ވުރެ ބާރަށް އެވާހަކަ ގޮވަމުން ދިޔަ އެވެ. އެހެން އޮއްވާ ދެވަނަ ފަހަރަށް ވަޒީރު ކަމުގެ ފަތްކޮޅު އެކަމަނާއަށް ރައީސް ނަޝީދު ދެއްވީ ކީއްވެގެން ބާވަ އެވެ؟
އެންމެ ރަނގަޅެވެ. ރައީސް ނަޝީދު ކިތަންމެ "ގަޓްވެފައި" ކަންކަން ނިންންމެވި ނަމަވެސް ކޮންމެވެސް ސަބަބަކާހުރެ ޑރ. އާމިނަތު ޖަމީލް، އެއް ފަރާތް ކުރައްވަން ފަސްޖެހިވަޑައިގެންފާނެ އެވެ. އެކަން ބާއްވާށެވެ. ނޮވެމްބަރު 22، 2010ގައި އަލުން ވަޒީރުންނަށް ރުހުން ދެއްވެވި އިރު ރައްޔިތުންގެ މަޖިލީހުން ޑރ. އާމިނަތު ޖަމީލަށް ރުހުން ދެއްވީ ކީއްވެގެން ހެއްޔެވެ؟ އެއްކޮޅަށް ވެސް އިދިކޮޅަށް ވެސް އޭރު ބުނަމުން ދިޔައީ އެމަނާއަކަށް އެކަމެއް ނުކުރެއްވޭ ކަމަށެވެ. އެހެން ކަމުން އެމަނާއަށް ދެއްވުނީ ބޭކާރު ރުހުމެއް ނޫންތޯ އެވެ؟
އެކަން ވެސް އެ ނިމުނީ އެވެ. ވެދިޔަތަން މަރުވީ އެވެ؛ ސިއްހީ ދާއިރާގެ ތަރުތީބު ގެއްލި ހެލްތު މިނިސްޓަރު ބޮޑު ފޭލުން، ފޭލި ވެއްޖެ ކަމަށް އެންމެން ބުނާއިރު ޑރ. އާމިނަތު ޖަމީލު މަގާމުގައި ހުންނަވަނީ ކީއްވެގެންތޯ އެވެ؟ އަޅުގަނޑަށް ހަމަ ސުވާލު އުފެދެ އެވެ. އެކަމަނާ އަށް ވެސް ގައުމަށް ވެސް މަންފާ އޮތީ މިވަގުތަށް އެކަމަނާ އެކަމުން ދުރުވެ ވަޑައިގަތުމުން ކަން އެކަމަނާއަށް ގަބޫލު ފުޅު ކުރެއްވޭނެ ކަމާމެދަކު އަޅުގަނޑު ޝައްކެއް ނުކުރަމެވެ. އެކަމަނާގެ އިލްމުވެރިކަން އެއަށް ވުރެ މާ ބޮޑުވާނެ އެވެ. އަޅުގަނޑަށް ހަމަ ވިސްނެނީ ކޮންމެވެސް ކަހަލަ "ބާރެއް" އެކަމަނާ ވަށާލައިފައި ވަނީ ކަމަށެވެ.
އަޅުގަނޑު މިވާހަ ލިޔުނީމާ އެމްޑީޕީ އާއި މި ސަރުކާރަށް ރުހޭ މީހުން ބުނާނެ އެވެ: މުންޑޫ އާދަމް ހަލީމް ލިޔާނީ ވަގު ފުރޭތަ ދޮގު ވާހަކަ އެވެ. އެމްޑީޕީއާ ސަރުކާރަށް ރުޅިއަރައިގެން ތިބި މީހުން ބުނާނެ އެވެ: މުންޑޫ އާދަމް ހަލީމް ލިޔާނީ ހެޔޮ ޖަޒާ ލިބޭ ތެދު ވާހަކަ އެވެ. އަޅުގަނޑުގެ މި ކޮލަމްގެ ދިލްޗަސްބު ފެށޭނީ އެ ހިސާބުންނެވެ. މި ދެންނެވީ ދެ ފަރާތުގެ ކޮމެޓުންތަކުގެ ވާހަކަ އެވެ.
އަޅުގަނޑު އެކަމަކާ އެއްބަހެއް ނުވާނަމެވެ. ސަބަބު ވެސް އެބައޮތެވެ. ސަރުކާރުގެ ފަސް ވައުދުގެ ތެރެއިން ސިއްހީ ދާއިރާ ރަނގަޅު ނުކުރެވޭ ކަމަށް، ނުވަތަ ރަނގަޅު ނުވި ކަމަށް މި ސަރުކާރުން އެއްބަސްވެ އެވެ. އެކި ފަހަރުމަތިން ރައީސް ނަޝީދު ވަނީ އެކަމަށް އިއުތިރާފުވެ ވަޑައިގެންފަ އެވެ. ސަރުކާރުގެ ވެރިން އެކަން ގަބޫލުފުޅު ކުރައްވަ އެވެ. އެމްޑީޕީން އެކަން ބަލައިގަނެ އެވެ. އެހެންވީމާ އެއްވެސް ކަމަކަށް އެއްބަސް ނުވެއެކޭ ބުނާނެ ޖާގައެއް ނެތެއް ނޫންތޯ އެވެ؟ ކުށް ގަބޫލު ކުރުމަކީ ކިހާ ރީތި ސިފައެއް ހެއްޔެވެ؟
އެކަމަކު އަޅުގަނޑު ހިތަށް އަރައެވެ؛ މި ނޮވެންބަރު މަހުގެ 11 ވަނަ ދުވަހު މި ސަރުކާރަށް ތިން އަހަރު ފުރޭއިރު، ތިން އަހަރު ދުވަހުގެ ތެރޭގައި ސިއްހީ ދާއިރާ ހަމައަކަށް އަޅުވައި ރަނގަޅު ނުކުރެވުނު ހެލްތު މިނިސްޓަރަށް ބާކީއޮތް ދެ އަހަރު ދުވަހުގެ ތެރޭގައި އެކަން ކުރެއްވެވި ދާނެ ބާވަ އެވެ؟ އަޅުގަނޑު ހިސާބު ޖަހައިގެން އެކަހަލަ ފޯމިއުލާއެއް ނުފެނުނެވެ. އަޅުގަނޑުގެ ސިއްހަތު ބަލިކަށީ ވެސް ތޯއްޗެކެވެ. މި ސަރުކާރަށް އިތުރު ފަސް އަހަރު ލިބިގެން ކަމެއް ރަނގަޅު ކުރުމަކީ އަދި މުޅިން އެހެން ކަމެކެވެ.
ރައީސް ނަޝީދު ވިދާޅުވާ ގޮތުން ވިއްޔާ އެމަނިކުފާނު ސަރުކާރާ ހަވާލުވެ ވަޑައިގެންނެވި އިރު ސަރުކާރުގެ މައި ހޮސްޕިޓަލު އޮތީ "އަތްލާން ނުކެރޭވަރަށް" ހަލާކުވެފަ އެވެ. އެކަމަކު ތިން އަހަރުވީއިރު ސިއްހީ ދާއިރާ އާއި މައި ހޮސްޕިޓަލަށް ޖެހިފައިވާ "ބައްޔަށް" ހެލްތު މިނިސްޓަރަކަށް "ޝިފާ" ހޯއްދަވައެއް ނުދެވުނެވެ. ބޭސް ދެވޭނީ ބަލި އެނގިގެން ނޫން ހެއްޔެވެ؟ ބައްޔެއް ވެސް ނޭނގުނެވެ. ނަޓް ދޫވެފައި ހުރީ ކޮންތާކުން ކަމެއް މަރުތޭލުން ޖަހަންވީ ކޮން ދިމާއެއްގައި ކަމެއް ނޭނގުނެވެ.
ޖޫން 29، 2010ގައި ކެބިނެޓް އެއްކޮށް އިސްތިއުފާ ދެއްވެވި އިރު ވެސް ސިއްހީ ދާއިރާއަށް އެކަށީގެންވާ ކުރިއެރުމެއް އައިސްފައެއް ނުވެ އެވެ. އޭރުވެސް އެމްޑީޕީ އާއި ސަރުކާރުން އެކަން ގަބޫލު ކުރެ އެވެ. އިދިކޮޅު ފަރާތްތަކުން އެއަށް ވުރެ ބާރަށް އެވާހަކަ ގޮވަމުން ދިޔަ އެވެ. އެހެން އޮއްވާ ދެވަނަ ފަހަރަށް ވަޒީރު ކަމުގެ ފަތްކޮޅު އެކަމަނާއަށް ރައީސް ނަޝީދު ދެއްވީ ކީއްވެގެން ބާވަ އެވެ؟
އެންމެ ރަނގަޅެވެ. ރައީސް ނަޝީދު ކިތަންމެ "ގަޓްވެފައި" ކަންކަން ނިންންމެވި ނަމަވެސް ކޮންމެވެސް ސަބަބަކާހުރެ ޑރ. އާމިނަތު ޖަމީލް، އެއް ފަރާތް ކުރައްވަން ފަސްޖެހިވަޑައިގެންފާނެ އެވެ. އެކަން ބާއްވާށެވެ. ނޮވެމްބަރު 22، 2010ގައި އަލުން ވަޒީރުންނަށް ރުހުން ދެއްވެވި އިރު ރައްޔިތުންގެ މަޖިލީހުން ޑރ. އާމިނަތު ޖަމީލަށް ރުހުން ދެއްވީ ކީއްވެގެން ހެއްޔެވެ؟ އެއްކޮޅަށް ވެސް އިދިކޮޅަށް ވެސް އޭރު ބުނަމުން ދިޔައީ އެމަނާއަކަށް އެކަމެއް ނުކުރެއްވޭ ކަމަށެވެ. އެހެން ކަމުން އެމަނާއަށް ދެއްވުނީ ބޭކާރު ރުހުމެއް ނޫންތޯ އެވެ؟
އެކަން ވެސް އެ ނިމުނީ އެވެ. ވެދިޔަތަން މަރުވީ އެވެ؛ ސިއްހީ ދާއިރާގެ ތަރުތީބު ގެއްލި ހެލްތު މިނިސްޓަރު ބޮޑު ފޭލުން، ފޭލި ވެއްޖެ ކަމަށް އެންމެން ބުނާއިރު ޑރ. އާމިނަތު ޖަމީލު މަގާމުގައި ހުންނަވަނީ ކީއްވެގެންތޯ އެވެ؟ އަޅުގަނޑަށް ހަމަ ސުވާލު އުފެދެ އެވެ. އެކަމަނާ އަށް ވެސް ގައުމަށް ވެސް މަންފާ އޮތީ މިވަގުތަށް އެކަމަނާ އެކަމުން ދުރުވެ ވަޑައިގަތުމުން ކަން އެކަމަނާއަށް ގަބޫލު ފުޅު ކުރެއްވޭނެ ކަމާމެދަކު އަޅުގަނޑު ޝައްކެއް ނުކުރަމެވެ. އެކަމަނާގެ އިލްމުވެރިކަން އެއަށް ވުރެ މާ ބޮޑުވާނެ އެވެ. އަޅުގަނޑަށް ހަމަ ވިސްނެނީ ކޮންމެވެސް ކަހަލަ "ބާރެއް" އެކަމަނާ ވަށާލައިފައި ވަނީ ކަމަށެވެ.
އަޅުގަނޑު މިވާހަ ލިޔުނީމާ އެމްޑީޕީ އާއި މި ސަރުކާރަށް ރުހޭ މީހުން ބުނާނެ އެވެ: މުންޑޫ އާދަމް ހަލީމް ލިޔާނީ ވަގު ފުރޭތަ ދޮގު ވާހަކަ އެވެ. އެމްޑީޕީއާ ސަރުކާރަށް ރުޅިއަރައިގެން ތިބި މީހުން ބުނާނެ އެވެ: މުންޑޫ އާދަމް ހަލީމް ލިޔާނީ ހެޔޮ ޖަޒާ ލިބޭ ތެދު ވާހަކަ އެވެ. އަޅުގަނޑުގެ މި ކޮލަމްގެ ދިލްޗަސްބު ފެށޭނީ އެ ހިސާބުންނެވެ. މި ދެންނެވީ ދެ ފަރާތުގެ ކޮމެޓުންތަކުގެ ވާހަކަ އެވެ.
Comments