Skip to main content
ދުނިޔޭގެ އާސާރީ ތަރިކައިގެ ލިސްޓްގައި ހިމެނުމަށް އިހަވަންދޫ އާސާރީ މިސްކިތް ހުށަހަޅަނީ
މުޅި މިސްކިތުގެ ފޮޓޯ ނަގަައި މައުލޫމާތު އެކުލަވައިލުމުގެ މަސައްކަތް ޓީމު ބޭފުޅަކު ކުރައްވަނީ

ދުނިޔޭގެ އާސާރީ ތަރިކައިގެ ލިސްޓްގައި އިހަވަންދޫ އާސާރީ މިސްކިތް ހެރިޓޭޖް ޑިޕާޓްމަންޓުން ސާރވޭ ކުރަމުން އެބަގެންދެއެވެ. މިސާރވޭ ފަށާފައިވަނީ މިމަހުގެ 8 ވަނަ ދުވަހުން ފެށިގެންނެވެ. ސާރވޭ ކުރުމަށްޓަކައި ވަގުތީ ގޮތުން މިސްކިތްހުރީ ބަންދުކޮށްފައެވެ. ކަނޑައެޅިފައިވާ ތާވަލާއެއްގޮތަށް މަސައްކަތް ނިންމާލެވިއްޖެ ނަމަ މިމަހުގެ 20 ވަނަ ދުވަހަށް ސާރވޭގެ މަސައްކަތް ނިމޭނެކަމަށް ، އަމަސައްކަތް ކުރަމުންދާ ހޭރިޓޭޖް ޑިޕާރޓްމަންޓްގެ ޓީމުން މައުލޫމާތު ދިނެވެ. 

 

ދުނިޔޭގެ އާސާރީ ތަރިކައިގެ ޓެންޓިޓިވް ލިސްޓުގައި ހިމެނުމަށް ހެރިޓޭޖުން ޑިޕާރޓްމަންޓުން ނިންމާފައިވާ ހިރިގަލުގެ 16 މިސްކިތެއް ސާރވޭ ކުރުމަށްފަހު ، މާލޭގެ ހުކުރު މިސްކިތާއެކު އިތުރު 4 މިސްކިތެއް ދުނިޔޭގެ އާސާރީ ތަރިކައިގެ ލިސްޓުގައި ހިމަނަން ހުށަހަޅުމަށްޓަކައި ކުރަންޖެހޭ މަސައްކަތްތައް މިހާރުގެންދަނީ އެ ޑިޕާރޓްމަންޓުން ކުރައްވަމުންނެވެ.
އެމިސްކިތް ތަކަކީ ހއ. އިހަވަންދޫ އާސާރީ މިސްކިތާއި ، މާލޭ ޢީދު މިސްކިތާއި، އދ. ފެންފުށީ މިސްކިތާއި އަދި ލ. އިސްދޫ އާސާރީ މިސްކިތެވެ.
ހެރިޓޭޖް ޑިޕާޓްމެންޓް ހިންގުމާ ހަވާލުވެ ހުންނެވި ޓޫރިޒަމް މިނިސްޓްރީގެ ސްޓޭޓް މިނިސްޓަރު އަހުމަދު ނަސީރު ވިދާޅުވީ، ހިރިގަލުގެ ހުނަރުވެރި ކަވި މަސައްކަތް ދައްކައިދޭ ގިނަ އާސާރީ ތަންތަން ރާއްޖޭގެ އެކި ސަރަހައްދުތަކުގައި ހުރިއިރު އެތަންތަނާ ބެހޭ އެންމެ ފުރިހަމަ މައުލޫމާތު ލިބެން ނުހުރުން އެއީ އެފަދަ ތަންތަން ބައިނަލްއަގްވާމީ ފެންވަރުގައި ބަލައިގަތުމަށް އޮތް އެންމެ ބޮޑު ގޮންޖެހުން ކަމަށެވެ.
"ވޯލްޑް ހެރިޓޭޖް ފަދަ ބައިނަލްއަގްވާމީ ކަންކަމުގައި އެ ތަންތަން ހިމެނޭނީ ބައިނަލްއަގްވާމީ ގޮތުން ބޭނުން ހިފޭ މައުލޫމާތު ހުރެގެން. ނަމަވެސް އެތަންތަނާ ބެހޭ ފުރިހަމަ މައުލޫމާތު ނުލިބުމާއި އެފަދަ ތަންތަނުގެ ގައުމީ ލިސްޓެއް އެކުލަވާލާފައި ނުވުމަކީ އެފަދަ ކަންކަމުގައި ބައިވެރިވުމަށް އެޅޭ ހުރަހެއް،" ނަސީރު ވިދާޅުވި އެވެ.
ވީހާ އަވަހަކަށް އިހަވަންދޫ އާސާރީ މިސްކިތުގެ މިހާރު ހަދާފައިވާ ތޭރި ޖާލިތަކާއި މިސްކިތުގެ އާސާރީ ބައިގެ މުށިތައް ނަގައި އޭގެ އަސްލަށް ގެނައުމަކީ ވަރަށް މުހިންމު ކަމެއް ކަމުގައި ސާރވޭ ޓީމުން ލަފާދެއެވެ.
Labels:

Comments

Post a Comment

Popular posts from this blog

Dhivehi Bas

ދިވެހިބަސް ދިވެހިންގެ ބަހަކީ ދިވެހި ގައުމިްޔަތުގެ އެއްބަޔެވެ. އެއާ މެދު ދިވެހިން ފަޚްރުވެރިވުން ހައްގު އެއްބައިވެސް މެއެވެ. އެހެންކަމުން ދިވެހިބަސް އުފެދިފައިވަނީ ކިހިނެއްކަމާއި އެބަހުގައި އެކުލެވިގެންވާ ބައިތައް އޮޅުންފިލުވުމަކީ ނުހަނު މަތީ  ދަރަޖައަކަށް ދިވެހިން ބޭނުންވެފައިވާ ކަމެކެވެ. އެހެންކަމުން ތިރީގައި އެވަނީ ދިވެހިބަހާބެހޭގޮތުން ދިވެހި ބަހާއި ތާރީޚަށް ޚިދުމަތްކުރާ ގައުމީ މަރުކަޒުން ނެރެފައިވާ ލީފްލެޓެކެވެ. 
Post a Comment
Read more

Mohamed Ameen's services to the nation

When Mohamed Ameen returned to Male' after studying abroad there was a committee drafting a constitution and king Shamsudeen appointed him, by royal letter, to that group. He was its youngest and most intelligent member. After numerous difficulties, the constitution was completed and it was formally approved on Thursday 23 Shauban 1351 (22 December 1932). Acting under the constitution, the king gave the Minister for Trade portfolio to Mohamed Ameen, and he performed well in accordance with the practices of the time. Shortly after the adoption of the constitution, a serious dispute began between the Borah traders and the government. The Borahs ceased trading, locked up their shops and occupied their mosque and their three shop-houses. The government declared martial law. The person in charge was chief minister Mohamed Fareed Didi, who was also minister of the askariya (militia). On the second day of martial law, a small protest was organised. Fifty people from Galolhu ward gathered...
3 comments
Read more

ރާއްޖޭގެ ފުރަތަމަ ވަޒަންވެރިން

ލިޔުނީ: ނަސީމާ މުހައްމަދު ދިވެހިރާއްޖޭގައި ފުރަތަމަ ވަޒަންވެރިވީ މީހުން އައީ ދުނިޔޭގެ ކޮން ހިސާބަކުންކަން ޔަޤީންކަމާއެކު ހޯދުމަކީ އަޅުގަނޑުމެންނަށް މައުލޫމާތު ލިބިފައި ހުރި މިންވަރަށް ބަލާއިރު އަދި ދަތިކަމެކެވެ. ފެންނަންހުރި އާސާރީ ހެކިތަކުން މިކަން ކަށަވަރުކުރެވޭކަށް ނެތެވެ. ރާއްޖެއަށް ފުރަތަމަ އައި މީހުން އުފެއްދި ތަކެއްޗަކީ، ދުނިޔޭގެ އެހެން ހިސާބުގެ އެވޭލާގައި އުޅެފައިވާ މީހުން، ޒަމާނަށް ދޫކޮށްފައިވާ ތަކެތި ފަދައިން، ގިނަ ދުވަހު ދެމިހުންނަ ތަކެއްޗެއް ނޫނެވެ. ފެންނަން ހުރި އާސާރުތަކަކީ މާފަހުގެ ތަކެތި ކަމަށް ދެންނެވިދާނެއެވެ. އެވޭލާގެ ދިވެހީންނާމެދު ދެކެވޭ ގިނަ ވާހަކަތައް ބިނާކުރެވިފައި ވަނީ، އަޅުގަނޑުމެންގެ ބަހާއި، އަކުރާއި، ބިމުން ނެގިފައިވާ އާސާރުތަކައި، އެކި ޒަމާނުގައި ލިޔެވިފައިވާ ލިޔުންތަކުގެ މައްޗަށެވެ. އަޅުގަނޑުމެންނަށް ޔަޤީންވެފައި ވަނީ، މިރާއްޖޭގެ ރަށްރަށުގައި މީހުން އުޅޭތާ، މަދުވެގެން 2،500 އަހަރު ވެދާނެ ކަމަށެވެ.
Post a Comment
Read more