Skip to main content

ތާވުނު މިސްކިތުގެ މުދިމު އާސާރީ މިސްކިތަށް ބަދަލުކޮށްފި

ހުސެއިން ރަޝީދު ޕީޕީއެމް އަށް ފޯމް ފުރަނީ ، ގިނަ ދުވަސްތަކެއްގައި ތާވުނު މިސްކިތުގެ އިމާމަކަށް ހުރުމަށްފަހު މިހާރުވަނީ އާސާރީ މިސްކިތަށް ބަދަލުކޮށްފަ

އާސާރީ މިސްކިތަށް ނަމާދަށް ނުދެވޭތާ ދުވަސްކޮޅެއް ވެއްޖެ އެވެ. އެހެން އުޅެނިކޮށް ، އެއް ދުވަހެއްގެ މަގުރިބު ނަމާދަށް އެ މިސްކިތަށް އެރިއްޖެ އެވެ. ދިޔަ އީ ހަމަ ސިއްސައިގެންނެވެ. މުދިމްބެ ބަދަލު ވެއްޖެ އެވެ. މުދިމަކަށް ހުރީ ތާވުނު މިސްކިތުގެ މުދިމެވެ. ހުސެއިން ރަޝީދެވެ. އާސާރީ މިސްކިތުގައި މި ދޭތެރެއަކުން އިމާމުވެ ނަމާދު ކުރަނީ ސައްތާރު ބޭ އެވެ. އިރުދޭމާގޭ އަބުދުއްސައްތާރެވެ. ސައްތާރުބޭ ރިޓަޔަރ ކުރި ފަހުން ތުއްތު މަނިކެވެ. އަންބަރީގޭ ތުއްތު މަނިކެވެ. ދެން އެހެން އެކި މީހުން އެކިއިރު ބަންގި ގޮވަމުން ގަމަތްދެމުން ދެއެވެ.
އެގިލައްވާނެއެވެ. މިސްކިތަކީ ކުޑަ މިސްކިތެކެވެ. ފަހުން ފެންޑާލާ ކުޑަކޮށް، ބޮޑުކޮށް ، އާސާރީ ތަން ހިމާޔަތްކުރީ އެވެ. މިސްކިތް ހުންނަނީ ގިބުލައަކަށް ސީދާ ނޫނެވެ. އެހެންވެ، ސަފުގައި ހުންނަންވީ މިސްރާބު ރިބަން ފަށަކުން ހުންނަނީ ފާހަގަކޮށްފައެވެ. ނަމާދު ފެށުމުގެ ކުރީން މުދިމު ނުހަނު ރަގަޅަށް އިރުޝާދު ދިނެވެ. ގިބުލައަށް ހުރުމަށެވެ. 


އެގިލައްވާނެ އެވެ. މިސްކިތަކީ ކުޑަ މިސްކިތެކެވެ. މިދެންނެވި މުދިމަކީ ތަންކޮޅެއް ބޮޑު މީހެކެވެ. އިމާމު މީހާ އަށް ޙާއްޞަކޮށްފައިވާ ތަންކޮޅު ކުޑަކަމުން މުދިންބެއަށް ރަގަޅަށް ސަދިޖަވެސް ޖަހާނުލެވެއެވެ. އެހެންވެ، އިސްކޮޅު ބޮޑު މުދިމަކަށް މިމިސްކިތުގައި އިމާމު ވެ ނަމާދުކުރުންވާނީ ނުހަނު އުދަގޫ ކަމަކަށެވެ. ކުޑަކުޑަ ތަންކޮޅެއްގައި ސަދިޖަ ޖަހަންވީމާ ދެންއޮންނާނެގޮތް ސިފަކޮށްލާށެވެ. 

އެހެންވެ، މިކަން މިވީގޮތެއް ސާފުކޮށްލާ ހިތް ވެއްޖެ އެވެ. ދެތިން މީހަކު ގާތުގައި އަހާވެސްލީމެވެ. ސާފު ޖަބާވެއް ނުލިބުނެވެ. މިސްކިތުގެ ކަންތައް ރަގަޅަށް ނުބެލެހެއްޓޭތީވެ ރަގަޅަށް މުނީޓަރ ކޮށް ބެލެހެއްޓުމަށް ކައުންސިލް އިދާރާއިން ނިންމި ނިންމުމެކޭ ބުނެއެވެ. އެހެނީ އެމިސްކިތުގެ މަސައްކަތު މީހަކު މަސައްކަތަށް ނުނިކުމުވެ ސޮއިކޮށް، އުޅޭތީވެ، އޭނާގެ މުސާރަ ހިފަހައްޓައިގެން ކޮންމެވެސް މައްސަލަތަކެއް ޖެހުނު ވާހަކަ ވެސް އަޑު އެހީމެވެ. ދެން އެއީ އެހެން ވާހަކަ އެކެވެ.
މިހެން އުޅެނިކޮށް ތާވުނު މިސްކިތުގެ މުދިމު އާސާރީ މިސްކިތަށް ބަދަލު ކުރި ސަބަބު ވަރަށް ސާފުކޮށް ގަބޫލުކުރެވޭ މީހެއްގެ ފަރާތުން ސާފުވެއްޖެ އެވެ. އެމަގުން ސާފު ވީމާ، ހިއްސާނުކޮށް ބޭއްވުމަކީ ބޭއިންސާފަކަށް ވެދާނެހެން ހީވާތީވެ ބަޔާން ކުރަމެވެ. ކައުންސިލްގެ ރައީސާއި މުދިމު ޚިޔާލު ތަފާތު ވުމެއްގެ ތެރެއިން ކައުންސިލްގެ ރައީސް ވިދާޅުވި ކަމަށްވަނީ ކަންކުރާނީ ބޭނުން ގޮތަކަށް ކަމަށެވެ. އެކަމާއި މުދިންބެ ހިތް ހަމަ ނުޖެހިގެން އަދި އެ ބުނިބުމާއި ޖެހިލުންވާލެއް ބޮޑުކަމުން މިމައްސަލަ ފުލުހުންނަށް ހުށަހެޅީ އެވެ. ފުލުހުން މައްސަލަވެސް ބެލީ އެވެ. ބަލައިފައި ކައުންސިލްގެ ރައީސަށް ނަޞޭހަތްތެރިވީ އެވެ. ސިޔާސީ މަގާމެއްގައި ހުރި ބޭފުޅަކު ބުންނަން ނުވާނެ އެއްޗެއްކަން ވިސްނައިދެއްވީ އެވެ. ސިވިލް ސަރވަންޓަކަށް ބިރުދެއްކީ އެވެ. ގޯނާ ކުރެވުނީ އެވެ. އެހެންވީމާ، މައްސަލައިގެ ބާވަތު މުދިމު މީހާ ކާމިޔާބު ވީ އެވެ. 

 އެހެންވެ، އެކަމާއި ހިތާނުވެގެން، މުދިމު މީހާގެ "ތުން މޮށްކޮށްލަން" އާސާރީ މިސްކިތަށް ބަދަލުކުރީ އެވެ.
ވެރި މީހާ ރައްޔިތު މީހާ އަށް ތިޔަދިނީ އަދަބެކެވެ. އަނިޔާ އެކެވެ. މީ ދޮކެއްތޯ ބައްލައްވަން އާސާރީ މިސްކިތުގެ މުދިމު ފަހަތުގައި ފުރަތަމަ ސަފުގައި ހުރެ، މުދިންބެ އަށް ނަޒަރުކުރާށެވެ. ނަމާދުގެ ހުޝޫޢަތް ގުނެއްލޭގޮތަށެވެ.
Labels:

Comments

Post a Comment

Popular posts from this blog

Dhivehi Bas

ދިވެހިބަސް ދިވެހިންގެ ބަހަކީ ދިވެހި ގައުމިްޔަތުގެ އެއްބަޔެވެ. އެއާ މެދު ދިވެހިން ފަޚްރުވެރިވުން ހައްގު އެއްބައިވެސް މެއެވެ. އެހެންކަމުން ދިވެހިބަސް އުފެދިފައިވަނީ ކިހިނެއްކަމާއި އެބަހުގައި އެކުލެވިގެންވާ ބައިތައް އޮޅުންފިލުވުމަކީ ނުހަނު މަތީ  ދަރަޖައަކަށް ދިވެހިން ބޭނުންވެފައިވާ ކަމެކެވެ. އެހެންކަމުން ތިރީގައި އެވަނީ ދިވެހިބަހާބެހޭގޮތުން ދިވެހި ބަހާއި ތާރީޚަށް ޚިދުމަތްކުރާ ގައުމީ މަރުކަޒުން ނެރެފައިވާ ލީފްލެޓެކެވެ. 
Post a Comment
Read more

Mohamed Ameen's services to the nation

When Mohamed Ameen returned to Male' after studying abroad there was a committee drafting a constitution and king Shamsudeen appointed him, by royal letter, to that group. He was its youngest and most intelligent member. After numerous difficulties, the constitution was completed and it was formally approved on Thursday 23 Shauban 1351 (22 December 1932). Acting under the constitution, the king gave the Minister for Trade portfolio to Mohamed Ameen, and he performed well in accordance with the practices of the time. Shortly after the adoption of the constitution, a serious dispute began between the Borah traders and the government. The Borahs ceased trading, locked up their shops and occupied their mosque and their three shop-houses. The government declared martial law. The person in charge was chief minister Mohamed Fareed Didi, who was also minister of the askariya (militia). On the second day of martial law, a small protest was organised. Fifty people from Galolhu ward gathered...
3 comments
Read more

ރާއްޖޭގެ ފުރަތަމަ ވަޒަންވެރިން

ލިޔުނީ: ނަސީމާ މުހައްމަދު ދިވެހިރާއްޖޭގައި ފުރަތަމަ ވަޒަންވެރިވީ މީހުން އައީ ދުނިޔޭގެ ކޮން ހިސާބަކުންކަން ޔަޤީންކަމާއެކު ހޯދުމަކީ އަޅުގަނޑުމެންނަށް މައުލޫމާތު ލިބިފައި ހުރި މިންވަރަށް ބަލާއިރު އަދި ދަތިކަމެކެވެ. ފެންނަންހުރި އާސާރީ ހެކިތަކުން މިކަން ކަށަވަރުކުރެވޭކަށް ނެތެވެ. ރާއްޖެއަށް ފުރަތަމަ އައި މީހުން އުފެއްދި ތަކެއްޗަކީ، ދުނިޔޭގެ އެހެން ހިސާބުގެ އެވޭލާގައި އުޅެފައިވާ މީހުން، ޒަމާނަށް ދޫކޮށްފައިވާ ތަކެތި ފަދައިން، ގިނަ ދުވަހު ދެމިހުންނަ ތަކެއްޗެއް ނޫނެވެ. ފެންނަން ހުރި އާސާރުތަކަކީ މާފަހުގެ ތަކެތި ކަމަށް ދެންނެވިދާނެއެވެ. އެވޭލާގެ ދިވެހީންނާމެދު ދެކެވޭ ގިނަ ވާހަކަތައް ބިނާކުރެވިފައި ވަނީ، އަޅުގަނޑުމެންގެ ބަހާއި، އަކުރާއި، ބިމުން ނެގިފައިވާ އާސާރުތަކައި، އެކި ޒަމާނުގައި ލިޔެވިފައިވާ ލިޔުންތަކުގެ މައްޗަށެވެ. އަޅުގަނޑުމެންނަށް ޔަޤީންވެފައި ވަނީ، މިރާއްޖޭގެ ރަށްރަށުގައި މީހުން އުޅޭތާ، މަދުވެގެން 2،500 އަހަރު ވެދާނެ ކަމަށެވެ.
Post a Comment
Read more