Skip to main content

ރައީސާއި ރަދުންގެ ބަސްފުޅު!

މުންޑޫ އާދަމް ހަލީމް
ރައީސް މުހައްމަދު ނަޝީދަކީ ވަރަށް ތަފާތު ބަސްފޮތެއް ގެންގުޅުއްވާ ބޭފުޅެކެވެ. އަޅުގަނޑު ވަރަށް ގަޔާވެ އެވެ. އެ މަނިކުފާނު ވިދާޅުވާ ތަފާތު ބަސްތަކާއި ބައެއް ޖުމްލަތައް ވަރަށް ފަހިކޮށް ވައިގައި ހިފަމުން ވެސް ދެ އެވެ. އޭގެ ތެރެއިން މިހާރަށް އެންމެ ހިނގާ ޖުމްލައަކީ "ކޮންމެ ޑޮލަރެއްގެ ފަހަތުގައި ފުލުހެއް،" ކަމަށް ވިދާޅުވި ވާހަކަފުޅެކެވެ. ވަރަށް ގިނަ މީހުން ރައީސްގެ އެ ޖުމްލަ މިހާރުގެ ހާލަތާ ގުޅުވައިލަ އެވެ. ކޮންމެ ކާރެއްގެ ފަހަތަށް، ކޮންމެ ކާޅެއްގެ ފަހަތަށް ކޮންމެ ބަކަރިއެއް، ކޮންމެ ގުރައެއްގެ ފަހަތަށް ވެސް ލާންވީ ފުލުހެކޭ ބުނެ އުޅެ އެވެ. ބައެއް މީހުންނަށް އެކަން ވެގެން އުޅެނީ ބޮޑު ހަޖުލަކަށެވެ. އަޅުގަނޑު ވިސްނާލާއިރު ޑޮލަރާ ގުޅުވައިގެން ރައީސް ވިދާޅުވި އެ ވާހަފުޅަކީ ބަދަލުވެފައިވާ އަޅުގަނޑުމެންގެ ވެށީގެ ކޮންމެ ކަމަކާ މިހާރު ގުޅޭ ވާހަކަފުޅެކެވެ. އެއަކު ހަޖޫ ކިޔާނެ ތަނެއް ނެތެވެ. އަޅުގަނޑުމެންގެ ކޮންމެ ކަމެއް ވަނީ ފުލުހުން ނުކުމެ އޮބި އަޅާ ހިސާބަށް ގޮސްފައި ނޫންތޯ އެވެ؟

މިހެން ބުންޏަސް އަޅުގަނޑު އުޅޭނީ ވަރަށް ފުލުގަ އެވެ. ތިޔަބޭފުޅުން މާ މޮޅުވާނެ އެވެ.

***
ރަދުން މުހައްމަދު ފަރީދަކީ ވެސް ތަފާތު ބަސް ހަރުގަނޑެއް ގެންގުޅުއްވި ބޭފުޅެކެވެ. އެކި ކަންކަމުގައި ދިވެހިންގެ ގޮތްފޮތް ބަދަލުވެ ގޯހުން ގޯހަށް ދާން ފެށީމާ އެފަދަ މީހުންނަށް ނިސްބަތް އެމަނިކުފާނު ވިދާޅުވަނީ "އެއީ ދެސުން ކައިގެން މުށިބުދުތަކެއް" ކަމަށެވެ. "ނުވާއެއް ވިއެެއް ނޭނގޭ ނޯޖަވާނުން" ކަމަށެވެ. ފަރީދުގެ އަމިއްލަފުޅު ބަސްކޮށާރުގައި ދެ ސުން ކަމަށް ވިދާޅުވަނީ ކަނޑުމަހާއި ހަނޑުލަށް ކަމަށް ވެއެވެ. ވިދާޅުވަނީ އެ ދެ ބާވަތަކީ ވެސް ސިކުނޑި ހުޅުވައި ތަރައްގީ ކޮށްދޭ ފަދަ ފައިދާއެއް ނެތް ދެ ރޯދި ކަމަށެވެ. ބަދަލުވެފައިވާ އަޅުގަނޑުމެން ކަން ހުރި މަގު ރަދުންގެ ބަސްފުޅާ ނުގުޅޭތޯ އެވެ؟ އަޅުގަނޑުމެންގެ ކަމާއި ގޮތާއި، ފޮތް އޮތް ހާލަތުގެ މައްޗަށް އަޅުގަނޑުމެން ސިކުނޑީގެ އިންޖީނު ހިންގައިލާނެ ހެންޑެއްޔެއް އެބައޮތްތޯ އެވެ؟ އަޅުގަނޑުމެނެކޭ ރަދުން ވިދާޅުވާފަދަ މުށިބުދުތަކެކޭ އެއްހަމަ ނޫންތޯ އެވެ؟

މިހެން ބުންޏަަސް އަޅުގަނޑު އުޅޭނީ ވަރަށް ފުލުހުގަ އެވެ. ތިޔަބޭފުޅުން މާ މޮޅުވާނެ އެވެ.
***

އަހަރުމެން ހާދަ ބޮޑަކަށް ބަދަލުވެއްޖެ އެވެ. ހުރިހާ ކަމެއް މިކުރަނީ އަހަރެމެންނެވެ. އަރެމެންނީ ގައުމުގެ ނޯޖަވާނުންނީމު އެވެ. މަގުތަކާއި ކަނޑުތަކުގައި އަހަރެމެން ފޭރެން ފަށައިފީމު އެވެ. ބޮޑެތި ކުށްތަކަށް އަރައިގަނެ އަނިޔާވެރި ޖަރީމާތައް ހިންގަން ފަށައިފީމު އެވެ. މީހުން ކަތިލައި މަރަން ފަށައިފީމު އެވެ. ކުޑަކުދިންނާ ބެހެން ފަށައިފީމު އެވެ. އެއްޖިންސުން "ހިތާވާން" އެދެވެން ފަށައިފި އެވެ. ދީނަށް ފުރައްސާރަކޮށް ލިޔަން ފެށިއްޖެ އެވެ. މުސްލިމެއް ނޫންކަން އިއުލާން ކުރަން ކެރިއްޖެ އެވެ. ކީރިތި ގުރުއާން ގޮނޑަށް ވައްޓައިލަން ޖެހިލުމެއް ނުވީމު އެވެ. އަންހެނުންގެ އިތްފަތް ފޭރިގަތުމީ ދުވަހުގެ އާދަ އެވެ. ހިކިކޮށާއި ދިޔާކޮށް މަސްތުވުމަކީ އެންމެ އުފާ ވަގުތުކޮޅެކެވެ. ޖިންސީ އެދުން ވެރިކަމުގައި ދަރިއެއް ދޮންދަރިއަކަށް ނުބެލުނެވެ. ގިތެލަކަށް ކާޅަކަށް ވިޔަސް ވަރިހަމަ އެވެ. ގޮތެއް ފޮތެއް ގާނޫނެއް ގަވައިދެއް އުސޫލެއް ހަމައެއް ލަމައެއް ނެތެވެ. އަހަރެމެނަށް ދުނިޔެ ފެންނަ ގޮތް އެއީ ލައްވައިލި ޑިމޮކްރަސީގައި އޮންނަ ގޮތޯލަ އެވެ. އަހަރެމެންނީ ގައުމުގެ ނޯޖަވާނުންނީމު އެވެ. އަހަރެމެން ހާދަ ބޮޑަކަށް ބަދަލުވެއްޖެ އެވެ. އަހަރެމެން ބަލަހައްޓަން ފުލުހެއް ބޭނުން ނުވޭ ހެއްޔެވެ؟ އަހަރެމެންނީ ދެ ސުންކައިގެން މުށިބުދު ތަކެކެވެ.

މިހެން ބުންޏަސް އަޅުގަނޑު އުޅޭނީ ވަރަށް ފުލުގަ އެވެ. ތިޔަބޭފުޅުން މާ މޮޅުވާނެ އެވެ!
Labels:

Comments

Anonymous said…
ވަރަށް މޮޅު މިހެންބުންޗަސް ގޯސްވާނީ މަވިޔަ.
16 May 2011 at 22:12
Post a Comment

Popular posts from this blog

Dhivehi Bas

ދިވެހިބަސް ދިވެހިންގެ ބަހަކީ ދިވެހި ގައުމިްޔަތުގެ އެއްބަޔެވެ. އެއާ މެދު ދިވެހިން ފަޚްރުވެރިވުން ހައްގު އެއްބައިވެސް މެއެވެ. އެހެންކަމުން ދިވެހިބަސް އުފެދިފައިވަނީ ކިހިނެއްކަމާއި އެބަހުގައި އެކުލެވިގެންވާ ބައިތައް އޮޅުންފިލުވުމަކީ ނުހަނު މަތީ  ދަރަޖައަކަށް ދިވެހިން ބޭނުންވެފައިވާ ކަމެކެވެ. އެހެންކަމުން ތިރީގައި އެވަނީ ދިވެހިބަހާބެހޭގޮތުން ދިވެހި ބަހާއި ތާރީޚަށް ޚިދުމަތްކުރާ ގައުމީ މަރުކަޒުން ނެރެފައިވާ ލީފްލެޓެކެވެ. 
Post a Comment
Read more

Mohamed Ameen's services to the nation

When Mohamed Ameen returned to Male' after studying abroad there was a committee drafting a constitution and king Shamsudeen appointed him, by royal letter, to that group. He was its youngest and most intelligent member. After numerous difficulties, the constitution was completed and it was formally approved on Thursday 23 Shauban 1351 (22 December 1932). Acting under the constitution, the king gave the Minister for Trade portfolio to Mohamed Ameen, and he performed well in accordance with the practices of the time. Shortly after the adoption of the constitution, a serious dispute began between the Borah traders and the government. The Borahs ceased trading, locked up their shops and occupied their mosque and their three shop-houses. The government declared martial law. The person in charge was chief minister Mohamed Fareed Didi, who was also minister of the askariya (militia). On the second day of martial law, a small protest was organised. Fifty people from Galolhu ward gathered...
3 comments
Read more

ރާއްޖޭގެ ފުރަތަމަ ވަޒަންވެރިން

ލިޔުނީ: ނަސީމާ މުހައްމަދު ދިވެހިރާއްޖޭގައި ފުރަތަމަ ވަޒަންވެރިވީ މީހުން އައީ ދުނިޔޭގެ ކޮން ހިސާބަކުންކަން ޔަޤީންކަމާއެކު ހޯދުމަކީ އަޅުގަނޑުމެންނަށް މައުލޫމާތު ލިބިފައި ހުރި މިންވަރަށް ބަލާއިރު އަދި ދަތިކަމެކެވެ. ފެންނަންހުރި އާސާރީ ހެކިތަކުން މިކަން ކަށަވަރުކުރެވޭކަށް ނެތެވެ. ރާއްޖެއަށް ފުރަތަމަ އައި މީހުން އުފެއްދި ތަކެއްޗަކީ، ދުނިޔޭގެ އެހެން ހިސާބުގެ އެވޭލާގައި އުޅެފައިވާ މީހުން، ޒަމާނަށް ދޫކޮށްފައިވާ ތަކެތި ފަދައިން، ގިނަ ދުވަހު ދެމިހުންނަ ތަކެއްޗެއް ނޫނެވެ. ފެންނަން ހުރި އާސާރުތަކަކީ މާފަހުގެ ތަކެތި ކަމަށް ދެންނެވިދާނެއެވެ. އެވޭލާގެ ދިވެހީންނާމެދު ދެކެވޭ ގިނަ ވާހަކަތައް ބިނާކުރެވިފައި ވަނީ، އަޅުގަނޑުމެންގެ ބަހާއި، އަކުރާއި، ބިމުން ނެގިފައިވާ އާސާރުތަކައި، އެކި ޒަމާނުގައި ލިޔެވިފައިވާ ލިޔުންތަކުގެ މައްޗަށެވެ. އަޅުގަނޑުމެންނަށް ޔަޤީންވެފައި ވަނީ، މިރާއްޖޭގެ ރަށްރަށުގައި މީހުން އުޅޭތާ، މަދުވެގެން 2،500 އަހަރު ވެދާނެ ކަމަށެވެ.
Post a Comment
Read more