މިސްރުގެ ރައީސް މުބާރަކު އިސްތިޢުފާ ދެއްވައިފި
މުހައްމަދު ޢަބުދުއްޞަމަދު
މިސްރުގެ ރައީސް ހުސްނީ މުބާރަކު ވެރިކަމުން އިސްތިޢުފާ ދެއްވައިފި އެވެ. މިކަން އިޢުލާން ކުރެއްވީ މިސްރުގެ ނައިބްރައީސް އުމަރު ސުލައިމާން މިސްރުގެ ގައުމީ ޓީވީން ދެއްވި ކުރުބަޔާނެއްގައެވެ. 14 އޮކްޓޯބަރ 1981 ގައި ފެށުނު، 30 އަހަރުގެ ޚުދުމުހުތާރު ވެރިކަމުން މުބާރަކު އިސްތިޢުފާދިނީ މުބާރަކުގެ ވެރިކަމާ ދެކޮޅަށް މިސްރުގެ ރައްޔިތުން 3 ހަފުތާ ވަންދެން ކުރަމުން ދިޔަ މުޒާހަރާތަކާއި މިސްރުގެ އަސްކަރިއްޔާއިން މުބާރަކަށް ކުރިމަތިވި ފިއްތުންތަކަށް ކެތްކުކުރެވިގެންނެވެ. އަދި ބައިނަލް އަގުވާމީ ޕްރެޝަރަށް ހަދާނެގޮތް ހުސްވެގެންނެވެ.
މިސްރުގެ ވެރިކަމުގެ ބާރުތައް މިހާރު ވަނީ މިސްރުގެ އަސްކަރިއްޔާ އާ ޙަވާލުކޮށްފައެވެ. މިސްރުގެ އަސްކަރީ ކައުންސިލުން ގައުމުގައި މިނިވަން އިންސާފުވެރި އިންތިޚާބެއް ބާއްވާނެ ކަމަށްވަނީ ވިދާޅުވެފައެވެ. ހަމައެޔާއެކު ގައުމުގެ ރައްޔިތުން އާއްމު ދިރިއުޅުގެ ހާލަތަށް ރުޖޫޢަވުމަށްވެސް ވަނީ ގޮވާލާފައެވެ. މިސްރުގެ އަސްކަރީ ކައުންސިލްގެ ކޮމާންޑަރަކަށް ހުންނެވީ މުހައްމަދު ހުސެއިން ތަންތާވީ އެވެ. މިވަގުތު ހުސްނީ މުބާރަކާއި އެނާގެ އާއިލާ ތިއްބެވީ ރަތްކަނޑުގެ އައްސޭރި ރިސޯޓް ޝަރުމުއްޝައިޚުގައި ހުންނަ މުބާރަކުގެ ގަނޑުވަރެއް ގައެވެ. ސްވިޒަލޭންޑްންވަނީ މުބާރަކުގެ މުދަލާއި ފައިސާ ފްރީޒް ކޮށްފައެވެ.
މުބާރަކު އިސްތިޢުފާދެއްވި ޚަބަރާއެކު މުބާރަކުގެ ވެރިކަމާ ދެކޮޅަށް މުޒާހަރާކުރަމުން ތިޔަ އެތަން މިލިއަން މީހުންގެ ކޯތާފަތްވަނީ ކަރުނައިން ތެމިފައެވެ. އެތައް ލައްކަ ބަޔަކުވަނީ ޝުކުރުގެ ސަޖިދައަށް ތިރިވެފައެވެ. ވެރިޔަށް ގާހިރާގެ މަގުތަކުގައި ރައްޔިތުންދަނީ އުފާފާޅުކުރަމުންނެވެ. ހަވާއެރުވުމާއި ބަޑީބޭހުންގެ ކުޅިވަރުން މުޅި ގާހިރާ ވަނީ އުޖާލާ ވެފައެވެ. މައްޗަށް ބަޑި ޖަހަމުން ވެސް އެބަދެއެވެ. ކާރުތަކުގެ ބަރުގޮނުން މިސްރުގެ ރަށްތައްވަނީ ގުގުމާލާފައެވެ. ގާހިރަގެ ތަހުރީރު މައިދާނުގައި ރައްޔިތުން ދަނީ އުފާފާޅު ކުރަމުން ދިދަތައް ވިހުރަމުންނެވެ. ﷲ އަކުބަރުގެ ކަލިމައިން މުޅި ގާހިރާ ގުގުމަމުންނެވެ.
މުބާރަކު އިސްތިޢުފާ ދެއްވުމާއި ގުޅިގެން އިދިކޮޅު އެންމެ ބޮޑު ލީޑަރ މުހައްމަދު އަލްބަރާދީ ވިދާޅުވީ މިއަދަކީ އޭނާގެ ޙަޔާތުގައި އައި އެންމެ އުފާވެރި ދުވަސްކަމުގައެވެ.
މިސްރުގެ ހުސްނީ މުބާރަކުގެ ވެރިކަމާދެކޮޅަށް ރައްޔިތުން މުޒާހަރާކުރަން ފެށީ 25 ޖެނުއަރީ ގައެވެ. ރައްޔިތުންގެ ބާރުން ޚުދުމުޚުތާރު ވެރިން ވައްޓާލެވޭނެކަން މިސްރުގެ ރައްޔިތުން ސާބިތުކޮށްދީފި އެވެ. ދުނިޔޭގެ ގައުމުތަކުން މިސްރުގެ ރައްޔިތުންނަށް ދަނީ ތަޢުރީފުކުރަމުންނެވެ.
މާދަމާ މިސްރަށް އިރުއަރާނީ މުޅިން އާ އުޖާލާ ފަތިހަކަށެވެ. މިސްރުގެ ރައްޔިތުންނަށް އިންސާނީ ޙައްގެވެ. ޑިމޮކްރަސީ އެވެ. މިނިވަންކަމެވެ. މިސްރުގެ ރައްޔިތުންގެ ވެރިކަމެވެ.
މުބާރަކު އިސްތިޢުފާދެއްވި ޚަބަރާއެކު މުބާރަކުގެ ވެރިކަމާ ދެކޮޅަށް މުޒާހަރާކުރަމުން ތިޔަ އެތަން މިލިއަން މީހުންގެ ކޯތާފަތްވަނީ ކަރުނައިން ތެމިފައެވެ. އެތައް ލައްކަ ބަޔަކުވަނީ ޝުކުރުގެ ސަޖިދައަށް ތިރިވެފައެވެ. ވެރިޔަށް ގާހިރާގެ މަގުތަކުގައި ރައްޔިތުންދަނީ އުފާފާޅުކުރަމުންނެވެ. ހަވާއެރުވުމާއި ބަޑީބޭހުންގެ ކުޅިވަރުން މުޅި ގާހިރާ ވަނީ އުޖާލާ ވެފައެވެ. މައްޗަށް ބަޑި ޖަހަމުން ވެސް އެބަދެއެވެ. ކާރުތަކުގެ ބަރުގޮނުން މިސްރުގެ ރަށްތައްވަނީ ގުގުމާލާފައެވެ. ގާހިރަގެ ތަހުރީރު މައިދާނުގައި ރައްޔިތުން ދަނީ އުފާފާޅު ކުރަމުން ދިދަތައް ވިހުރަމުންނެވެ. ﷲ އަކުބަރުގެ ކަލިމައިން މުޅި ގާހިރާ ގުގުމަމުންނެވެ.
މުބާރަކު އިސްތިޢުފާ ދެއްވުމާއި ގުޅިގެން އިދިކޮޅު އެންމެ ބޮޑު ލީޑަރ މުހައްމަދު އަލްބަރާދީ ވިދާޅުވީ މިއަދަކީ އޭނާގެ ޙަޔާތުގައި އައި އެންމެ އުފާވެރި ދުވަސްކަމުގައެވެ.
މިސްރުގެ ހުސްނީ މުބާރަކުގެ ވެރިކަމާދެކޮޅަށް ރައްޔިތުން މުޒާހަރާކުރަން ފެށީ 25 ޖެނުއަރީ ގައެވެ. ރައްޔިތުންގެ ބާރުން ޚުދުމުޚުތާރު ވެރިން ވައްޓާލެވޭނެކަން މިސްރުގެ ރައްޔިތުން ސާބިތުކޮށްދީފި އެވެ. ދުނިޔޭގެ ގައުމުތަކުން މިސްރުގެ ރައްޔިތުންނަށް ދަނީ ތަޢުރީފުކުރަމުންނެވެ.
މާދަމާ މިސްރަށް އިރުއަރާނީ މުޅިން އާ އުޖާލާ ފަތިހަކަށެވެ. މިސްރުގެ ރައްޔިތުންނަށް އިންސާނީ ޙައްގެވެ. ޑިމޮކްރަސީ އެވެ. މިނިވަންކަމެވެ. މިސްރުގެ ރައްޔިތުންގެ ވެރިކަމެވެ.
Comments