ފަންޑިތައިގެ ސަބަބުން ދަރިން ނުލިބޭގޮތް ވެދާނެތޯ؟ ސަލާމަތްވާނީ ކިހިނެތްތޯ؟
ޖަވާބު:-
ދަރިން ލިބުނަ ނުދިނުމަށްވެސް ލަޢުނަތްލެއްވިގެންވާ ސިހުރުވެރިން ސިހުރު ހަދާ އުޅެއެވެ. މިފަދަ ކަމެއް ދިމާވެއްޖެކަން ޔަޤީން ވެއްޖެނަމަ އެކަމަށް ކުރެވޭނެ ކަންކަން ވެސް މިކަމުގެ ޢިލްމުވެރިން ބަޔާންކުރެއެވެ. އެގޮތުން މިކަމަށްޓަކައި ފަރުވާ ކުރާނެ ގޮތެއް މިތަނުގައި ބަޔާންކޮށްލާނަމެވެ.
ދަރިން ލިބުނަ ނުދިނުމަށްވެސް ލަޢުނަތްލެއްވިގެންވާ ސިހުރުވެރިން ސިހުރު ހަދާ އުޅެއެވެ. މިފަދަ ކަމެއް ދިމާވެއްޖެކަން ޔަޤީން ވެއްޖެނަމަ އެކަމަށް ކުރެވޭނެ ކަންކަން ވެސް މިކަމުގެ ޢިލްމުވެރިން ބަޔާންކުރެއެވެ. އެގޮތުން މިކަމަށްޓަކައި ފަރުވާ ކުރާނެ ގޮތެއް މިތަނުގައި ބަޔާންކޮށްލާނަމެވެ.
1. ދައްބަނޑުގައި ރިހުން އަދި ފަރުޖާއި ބަނޑުގައި ފުން ތަދެއް އިޙްސާސްވުން
2. ބައިގެން ދިއުން
3. ޖިމާއުވުމަށް ނުކުޅެދުން ނުވަތަ އުނދަގޫވުން
4. ދާއިމީ ގޮތެއްގައި ބޮލުގައި ރިއްސުން
5. ޙައިލުގެ ދުވަސްވަރު ވަރަށް ގަދަޔަށް ބަނޑަށް ތަދުވުން
6. ދަރިން ނުލިބެންވީ އެއްވެސް ސަބަބެއް ޑޮކްޓަރީ ގޮތުން ނޭންގުން
7. ސިހުރުގެ އާޔަތްތައް ކިޔެވޭ ހިނދު މީހާއަށް އުނދަގޫވުން
މިދަންނަވާލެވުނީ ބައެއް ޢަލާމާތްތަކެވެ. ނަމަވެސް މިއިން ޢަލާމާތެއް ނުވަތަ ޢަލާމާތްތަކެއް ފެންނަ ކޮންމެ ފަހަރަކު އެއީ ސިހުރުކަމަށް ނިންމައިގެން ނުވާނެއެވެ. އެކަން ނިންމާނީ އެކަމުގެ ތަޖުރިބާ ހުރި ރާޤީއެކެވެ.
ފަރުވާ:
1. ދުވާލަކު 1 ފަހަރު ބަޤަރާ ސޫރަތް ކިޔެވުން ނުވަތަ އަޑު އެހުން
2. ހެނދުނާއި ހަވީރުގެ ޛިކްރު (ދުޢާ) އަދި ނިދުމުގެ ކުރިންނާއި އެކި އެކި ކަންކަމާ ވިދިގެން ކިޔަން ހުންނަ ދުޢާތައް ކިޔެވުން
3. ރުޤްޔާގެ އާޔަތްތަކާއި، ސިހުރުގެ އާޔަތްތަކާއި އަދި ޝިފާގެ އާޔަތްތައް ފެނަށާއި މާމުޔާއި އަދި ޒައިތީނި ތެލަށް ކިޔެވުމަށްފަހު ބޭނުން ކުރުން. މާމުއި ދުވާލަކު 2 ފަހަރު (ރޭގަނޑު ނިދުމުގެ ކުރިން އަދި ހެނދުނު ހުސްބަނޑާ ހުރެ) ބޭނުންކުރުން ރަނގަޅުވާނެއެވެ.
4. ކުންނާރު ފަތުގެ ފެހި 7 ފަތް ހޯދާ އެ ރަނގަޅަށް ފުޑާލުމަށްފަހު ފެންވެރޭވަރުގެ ފެން އެއްޗަކަށް ގިރުވާލުމަށްފަހު އެފެނަށް ރުޤްޔާގެ އާޔަތްތަކާއި ސިހުރުގެ އާޔަތްތައް ކިޔެވުމަށްފަހު 2 ތަށި ފެން ބުއިމަށްފަހު އެފެނުން ފެންވެރުން މިގޮތަށް 3 ނުވަތަ 7 ދުވަސް ވަންދެން ހެދުން އެދެވިގެންވެއެވެ. މިފެން ފާޚާނާއަށް އަޅައިގެން ކަމަކު ނުދާނެއެވެ. އެއީ ޤުރްއާން ކިޔަވާފައިވާ ފެންކަމަށް ވާތީއެވެ. އެފެން ކޮޓަރީގައި ތަށްޓެއް ބަހަށްޓައި އެއަށް ފެންވެރުމަށްފަހު އެފެންފޮދު ގެއިން ބޭރަށް ބިންމައްޗަށް ހުސްކޮށްލުމުން ރަނގަޅުވާނެއެވެ.
5. ރުޤްޔާގެ އާޔަތްތައް އަޑު އެހުން ނުވަތަ ކިޔެވުން (ދުވާލަކު 1 ފަހަރު މި އާޔަތްތައް ކިޔަވާއިރު ނުވަތަ އަޑު އަހާއިރު ކައިރީގައި މަހުރަމަކު ހުންނަންވާނެއެވެ)
ދުޢާއަކީ الله ތަޢާލާ އަޅުގަނޑުމެން ހުރިހާ ނުބަޔަކުން ސަލާމަތްކޮށްދެއްވުން. އާމީން
ނޯޓް: މިހުރިހާކަމެއްވެސް ކުރުމުގައި ނިޔަތަކީ ވަރަށް މުހިއްމު އެއްޗެކެވެ. އަދި ގޭތެރޭގައި ބުދު އަދި ޕޮޓޯ ފަދަ ތަކެތި ނުބެހެއްޓުމާއި މިއުސިކާއި ލަވަ އަދި ފިލްމާއި ޑްރާމާތަކުން ސަލާމަތްކުރަން ޖެހޭނެއެވެ. އެހެން ނޫނީނަމަ ކިޔަވާތަކެތީގެ އެދެވޭ ފައިދާއެއް ނުފެނުމަކީ އެކަށީގެންވާކަމެކެވެ. އެހެނީ އެފަދަ ގޭގެއަށް ރަޙްމަތުގެ މަލާއިކަތުން ނުވަންނާނެއެވެ.
Comments