Skip to main content

މުދައްރިސުންގެ ދުވަސް
މިއަދުގެ އިރު އުދަރެހުން ފާއްދައިލީ އަޅުގަނޑުގެ ހިތަށް ވަރަށްވެސް އުފާވެރި ޝުޢޫރުތަކެއް އިހުސާސް ކުރުވައިދެމުންނެވެ. އެއީ މިއަދަކީ މުދައްރިސުންނަށް ޙާއްޞަކުރެވިފައިވާ ދުވަހަކަށް ވާތީ އެވެ. ބައިނަލް އަގުވާމީ ގޮތުން ފާހަގަކުރާ މުދައްރިސުންގެ ދުވަހަށް ވާތީ އެވެ. ދުވަހުގެ ހެޔޮ އެދުމާއި ތަހުނިޔާ އިހުތިރާމާއެކު މުދައްރިސުންނަށް އަރިސްކުރަމެވެ.
އިންސާނާ އެހެނިހެން ހައިވާނުންނާ އެންމެ ބޮޑަށް ތަފާތު ކޮށްދެނީ ބުއްދީގެ ސަބަބުންނެވެ. އިންސާނުންގެ ބުއްދި އާއި ވިސްނުން ތަރައްގީ ތަރައްގީވެ ކުރިއަރަނީ ޢިލްމުގެ ސަބަބުންނެވެ. ޢިލްމާކީ ބުއްދީގެ ކާނާ އެވެ. އިސްލާމް ދީން ފުރަތަމަ ކުރެއްވި އަމުރު ފުޅަކީ އުނގެނުމަށް ކުރެއްވި އަމުރު ފުޅެވެ. އެހެންކަމުން، އުގަންނާ ދިނުމަށްވުރެން ވަކި މުހިއްމު ޚިދުމަތެއް އޮންނާނެ ތޯ އެވެ. މި އަށް ވުރެން އުނދަގޫ މަސައްކަތެއް އޮންނާނެ ތޯ އެވެ. މި ބުރަ ، އުނދަގޫ މަސައްކަތް މުޖުތަމަޢަށް ކޮށްދޭބަޔަކީ މުދައްރިސުންނެވެ.


ދަންވަންތޯ އެވެ. ފަންނީ ވަޒީފާތަކުގެ ތެރެއިން އެންމެ ވޭން އަޅާބަޔަކީ މުދައްރިސުންވެ. ކޮންމެ ދުވަހަކު ދިމާވާ ކަންތައްތަކާއި ޕްރެޝަރުގެ ސަބަބުންނެވެ. ތަފާތު ފަރާތްތަކުން އަންނަ ޕްރެޝަރެވެ.، ދަރިވަރުންނާއި ބެލެނިވެރިންގެ ފަރާތުން އަންނަ ޕްރެޝަރެވެ. ތަޢުލީމީ ދާއިރާގެ އިސްވެރިންނާއި ސްކޫލްގެ އިސްވެރިންގެ ޕްރެޝަރެވެ. ގޯނާ ކުރުމާއި ތަފާތު ކުރުމެވެ.

މުދައްރިސުންނަށް ވަރަށް ގިނަ އިރު މަސައްކަތުގައި އުޅެން ޖެހެއެވެ. ރެއާއި ދުވާލެވެ. މަދަރުސާގައާއި ގޭގައެވެ. އެއްގަމާއި ކަނޑުގައެވެ. ބިމާއި ޖައްވުގައެވެ. މަގުމަތީގައާއި ކުޅޭ ބިމުގައެވެ. ހޭލާ ހުންނަ އިރުގައާއި ނިދާ އިރުގައެވެ. މުދައްރިސުން ހުވަފެނުގައިވެސް އުޅެނީ ކިޔަވާދިނުމުގައެވެ. މިކަމުގެ ނަތީޖާ މުދައްރިސުން އިހުސާސް ކުރަނީ ވަރަށް ހިތި ގޮތެއްގައެވެ. ހުރިހާ މުދައްރިސުންވެސް އަމިއްލަ ނަފުސަށް މިއަދު މިވަގުތުކޮޅު މިކަމާ ވިސްނާ ލައްވާ ށެވެ. މިއީ އެއްގަޑީ އިރުގެ ހުސްވަގުތު ކޮޅެވެ.
ދަތި ކޮންމެ މުނާސަބަތެއްގައި ގުރުބާން ކުރައްވަނީ މުދައްރުސުންނެވެ. އިގްތިޞާދީ ކޮންމެ ހީނަރު ކަމެއްގައެވެ. ބަޖެޓް ތާށިވާ ކޮންމެ ހިދުކޮޅެއްގައެވެ. ދަތިކަމެއް ދިމާވާ ކޮންމެ ވަގުތެއްގައެވެ. ކީއްވެތޯ އެވެ! ސިވިލް ސާރވީސްގައި ގިނައީ މުދައްރިސުންނަށް ވީ އެވެ. ވަރުބަލިކަމެއްނެތި ، ވަކިގަޑިއެއް ނެތި، އިތުރުގަޑީގައި އުޖޫރައަކާނުލާ މަސައްކަތްކުރަމުން ދާއިރު، މުދައްރިސުންގެ މަހު މުސާރަ މަސްނިމޭއިރު ލިބޭނެގޮތް ހެދުމަށް އަހުމިއްޔަތެއް ނުދެވެއެވެ.

މުދައްރިސުންގެ ވޭން ކުޑަކޮށްދީ މުދައްރިސުންނަށް ދެވެންއޮތް ކޮންމެ ލުޔެއް ދިނުމަކީ މުޖުތަމަޢުގެ ކޮންމެ ފަރުދެއްގެ ކޮނޑުގައި ގައުމީގޮތުންނާއި ފަރުދީ ގޮތުން އެޅިފައިވާ މަސްއޫލިއްޔަތެކެވެ. މިމަސްއޫލިއްޔަތު އަދާކުރުމުގައި އިހުމާލުވެ މުދައްރިސުންނަށް އަހުވަދައްކާ ފަރާތްތަކުގެ ޢަމަލުތައް ހުއްޓާލަން ޖެހެއެވެ. އެފަރާތްތަކާ މެދު ފިޔަވަޅު އަޅަން ޖެހެއެވެ. ގައުމަށް ޓަކައެވެ. ގައުމުގެ ދަރިންނަށް ޓަކައެވެ.

Comments

Post a Comment

Popular posts from this blog

Dhivehi Bas

ދިވެހިބަސް ދިވެހިންގެ ބަހަކީ ދިވެހި ގައުމިްޔަތުގެ އެއްބަޔެވެ. އެއާ މެދު ދިވެހިން ފަޚްރުވެރިވުން ހައްގު އެއްބައިވެސް މެއެވެ. އެހެންކަމުން ދިވެހިބަސް އުފެދިފައިވަނީ ކިހިނެއްކަމާއި އެބަހުގައި އެކުލެވިގެންވާ ބައިތައް އޮޅުންފިލުވުމަކީ ނުހަނު މަތީ  ދަރަޖައަކަށް ދިވެހިން ބޭނުންވެފައިވާ ކަމެކެވެ. އެހެންކަމުން ތިރީގައި އެވަނީ ދިވެހިބަހާބެހޭގޮތުން ދިވެހި ބަހާއި ތާރީޚަށް ޚިދުމަތްކުރާ ގައުމީ މަރުކަޒުން ނެރެފައިވާ ލީފްލެޓެކެވެ. 
Post a Comment
Read more

Mohamed Ameen's services to the nation

When Mohamed Ameen returned to Male' after studying abroad there was a committee drafting a constitution and king Shamsudeen appointed him, by royal letter, to that group. He was its youngest and most intelligent member. After numerous difficulties, the constitution was completed and it was formally approved on Thursday 23 Shauban 1351 (22 December 1932). Acting under the constitution, the king gave the Minister for Trade portfolio to Mohamed Ameen, and he performed well in accordance with the practices of the time. Shortly after the adoption of the constitution, a serious dispute began between the Borah traders and the government. The Borahs ceased trading, locked up their shops and occupied their mosque and their three shop-houses. The government declared martial law. The person in charge was chief minister Mohamed Fareed Didi, who was also minister of the askariya (militia). On the second day of martial law, a small protest was organised. Fifty people from Galolhu ward gathered...
3 comments
Read more

ރާއްޖޭގެ ފުރަތަމަ ވަޒަންވެރިން

ލިޔުނީ: ނަސީމާ މުހައްމަދު ދިވެހިރާއްޖޭގައި ފުރަތަމަ ވަޒަންވެރިވީ މީހުން އައީ ދުނިޔޭގެ ކޮން ހިސާބަކުންކަން ޔަޤީންކަމާއެކު ހޯދުމަކީ އަޅުގަނޑުމެންނަށް މައުލޫމާތު ލިބިފައި ހުރި މިންވަރަށް ބަލާއިރު އަދި ދަތިކަމެކެވެ. ފެންނަންހުރި އާސާރީ ހެކިތަކުން މިކަން ކަށަވަރުކުރެވޭކަށް ނެތެވެ. ރާއްޖެއަށް ފުރަތަމަ އައި މީހުން އުފެއްދި ތަކެއްޗަކީ، ދުނިޔޭގެ އެހެން ހިސާބުގެ އެވޭލާގައި އުޅެފައިވާ މީހުން، ޒަމާނަށް ދޫކޮށްފައިވާ ތަކެތި ފަދައިން، ގިނަ ދުވަހު ދެމިހުންނަ ތަކެއްޗެއް ނޫނެވެ. ފެންނަން ހުރި އާސާރުތަކަކީ މާފަހުގެ ތަކެތި ކަމަށް ދެންނެވިދާނެއެވެ. އެވޭލާގެ ދިވެހީންނާމެދު ދެކެވޭ ގިނަ ވާހަކަތައް ބިނާކުރެވިފައި ވަނީ، އަޅުގަނޑުމެންގެ ބަހާއި، އަކުރާއި، ބިމުން ނެގިފައިވާ އާސާރުތަކައި، އެކި ޒަމާނުގައި ލިޔެވިފައިވާ ލިޔުންތަކުގެ މައްޗަށެވެ. އަޅުގަނޑުމެންނަށް ޔަޤީންވެފައި ވަނީ، މިރާއްޖޭގެ ރަށްރަށުގައި މީހުން އުޅޭތާ، މަދުވެގެން 2،500 އަހަރު ވެދާނެ ކަމަށެވެ.
Post a Comment
Read more