Skip to main content
ރައީސް ނަޝީދުގެ ކެބިނެޓް އެއްފަހަރާ އިސްތިއުފާ ދެއްވައިފި

ވަޒީރު ބޭފުޅުންގެ މަސައްކަތްތަކަށް ރައްޔިތުންގެ މަޖިލީހުން ހުރަސްއަޅާ ކަމަށް ވިދާޅުވެ، ރައީސް އާއި ނައިބު ރައީސް ފިޔަވައި މުޅި ކެބިނެޓް އިސްތިއުފާ ދެއްވައިފި އެވެ.

މިކަމާ ގުޅިގެން ރައީސް އޮފީހުގައި މިއަދު ބޭއްވި ކުއްލި ނޫސްވެރިންގެ ބައްދަލުވުމުގައި ނޫސްވެރިންގެ ހާޒިރުގައި ކެބްނެޓްގެ 14 ވަޒީރު ބޭފުޅުން ވެސް ވަނީ ރައީސް ނަޝީދަށް އިސްތިއުފާގެ ސިޓީ ހުށަހަޅުއްވައިފަ އެވެ. އަދި ކޮންމެ ބޭފުޅެއްގެ ވެސް ސިޓީފުޅު ވަކިވަކިން ރައީސް ނަޝީދާއި ނައިބު ރައީސް ޑރ. މުހައްމަދު ވަހީދު ހަސަން މަނިކު ވަނީ ވިދާޅުވެފަ އެވެ.

އެ ބޭފުޅުންގެ އިސްތިއުފާއާ ގުޅިގެން ރައީސް ނަޝީދު ވިދާޅުވީ އެ ބޭފުޅުން އިސްތިއުފާ ދެއްވީ އެ ބޭފުޅުންގެ މަސައްކަތަށް ރައްޔިތުންގެ މަޖިލީހުން ހުރަސް އަޅަމުންގެންދާވާތީ އެ ބޭފުޅުންގެ މަސައްކަތްތައް ކުރިއަށް ގެންދެވެން ނެތިގެން ކަމަށެވެ. އަދި މިނިސްޓަރުންނަށް ކުރިމަތިވާ ހުރަސްތަކުގެ ޝަކުވާ އެބޭފުޅުން ހުށަހެޅުއްވުމުން އެމައްސަލަ މިހާރުން މިހާރަށް ވެސް އެމަނިކުފާނާއި ނައިބު ރައީސް އާ ދެ ބޭފުޅުން ވެގެން ކަމާ ބެހޭ މުއައްސަސާތަކަށް ހުށަހަޅުއްވައިގެން ބައްލަވާނެ ކަމަށް ވިދާޅުވި އެވެ.

ރައީސް ނަޝީދު އަދި ވިދާޅުވީ ރިޔާސީ ވެރިކަމެއްގައި މަޖިލީހުގެ މެޖޯރިޓީ އިދިކޮޅު ސިޔާސީ ޕާޓީ އަކަށް ލިބިފައި އޮތުމަކީ ވެރިކަން ހިންގުމަށް ހުރަސްއެޅޭނެ ކަމެއް ނޫން ކަމަށެވެ. އަދި މި ސަރުކާރުގައި ތިއްބެވި ހުރިހާ ކެބިނެޓް މިނިސްޓަރުން އެއްފަހަރާ އިސްތިއުފާ ދެއްވުމުން އެއީ މިސަރުކާރުގެ މަސައްކަތް ފެއިލްވީ ކަމަށް ދެކެވަޑައިނުގަންނަވާ ކަމަށް ވެސް ރައީސް ވިދާޅުވި އެވެ.

ކެބިނެޓްގައި ތިއްބެވި ވަޒީރު ބޭފުޅުން އިސްތިއުފާ ދެއްވުމަށްފަހު ނުކުމެވަޑައިގެން ބައެއް ވަޒީރުން ވަނީ އެ ބޭފުޅުންގެ އިސްތިއުފާއާ ބެހޭގޮތުން ވާހަކަފުޅުއް ދައްކަވައިފަ އެވެ.

ރައީސް އޮފީހުގައި ބޭއްވި ކުއްލި ޕްރެސް ކޮންފަރެންސަށް ފަހު ރައީސުލްޖުމްހޫރިއްޔާ ވަނީ އަމިއްލަފުޅަށް ފުލުހުންގެ އިދާރާ އަށް ވަޑައިގެން ވަޒީރުންނަށް މި ސަރުކާރު ހިންގުމުގައި ދަތިވެފައިވާ މައްސަލަ ތަޙްޤީޤްކޮށްދެއްވުމަށް އެދި އެ މައްސަލަ ފުލުހުންގެ އިދާރާ އަށް ހުށަހަޅުއްވައިފަ އެވެ.

ރައީސް ނަޝީދު މިމައްސަލަ ފުލުހުންގެ އިދާރާ އަށް ހުށަހެޅިތާ ގިނަ އިރުތަކެއް ނުވެ ފުލުހުން ވަނީ ރައްޔިތުންގެ މަޖިލީހުގެ މުލަކު ދާއިރާގެ މެންބަރ އަދި ޕީއޭގެ ރައީސް ޔާމީން އަބްދުލް ގައްޔޫމާއި ރައްޔިތުންގެ މަޖިލީހުގެ މާމިނގިލީ ދާއިރާގެ މެންބަރ އަދި ޖުމްހޫރީ ޕާޓީގެ ލީޑަރ ޤާސިމް އިބްރާހިމް ވަނީ ދޫނިދޫ އަށް ގެނެސްގޮސްފަ އެވެ.

Comments

Post a Comment

Popular posts from this blog

Dhivehi Bas

ދިވެހިބަސް ދިވެހިންގެ ބަހަކީ ދިވެހި ގައުމިްޔަތުގެ އެއްބަޔެވެ. އެއާ މެދު ދިވެހިން ފަޚްރުވެރިވުން ހައްގު އެއްބައިވެސް މެއެވެ. އެހެންކަމުން ދިވެހިބަސް އުފެދިފައިވަނީ ކިހިނެއްކަމާއި އެބަހުގައި އެކުލެވިގެންވާ ބައިތައް އޮޅުންފިލުވުމަކީ ނުހަނު މަތީ  ދަރަޖައަކަށް ދިވެހިން ބޭނުންވެފައިވާ ކަމެކެވެ. އެހެންކަމުން ތިރީގައި އެވަނީ ދިވެހިބަހާބެހޭގޮތުން ދިވެހި ބަހާއި ތާރީޚަށް ޚިދުމަތްކުރާ ގައުމީ މަރުކަޒުން ނެރެފައިވާ ލީފްލެޓެކެވެ. 
Post a Comment
Read more

Mohamed Ameen's services to the nation

When Mohamed Ameen returned to Male' after studying abroad there was a committee drafting a constitution and king Shamsudeen appointed him, by royal letter, to that group. He was its youngest and most intelligent member. After numerous difficulties, the constitution was completed and it was formally approved on Thursday 23 Shauban 1351 (22 December 1932). Acting under the constitution, the king gave the Minister for Trade portfolio to Mohamed Ameen, and he performed well in accordance with the practices of the time. Shortly after the adoption of the constitution, a serious dispute began between the Borah traders and the government. The Borahs ceased trading, locked up their shops and occupied their mosque and their three shop-houses. The government declared martial law. The person in charge was chief minister Mohamed Fareed Didi, who was also minister of the askariya (militia). On the second day of martial law, a small protest was organised. Fifty people from Galolhu ward gathered...
3 comments
Read more

ރާއްޖޭގެ ފުރަތަމަ ވަޒަންވެރިން

ލިޔުނީ: ނަސީމާ މުހައްމަދު ދިވެހިރާއްޖޭގައި ފުރަތަމަ ވަޒަންވެރިވީ މީހުން އައީ ދުނިޔޭގެ ކޮން ހިސާބަކުންކަން ޔަޤީންކަމާއެކު ހޯދުމަކީ އަޅުގަނޑުމެންނަށް މައުލޫމާތު ލިބިފައި ހުރި މިންވަރަށް ބަލާއިރު އަދި ދަތިކަމެކެވެ. ފެންނަންހުރި އާސާރީ ހެކިތަކުން މިކަން ކަށަވަރުކުރެވޭކަށް ނެތެވެ. ރާއްޖެއަށް ފުރަތަމަ އައި މީހުން އުފެއްދި ތަކެއްޗަކީ، ދުނިޔޭގެ އެހެން ހިސާބުގެ އެވޭލާގައި އުޅެފައިވާ މީހުން، ޒަމާނަށް ދޫކޮށްފައިވާ ތަކެތި ފަދައިން، ގިނަ ދުވަހު ދެމިހުންނަ ތަކެއްޗެއް ނޫނެވެ. ފެންނަން ހުރި އާސާރުތަކަކީ މާފަހުގެ ތަކެތި ކަމަށް ދެންނެވިދާނެއެވެ. އެވޭލާގެ ދިވެހީންނާމެދު ދެކެވޭ ގިނަ ވާހަކަތައް ބިނާކުރެވިފައި ވަނީ، އަޅުގަނޑުމެންގެ ބަހާއި، އަކުރާއި، ބިމުން ނެގިފައިވާ އާސާރުތަކައި، އެކި ޒަމާނުގައި ލިޔެވިފައިވާ ލިޔުންތަކުގެ މައްޗަށެވެ. އަޅުގަނޑުމެންނަށް ޔަޤީންވެފައި ވަނީ، މިރާއްޖޭގެ ރަށްރަށުގައި މީހުން އުޅޭތާ، މަދުވެގެން 2،500 އަހަރު ވެދާނެ ކަމަށެވެ.
Post a Comment
Read more