Skip to main content
ވަޒީރުންގެ މަޖިލީހުގެ ހުރިހާ މެންބަރުން، އެބޭފުޅުން ތިއްބެވި މަގާމުތަކުން އިސްތިޢުފާ ދެއްވައި، އެކަމުގެ ސިޓީފުޅުތައް ރައީސުލްޖުމްހޫރިއްޔާއަށް ފޮނުއްވައިފި. ރައްޔިތުންގެ މަޖިލީހުގެ މެންބަރުންނާ ގުޅޭގޮތުން ވަޒީރުންގެ މަޖިލީހުގެ މެންބަރުން އުފުއްލެވި ޝަކުވާ، ރައީސުލްޖުމްހޫރިއްޔާ ބައްލަވަން ފަށްޓަވައިފި



ވަޒީރުންގެ މަޖިލީހުގެ ހުރިހާ މެންބަރުން، އެބޭފުޅުން ތިއްބެވި މަގާމުތަކުން މިއަދު އިސްތިޢުފާ ދެއްވައި، އެކަމުގެ ސިޓީފުޅުތައް އެބޭފުޅުން ރައީސުލްޖުމްހޫރިއްޔާ މުޙަންމަދު ނަޝީދަށް ފޮނުއްވައިފިއެވެ. އެބޭފުޅުން މަގާމުން އިސްތިޢުފާ ދެއްވުމާ ގުޅިގެން، ރައީސުލްޖުމްހޫރިއްޔާ މުޙަންމަދު ނަޝީދު، ރާއްޖޭގެ ޚަބަރުފަތުރާ ވަސީލަތްތަކާ މިއަދު ހަވީރު 5 ޖެހިއިރު ރައީސުލްޖުމްހޫރިއްޔާގެ އޮފީހުގައި ބައްދަލުކުރައްވައި، މިކަން އިޢްލާނު ކުރެއްވިއެވެ. އެބޭފުޅުން އިސްތިޢުފާ މި ދެއްވީ، އެބޭފުޅުން ކުރެއްވި ހުވައާ އެއްގޮތަށް، އެބޭފުޅުންގެ މަސައްކަތްތައް ކުރިއަށް ގެންދެވެން ނެތް ކަމަށް، އެބޭފުޅުންނަށް ފާހަގަކުރެއްވިގެން އަދި ރައްޔިތުންގެ މަޖިލީހުގެ އެއްބާރުލެއްވުން އެއްގޮތަކަށްވެސް ލިބިވަޑައިނުގަންނަވައިގެން ކަމުގައި ރައީސުލްޖުމްހޫރިއްޔާ ވިދާޅުވިއެވެ. އަދި ރާއްޖޭގައި ތަންފީޒު ކުރަމުން އަންނަ ޤާނޫނުއަސާސީގެ މުޅި ރޫޙު ގެއްލޭ މިންވަރަށް އަދި ގެއްލޭގޮތަށް ރައްޔިތުންގެ މަޖިލީހުގެ ބައެއް ޢިއްޒަތްތެރި މެންބަރުން، ކަން ކުރައްވަމުން ގެންދަވާތީ ކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.

ރައީސުލްޖުމްހޫރިއްޔާގެ ވާހަކަފުޅުގައި، ވަޒީރުންގެ މަޖިލީހުގެ މެންބަރުން އުފުއްލެވި ޝަކުވާ ބެއްލެވުން އެމަނިކުފާނަށް މަޖުބޫރު ކަމަށާއި، އެހެންކަމުން، އެ ޝަކުވާތައް ބައްލަވަން މިއަދު ފަށްޓަވާނެ ކަމުގައި ވިދާޅުވިއެވެ. އެ ޝަކުވާ ބެއްލެވުމުގެ ތެރޭގައި، ކުރައްވަންޖެހޭ ހުރިހާ ކަމެއް، ޤާނޫނުގެ އެންމެ ފުޅާ ދާއިރާގައި ކުރައްވަމުން ގެންދަވާނެ ކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ. އެމަނިކުފާނަކީ ދިވެހިރާއްޖޭގެ އެންމެމަތީ ވެރިޔާ ކަމަށް ވިދާޅުވެ، ވަޒީރުންގެ މަޖިލީހުގެ މެންބަރުން އެހުށަހެޅުއްވި ޝަކުވާ ބައްލަވާނެ ކަމުގެ ޔަޤީންކަން ރައީސުލްޖުމްހޫރިއްޔާ ރައްޔިތުންނަށް ދެއްވިއެވެ. އަދި އެކަމުގައި އެޅުއްވެންހުރި ހުރިހާ ފިޔަވަޅެއް އަޅުއްވާނެ ކަމުގައިވެސް ވިދާޅުވިއެވެ. ރައީސުލްޖުމްހޫރިއްޔާ ވިދާޅުވިގޮތުގައި، މި ސަރުކާރުގެ މަޤްޞަދަކީ އަދި ސަރުކާރުގެ ބޭނުމަކީ ރައްޔިތުންނަށް ޚިދްމަތް ކޮށްދިނުމެވެ. މި ސަރުކާރު އުފެދިފައި މިއޮތީ ރައްޔިތުންގެ އިޙްސާސްތަކާއި، ރައްޔިތުންގެ ވިންދުތަކާއި، ރައްޔިތުންގެ ބޭނުންތައް ފުރިހަމަކޮށްދިނުމުގެ ނިޒާމެއް ރާއްޖޭގައި އެކުލަވާލައި، އެނިޒާމާ އެއްގޮތަށް ކަންތައްތައް ގެންދިޔުމަށެވެ. އަދި އިލެކްޝަން މެނިފެސްޓޯ ތަންފީޒު ކުރުމަށެވެ. މިރޮނގުން ވާހަކަފުޅު ދައްކަވަމުން، ރާއްޖޭގެ ވެރިކަމުގެ ކަންތައްތައް އިންތިހާއަށް ކިލަނބު ނުކުރައްވައި، ސަރުކާރަށް އެއްބާރުލެއްވުން ދެއްވުމަށާއި، އަމިއްލަ މަޞްލަޙަތު ރައްކާތެރި ކުރެއްވުމަށް މަސައްކަތް ނުކުރެއްވުމަށް ރައްޔިތުންގެ މަޖިލީހުގެ ޢިއްޒަތްތެރި މެންބަރުންގެ އަރިހުން ރައީސުލްޖުމްހޫރިއްޔާ އެދިވަޑައިގެންނެވިއެވެ.

ރައީސުލްޖުމްހޫރިއްޔާގެ ވާހަކަފުޅުގައި، ވަޒީރުންގެ މަޖިލީހުގެ ހުރިހާ މެންބަރުންނަށް ވަރަށް އިޚްލާޞްތެރިކަމާއެކު ޝުކުރު އަދާކުރެއްވިއެވެ. އަދި އެބޭފުޅުން އެދެއްކެވި ހިތްވަރާއި، އެބޭފުޅުންގެ މަތިވެރި އަޚްލާޤީ ސުލޫކީ މިންގަނޑާއި، ޤާނޫނުއަސާސީގެ އެންމެހާ ސިފަތައް ދެމެހެއްޓެވުމަށް އެބޭފުޅުން ތައްޔާރަށް ތިއްބެވި މިންވަރަކީ، މިއަދު ރާއްޖޭގެ ރައްޔިތުންނަށް ކުޑަކޮށްވެސް އޮޅިވަޑައިގަންނަވާނެ ކަމެއް ނޫން ކަމުގައި ވިދާޅުވިއެވެ.

ވަޒީރުންގެ މަޖިލީހުގެ މެންބަރުން މަގާމުން އިސްތިޢުފާ ދެއްވައި ހުށަހެޅުއްވި ސިޓީފުޅުތައް، ރާއްޖޭގެ ޚަބަރުފަތުރާ ވަސީލަތްތަކުގެ ކުރިމަތީގައި ރައީސުލްޖުމްހޫރިއްޔާ ބެއްލެވިއެވެ. އަދި ނޫސްވެރިން ދެންނެވި ސުވާލުތަކަށް ރައީސުލްޖުމްހޫރިއްޔާ ޖަވާބު ދެއްވިއެވެ.

Comments

Post a Comment

Popular posts from this blog

Dhivehi Bas

ދިވެހިބަސް ދިވެހިންގެ ބަހަކީ ދިވެހި ގައުމިްޔަތުގެ އެއްބަޔެވެ. އެއާ މެދު ދިވެހިން ފަޚްރުވެރިވުން ހައްގު އެއްބައިވެސް މެއެވެ. އެހެންކަމުން ދިވެހިބަސް އުފެދިފައިވަނީ ކިހިނެއްކަމާއި އެބަހުގައި އެކުލެވިގެންވާ ބައިތައް އޮޅުންފިލުވުމަކީ ނުހަނު މަތީ  ދަރަޖައަކަށް ދިވެހިން ބޭނުންވެފައިވާ ކަމެކެވެ. އެހެންކަމުން ތިރީގައި އެވަނީ ދިވެހިބަހާބެހޭގޮތުން ދިވެހި ބަހާއި ތާރީޚަށް ޚިދުމަތްކުރާ ގައުމީ މަރުކަޒުން ނެރެފައިވާ ލީފްލެޓެކެވެ. 
Post a Comment
Read more

Mohamed Ameen's services to the nation

When Mohamed Ameen returned to Male' after studying abroad there was a committee drafting a constitution and king Shamsudeen appointed him, by royal letter, to that group. He was its youngest and most intelligent member. After numerous difficulties, the constitution was completed and it was formally approved on Thursday 23 Shauban 1351 (22 December 1932). Acting under the constitution, the king gave the Minister for Trade portfolio to Mohamed Ameen, and he performed well in accordance with the practices of the time. Shortly after the adoption of the constitution, a serious dispute began between the Borah traders and the government. The Borahs ceased trading, locked up their shops and occupied their mosque and their three shop-houses. The government declared martial law. The person in charge was chief minister Mohamed Fareed Didi, who was also minister of the askariya (militia). On the second day of martial law, a small protest was organised. Fifty people from Galolhu ward gathered...
3 comments
Read more

ރާއްޖޭގެ ފުރަތަމަ ވަޒަންވެރިން

ލިޔުނީ: ނަސީމާ މުހައްމަދު ދިވެހިރާއްޖޭގައި ފުރަތަމަ ވަޒަންވެރިވީ މީހުން އައީ ދުނިޔޭގެ ކޮން ހިސާބަކުންކަން ޔަޤީންކަމާއެކު ހޯދުމަކީ އަޅުގަނޑުމެންނަށް މައުލޫމާތު ލިބިފައި ހުރި މިންވަރަށް ބަލާއިރު އަދި ދަތިކަމެކެވެ. ފެންނަންހުރި އާސާރީ ހެކިތަކުން މިކަން ކަށަވަރުކުރެވޭކަށް ނެތެވެ. ރާއްޖެއަށް ފުރަތަމަ އައި މީހުން އުފެއްދި ތަކެއްޗަކީ، ދުނިޔޭގެ އެހެން ހިސާބުގެ އެވޭލާގައި އުޅެފައިވާ މީހުން، ޒަމާނަށް ދޫކޮށްފައިވާ ތަކެތި ފަދައިން، ގިނަ ދުވަހު ދެމިހުންނަ ތަކެއްޗެއް ނޫނެވެ. ފެންނަން ހުރި އާސާރުތަކަކީ މާފަހުގެ ތަކެތި ކަމަށް ދެންނެވިދާނެއެވެ. އެވޭލާގެ ދިވެހީންނާމެދު ދެކެވޭ ގިނަ ވާހަކަތައް ބިނާކުރެވިފައި ވަނީ، އަޅުގަނޑުމެންގެ ބަހާއި، އަކުރާއި، ބިމުން ނެގިފައިވާ އާސާރުތަކައި، އެކި ޒަމާނުގައި ލިޔެވިފައިވާ ލިޔުންތަކުގެ މައްޗަށެވެ. އަޅުގަނޑުމެންނަށް ޔަޤީންވެފައި ވަނީ، މިރާއްޖޭގެ ރަށްރަށުގައި މީހުން އުޅޭތާ، މަދުވެގެން 2،500 އަހަރު ވެދާނެ ކަމަށެވެ.
Post a Comment
Read more