Skip to main content

އިޖުތިމާޢީ ތަފާތު މައްސަލަތައް- ވިސްނާލެއްވުން ކީއްތޯ؟
ތާސީރު
އަޅުގަނޑުމެން ދުނިޔޭގެ ތެރެއަށް ލޯ ހުޅުވުނީ އިހަށް ދުވަހުއެވެ. ކުރިން އުޅުނީ ވަރަށް ދަތި ހާލުގައެވެ. އެންމެ ދަތި ރަށް ފުށުގައެވެ. އިލެކުޓެރިކްގެ ހިތްގައިމު އަލިކަން ލިބި ރޭ އަނދިރި ނުވާ ރަށަކަށް ވީ އިހަށް ދުވަހު އެވެ. އޭގެ ފަހަތުން ޒަމާނީ ތަފާތު ވަޞީލަތްތައް ލިބެން ފެށި އެވެ. ކޭ ބަލް ޓީވީ އާއި އެހެނިހެން ޚިދުމަތް ތަކެވެ. ސައިންސާއި ޓެކްނޮލިޖީގެ އަވާގައި ގިނަ ބަޔަކު ޖެހި އެކަމުގައި ވަގުތުތައް ހޭދަ ކުރަމުން ދިޔައެވެ. ތަފާތު ދޮރުތައް ހުޅުވިގެން ދިޔައެވެ. އެދޮރުތަކުން ހެޔޮ ކަންތައްތަކާއި ނުބައި ކަންތައްތައް ވަންނަމުން ދިޔައެވެ. ކޮންމެ ކަމަކާއެކު ވެސް ރަގަޅު ކަންތައްތަކާއި ގޯސް ކަންތައްތައް އަންނަ ބީދައިންނެވެ.

އަޅުގަނޑުމެންގެ ތެރެއަށް ސިޔާސީ އޮއިވަރެއް ޖެހުނުތާ އަހަރުތަކެއް ވެއްޖެ އެވެ. އަޅުގަނޑުމެންނަކީ ޒަމާނުއް ސުރެން ވަރަށް ސިޔާސީ ބަޔެކެވެ. އަތޮޅު އެހެން މީހުންނަށް ވުރެން އަޅުގަނޑުމެން ސިޔާސީ ގޮތުން ހޭލުންތެރިވެފައި ހަރަކާތްތެރި އެވެ. އުތުރު ގަނޑުބަޑުގައިވެސް އަޅުގަނޑުމެންގެ ކާބަފައިން އަމަލީގޮތުން ބައިވެރިވި އެވެ. އަޅުގަނޑުމެންނަށް ޑިމޮކްރަސީގެ ފަތިސް ވީއިރު އެހެންމީހުނަށް ވީ އިރާކޮޅެވެ. އަބަދުވެސް ރަށުގައި ސިޔާސީ ވާދަވެރިކަން އޮވެއެވެ. ވަކި މިހާރަކު ނޫނެވެ. ހިނގާފައިވާ ތަފާތު ހާދިސާތައް ފުންކޮށް ތަހުލީލުކޮށްލީމާ އެކަން އެނގެއެވެ.

ސިޔާސީ ކަންކަމުގައި ވެސް ކޮންމެވެސް ބަޔަކު އުޅެން ޖެހެއެވެ. އެންމެންނެއް ނޫނެވެ. އިޖުތިމާޢީ އިގުތިޞާދީ ބޮޑެތި މައްސަލަތަކެއްގެ ވިލާގަނޑެއްގެ ދަށުގައި އަޅުގަނޑުމެން ވާއިރު، އިޖުތިމާޢީ މައްސަލަތައް ހައްލުކުރުމަށާއި އެކަމަށް މީހުން ހޭލުންތެރި ކުރުވުމަށް ވެސް ބަޔަކު އުޅެން ޖެހެއެވެ. ސިޔާސީ ވިސްނުމުން ސިކުނޑި އެއްކިބާކޮށް ، އިޖުތިމާއީ މައްސަލަތަކާ މެދު ފުންކޮށް ވިސްނަން ޖެހެއެވެ. އެކުވެރި ޞުލްހަވެރި މުޖުތަމަޢެއް ބިނާކުރުމަށެވެ. މިއީ އެއްބައެއް ، އެއްރަށެއް، އެއްރައްޔިތެކެވެ.

ސިޔާސީ އޮއިވަރެއްގައި އަޅުގަނޑުމެން ޖެހިފައި ތިއްބާ ، ރަށުގެ އަދި މުޅިގައުމުގެ އިޖުތިމާޢީ ފޭރާން ވީދި ހަލާކުވަނީ އެވެ. އިގުތިޞާދީ މައްސަލަތައް ހައްލުނުވެ، ފަގީރުކަން ބޮޑުވަނީ އެވެ. އާއިލީ ގުޅުންތައް ކެނޑި ދަރިންގެ ތަރުބިއްޔަތަށް ހުރަސް އެޅެނީ އެވެ. ބައިބައިވުމާއި ދެކޮޅުވެރިކަން އުފެދި ގާނޫނާ ގަވާއިދަށް ހުރުމަތްތެރިކޮށް ނުހިތާ ވެއްޓެއްގެ ކޯދު ނުކުންނަނީ އެވެ. ކުޅިވަރާއި މަޖަލުގެ ތެރެއަށް ސިޔާސަތުވަދެ މުޅި ވެށި ހައިޖާނުވަނީ އެވެ.

ރަށެއް ނުވަތަ ގައުމެއްގެ ދުޅަހެޔޮކަން ދެމިއޮންނާނީ ހުރިހާ ދާއިރާއެއް ވެސް ހަރުދަނާ ވެގެންނެވެ. ހާއްޞަކޮށް އިޖުތިމާޢީ މައްސަލަތައް ހަރުދަނާވެގެންނެވެ. އެދާއިރާގެ މައްސަލަތައް ހައްލުކުރެވިގެންނެވެ. ސިޔާސީ ދާއިރާއަށް މުޅި ވިސްނުން ދޫކޮށްލައިފި ނަމަ އޭގެ ސަބަބުން އެހެން މައްސަލަތައް ހައްލުނުވެ ގޯހުން ގޯހަށް ދާނެއެވެ. ހަމަ ކަމެއްވާއިރަށް ސިޔާސީ ތަރަހައިން ވިސްނާ ނަމަ ، މައްސަލަތަކުގެ ހައްލު ދެނެގަނެ އިންސާފުގެ ތިޔަފަތުން ފިޔަވަޅު އަޅަން އުނދަގޫވާނެއެވެ. އެހެނީ، އެކަމުގެ ސަބަބުން އެތައް މައްސަލައެއްގެ ނިރު ފަޅާނެ އެވެ. އެހެން ކަމުން ސިޔާސީ ތަރަހައިގެ ބޭރުން މައްސަލަތަކާމެދު ފުންކޮށް ވިސްނާ ހައްލުކުރުމަށް މަސައްކަތް ކުރަން ޖެހެއެވެ.

Comments

Post a Comment

Popular posts from this blog

Dhivehi Bas

ދިވެހިބަސް ދިވެހިންގެ ބަހަކީ ދިވެހި ގައުމިްޔަތުގެ އެއްބަޔެވެ. އެއާ މެދު ދިވެހިން ފަޚްރުވެރިވުން ހައްގު އެއްބައިވެސް މެއެވެ. އެހެންކަމުން ދިވެހިބަސް އުފެދިފައިވަނީ ކިހިނެއްކަމާއި އެބަހުގައި އެކުލެވިގެންވާ ބައިތައް އޮޅުންފިލުވުމަކީ ނުހަނު މަތީ  ދަރަޖައަކަށް ދިވެހިން ބޭނުންވެފައިވާ ކަމެކެވެ. އެހެންކަމުން ތިރީގައި އެވަނީ ދިވެހިބަހާބެހޭގޮތުން ދިވެހި ބަހާއި ތާރީޚަށް ޚިދުމަތްކުރާ ގައުމީ މަރުކަޒުން ނެރެފައިވާ ލީފްލެޓެކެވެ. 
Post a Comment
Read more

Mohamed Ameen's services to the nation

When Mohamed Ameen returned to Male' after studying abroad there was a committee drafting a constitution and king Shamsudeen appointed him, by royal letter, to that group. He was its youngest and most intelligent member. After numerous difficulties, the constitution was completed and it was formally approved on Thursday 23 Shauban 1351 (22 December 1932). Acting under the constitution, the king gave the Minister for Trade portfolio to Mohamed Ameen, and he performed well in accordance with the practices of the time. Shortly after the adoption of the constitution, a serious dispute began between the Borah traders and the government. The Borahs ceased trading, locked up their shops and occupied their mosque and their three shop-houses. The government declared martial law. The person in charge was chief minister Mohamed Fareed Didi, who was also minister of the askariya (militia). On the second day of martial law, a small protest was organised. Fifty people from Galolhu ward gathered...
3 comments
Read more

ރާއްޖޭގެ ފުރަތަމަ ވަޒަންވެރިން

ލިޔުނީ: ނަސީމާ މުހައްމަދު ދިވެހިރާއްޖޭގައި ފުރަތަމަ ވަޒަންވެރިވީ މީހުން އައީ ދުނިޔޭގެ ކޮން ހިސާބަކުންކަން ޔަޤީންކަމާއެކު ހޯދުމަކީ އަޅުގަނޑުމެންނަށް މައުލޫމާތު ލިބިފައި ހުރި މިންވަރަށް ބަލާއިރު އަދި ދަތިކަމެކެވެ. ފެންނަންހުރި އާސާރީ ހެކިތަކުން މިކަން ކަށަވަރުކުރެވޭކަށް ނެތެވެ. ރާއްޖެއަށް ފުރަތަމަ އައި މީހުން އުފެއްދި ތަކެއްޗަކީ، ދުނިޔޭގެ އެހެން ހިސާބުގެ އެވޭލާގައި އުޅެފައިވާ މީހުން، ޒަމާނަށް ދޫކޮށްފައިވާ ތަކެތި ފަދައިން، ގިނަ ދުވަހު ދެމިހުންނަ ތަކެއްޗެއް ނޫނެވެ. ފެންނަން ހުރި އާސާރުތަކަކީ މާފަހުގެ ތަކެތި ކަމަށް ދެންނެވިދާނެއެވެ. އެވޭލާގެ ދިވެހީންނާމެދު ދެކެވޭ ގިނަ ވާހަކަތައް ބިނާކުރެވިފައި ވަނީ، އަޅުގަނޑުމެންގެ ބަހާއި، އަކުރާއި، ބިމުން ނެގިފައިވާ އާސާރުތަކައި، އެކި ޒަމާނުގައި ލިޔެވިފައިވާ ލިޔުންތަކުގެ މައްޗަށެވެ. އަޅުގަނޑުމެންނަށް ޔަޤީންވެފައި ވަނީ، މިރާއްޖޭގެ ރަށްރަށުގައި މީހުން އުޅޭތާ، މަދުވެގެން 2،500 އަހަރު ވެދާނެ ކަމަށެވެ.
Post a Comment
Read more