ރަށްގޮވާއަޑު

ހައެއްކަ މީހުންނަށްވެސް ނުހިފެއްޓުނު އަށެއްކަ އަހަރުގެ ކުޑަކުއްޖާ ލިޔުނީ:00000 މިވާހަކަ ކިޔައިދޭން އަޅުގަޏޑު މިއުޅެނީ ފަސްދޮޅަހުގެ އަހަރުތަކުގެ މެދަކާ ހިސާބުގައެވެ.  ވާހަކަ އަކީ މީގެ 50 އަހަރު ކުރީގެ ވާހަކަ އެކެވެ. ބިރުވެރި ވާހަކަ އެކެވެ. ޖިންނި ވާހަކައެވެ. ވާހަކަ އަކީ ބިރުވެރި ވާހަކަ އެކެވެ.

އެނދި މަރިޔަބު ނުވަތަ މަރިޔަމް ކަނބާފާނަކީ ދިވެހި ސިންގާ ސަނާގައި އުތީމު ދަރިކޮޅުން ރެދަލި ކުރެއްވި މަޝްހޫރު ރަދުން އައްސުލްޠާން އިބްރާހީމް އިސްކަންދަރު އެއްވަނައިގެ ޖާރިޔާއެކެވެ.ފަހުން އަނބިކަނބަލެއްގެ މަޤާމަށް ގެންނެވި ބޭކަނބަލެކެވެ.މި ކަނބާފާނަކީ ހިންދުސްތާނުގެ މާލިމީ އެއް ކަމުގއިވާ މާލިމީ ޙަސަނޭ ކިޔުނު ބޭފުޅެއްގެ އަންހެން ދަރިކަނބަލެކެވެ.އަދި މީގެ އިތުރުން މިކަމަނާއަކީ އިސްކަންދަރު ރަދުންނަށް ލިބިވަޑައިގަތް ހަމައެކަނި ފިރިހެން ބޭފުޅާކަމުގައިވާ ކުޑަ މުޙައްމަދު ( ފަހުން ކުޑަ މުޙައްމަދު މަހާރަދުން) ގެ މަންމާފުޅުވެސް މެއެވެ. އާދޭހެވެ. ދިވެހި ތާރީޚުގައި ކިޔާ ރަންމަނި ލޯކަ މަހާރަދުންގެ މަންމާފުޅެވެ.މިކަމަނާގ ެވާހަކަޔަކީ ޒަމާނުންސުރެ ދިވެހިން ދޫދޫ މަތިނ ްކިޔަމުން އަންނަ ވާހަކަޔެކެވެ. މިކަމަނާއަކީ ބާރާއި ނުފޫޒުން ވެރިކަން މިލްކުކުރައްވަވާ ދިވެހި ތާރީޚު ނުދެކޭ ފަދަ ހުތުރު ނުބައި ވެރިކަމެއް ކުރި ބޭކަނަބަލެކެވެ. ބޭރުގެ ސައްޔާޙުން މިކަމަނާ ސިފަ ކުރައްވަނީ ރޫސީ ވިލާތުގެ ރާނީ ކެތެރިން ދެވަނަ ފަދަ ބޭކަނބަލެއްގެ ގޮތުގައެވެ

ހިތްބަންޑުވި ހިސާބުން ލިޔުނީ: ނަދީމް އެ ވަނާތައް ފެނި ހިތް ބަންޑުންވީ އެވެ. ކަލޭގެ ހިތެވެ. ޝަހުވަތްތެރިކަމުގެ ދޮރެއް އެ ހިތުގެ އެންމެ ފުންމިނުގައި ހުޅުވި އެކަން އިއުލާނު ވެސް ކުރެވުނީ އެވެ. މިސާލަކަށް، ލޯބިވެވުނީ އަމިއްލަ ދައްތަ ދެކެ އެވެ. ދެން ހަދާނީ ކިހިނެތް ހެއްޔެވެ؟ އަދި އެ ލޯބި ފަޅާއަރައި އެހެން ކަމެއްގެ ތުހުމަތު ވެސް ކަލޭގެ މައްޗަށް ކުރެވުނީ އެވެ. މިސާލަކަށް، ދައްތަގެ ގަޔަށް އަތްލެވުނީ އެވެ. ނިއަނެތިވި އެ އަންހެނާގެ އިތްފަތްތެރިކަމަށް އަރައިގަނެވުނީ އެވެ. މި ލޯތްބާއި ރަހުމެއް ނެތް އަނިޔާވެރިކަމުގެ ތެރެއިން އުފެދުނު ހަމަލާއެއްގައި އެންމެފަހުން ކަލޭ ޒަހަމްވީ އެވެ. ސަލާމަތްވިޔަސް އެއީ މަރުގެ އެތިފަހަރެކެވެ. ދައްތަގެ އަތުން ދިން ހަމަލާ އެކެވެ. އެއަށް ފަހު ކަލޭ މިހާރު ތި އޮތީ ހޮސްޕިޓަލްގެ އައިސީޔޫގަ އެވެ. އަދިވެސް ހޭނެތިފަ އެވެ. ފުލުހުން އެ ތިބީ އިންތިޒާރުގަ އެވެ. ދައްތަ ވެސްމެ އެވެ. އިންސާފު ބޭނުމެވެ. އެކަމަކު ކާކަށް ހެއްޔެވެ؟

ނޮޅިވަރަންފަރު ނަޝދުއާއި އަލީ ރައްޓެހި މެޑަމް ނަސްރީނާ : ފޮޓޯ ރަށްގޮވާއަޑު މިދަތުރުގެ ފޮޓޯތައް ބައްލަވާލެއްވުމަށް މިލިންކަށް ތަދައްހުލްވޭ ގްރޭޑް 12 ގެ ދަރިވަރުން ދަތުރު ނާމާ ލިޔުމަށް ކުރާދަތުރުގައި އަހަރެން އަދި ބައިވެރިއެއް ނުވައެވެ. އެހެންވެ، ޕްރިންސިޕަލް ގެ އެދިލެއްވުމަށް ، މިދަތުރުގައި ބައިވެރިވާން އަހަރެން އެއްބަސްވީ ، ކަނޑުމައްޗަށް ބަލި މީހެއްކަންވެސް ދެނެހުރެއެވެ. 2013 ވަނަ އަހަރު ގްރޭޑް 12 ގެ ދަރިވަރުން ދަތުރު ނާމާ ލިޔުމަށްޓަކައި ، ދަތުރު ދިއުމަށް ހަމަޖެހުނީ ތިލަދުންމަތީ ދެކުނުބުރީ ނޮޅިވަރަންފަރަށެވެ. އެރަށުން މިދަތުރުގެ އިންތިޒާމްތައް ހަމަޖައްސައި ދެއްވީ އެރަށު ސްކޫލުން ނެވެ. އެސްކޫލްގެ މުވައްޒަފުންނާއި ބެލެނިވެރިންވެ. ނޮޅިވަރަންފަރު ސްކޫލްގެ ޕްރިންސިޕަލަކަށް ހުންނަވަނީ އެއަތޮޅު ނޮޅިވަރަމް ބޭފުޅެކެވެ. ނަމަކީ ޢަދުނާނު ޢަލީ އެވެ.  

ބަދަލު ތުތޭ ކުރީގެ ބަޔާގުޅޭ ވެރިކަމަށް އަރާވަޑައިގެން ހުންނެވި ރައީސް ޑރ. މުހައްމަދު ވަހީދު ހަސަންމަނިކު ރަށަށް ވަޑައިގެން އެމަނިކުފާނުން ، ރަށުގެ ރައްޔިތުންނާ ބައްދަލުކުރުމަށް ހަމަޖެހިފައިވާ ތަނަށްވަޑައިގަތުމުން ، އަހަރުމެން އެންމެން ޕޮލިސް ސްޓޭޝަންގެ ވަލުދޮރާށިން ނެރެގެން ގެންގޮސް ލާންޗަށް އަރުވައިގެން ގެެންދިޔައީ ދިއްދޫ ޖަލަށެވެ. އެމްޑީޕީއަށް ސަޕޯޓްކުރާ އެޕާޓީގެ މެންބަރުން އަހަރުމެން ޖަލަށްގެންދާތީ ހިތްވަރުދީ ޖަލަށް މަރުހަބާ ކިޔުމަށް ދިއްދޫގެ ބަނދަރުމަތީގައި ތިއްބެއެވެ. އަހަރެމެންގެ މައްޗަށް އެއްވެސް ތަހުގީގެއް ނުހިންގައި ، ދިއްދޫ ކޯޓަށް މުއްދަތު ޖަހަން ގެންދިއުމުން ، މުއްދަތެއް ޖަހައެއް ނުދިނެވެ.

ބަދަލު  ތުތޭ ކުރީ ދުވަހާ ގުޅޭ   ބައެއް މީހުން އޮރިޔާން ކުރަމުން، އަނިޔާކުރަމުން، ޕޮލިހުން ހައްޔަރުކުރަމުން ދިޔައިރު މަހުރީ ތަޅިން ކުޅުހިކިފައެވެ. މުޒާހަރާއަކަށް ނިކުން ފުރަތަމަ ދުވަހެވެ. މަށާދިމާއަށް މިނިކާވަގެއްހެން ޖެހިގަތީ ކަޅު ބިޔަ ބޮޑު އެސްއޯ ފުލުހެކެވެ. މަގޭ ގާތުގައި ހުރި ނުދަން ބޯދިގު ސޮރެއްގެ އިޝާރާތަށްކަން އެނގެއެވެ. މަހިތަށްވެސް އެރީ އެއީ އިންޓެލް ގޮލައެއް ކަމަށެވެ. ފުރަތަމަވެސް ޖަހާގަތީ މަގޭ ވަރަ އެވެ. ދެން ބޮލަށް މަހާފައިވާ ކާޅު ބޮލެވެ. ތިން ހަތަރު އެސްއޯ ފުލުހުން މަ ވަށާލުމަށްފަހު އުފުރާލިއެވެ. އަންހެންވެރިން ހަޅޭ ޖަހާގަތެވެ. އެސްއޯފުލުހުން މަގޭ " މޯޓަރު" ގައި ހިފިތަން އެމީހުންނަށް ފެނުނީ ކަން ޔަގީނެވެ. ގައިން ވަރުގޮސް ދެލޯ އާހަށް އެރިއެވެ   . އެސްއޯ ދެ ފުލުހުން މަ ދެކިހިލި ދަށަށް ކުރިމަތިން އަތްލާ ފުރަގަހަށް، ދަމާކޫއްތާފައި، ޕޮލިސް ސްޓޭޝަން ގެންދިއިރު، ރަޝީދާ އާއި ކުޑޭ ހުރީ ޕާޓީގެ ދިދަ ހިފައިގެން ފެންކަޅިވެފައި މަށާ ދިމާއަށް ބަލާށެވެ. އެމީހުންނަށް ހިތްވަރު ދިނުމަށް ކެތްކޮށްފައި ދުނިޔޭގެ ކެތަށް މަހިނިތުންވެލިތަން ފެނިގެން ކުރިމަތީހުރި ފު...

ބަދަލު ތުތޭ ދުވަހަކީ އުޑުމަތި ސާފު ދުވަހެކެވެ. އުޑުމަތީގައި ވިލާ ރޮއްޖެއްވެސް   ނެތެވެ. ޖައްވުހީވަނީ ނޫކުލައިގެ ސާލަކުން ޒީނަތްތެރިކޮށްފައިވާ ހެންނެވެ. އައިސް ޕްލާންޓުން ފެށިގެން އަންހެނުން މަގާހަމަޔަށް ، ރައީސް ނަޝީދުގެ ވެރިކަމުގައި ފުންކޮށްފައިވާ ފަޅު، ހީވަނީ މަޑުވިލުކުލައިގެ ބިއްލޫރިގަނޑެއް ހެންނެވެ. އިރުވައި މޫސުމުގެ ހިތްގައިމު ، މަޑުފިނި ވައިރޯޅިތައް ރަށުގެ އަތިރިމައްޗަށް އެއްލަމުން، ހުރިނަމަ ހުރި އެއްޗެއްގައި ބީހެމުން ދަނީ، އިންސާނުންނަށާއި ފުރާނަހުރި ކޮންމެ ދިރޭ އެއްޗަކަށް ހިތްހަމަޖެހުން ގެނެސްދޭނެ ބީދައިންނެވެ. ރަށުގެ ކޯއްޓޭއަށް ނަގާފައިވާ މޯލްޑިވިއަން ޑިމޮކްރެޓިކް ޕާޓީ ( އެމް.ޑީ.ޕީ ) ގެ ބޮޑު ދިދަ ނަށަމުން،   ވިހުރެމުން ދަނީ އެޕާޓީގެ ހަރުގެއިން ފޮނުވާ ރޮކް އެންޑް ރޯލް " މަ ޗިސް ޗިސް ކޮށްލިއަށް މަފިސްފިސް ކޮށްލިއަސް ނުވާނަމޭ ބާގީއަކަށް " މިލަވައިގެ   ހަމަޔަށެވެ.

މަޖުބޫރުކުރުވި އިސްތިޢުފާ ކުރޮޅި އާދަމް ޒާހިރު އަހުރެން އޭނާއާ ރުހުނީ ބައްޕަގެ ރުހުމަކު ނޫނެވެ. ބައްޕަ ރުއްސައިގެނެއްވެސް ނޫނެވެ. އަދި ބައްޕަ ވަލީ ދެއްވައިގެނެއްވެސް ނޫނެވެ. ގެއަށް ވެއްދި ފުރަތަމަ ދުވަހުވެސް މަންމަ ރުޅިދުރުވިއެވެ. ނުރުހުމާއެކު އެތައް ބަންޖެއް ކިޔައިދެއްވިއެވެ. ނަސޭހަތުގެ އެތައް ފޮތެއް ހިތަށް ލައިދެއްވިއެވެ. ދޮންބެ އެދުވަހަށްފަހު މިގޭގެ ދޮރުން ނުވަންނަވައެވެ. މަގަކުން ދިމާވިޔަސް ނަޒަރު ދުރަށްލައްވައެވެ. ނަމަވެސް އޭނާގެ ފޮނި ވާހަކަތަކާއި ކެރުން ހުންނަ ގޮތުންނާއި ބައްދަލުވާހިނދު އެ އުޅޭ ގޮތަކުން އެއީ ކާކުކަން ނޭނގުނީއެވެ.  ވިސްނަން ނޭނގުނީއެވެ. އާއެކެވެ ތަޖުރިބާ މި ކުރެވުނީ އެކަމުގެ ޝަޒާއެވެ.

ކުރީ ދުވަހުގެ ބަޔާގުޅޭ...... ރުޅިއައިސްފައިވާ އެސްއޯ ފުލުހުން ގަދަބާރުން އެމްޑީޕީ ހަރުގެއަށް ވަދެ ހަރުކަށިކަން ދެއްކުމަށްފަހު އެތަނުން ނިކުން އިރު، ހަރުގެ ހީވަނީ ހަނގުރާމައެއްގައި ސުންނާފަތިވެފައިވާ ތަނެއްހެންނެވެ. އެމްޑީޕީގެ އެކްޓިވިސްޓުންގެ ހަމަލާތައް ދިޔައީ ވީޓީވީ އަށެވެ. އެތަނުގައި ރޯކޮށް ގެއްލުން ދިނެވެ. ނަމަވެސް އާއްމުންގެ ސަމާލުކަން ހުއްޓުނީ އެހެން ތަނަކަށެވެ. މާލޭގެ ޖުމުހޫރީ މައިދާނަށެވެ. އެމްޑީޕީގެ އެކްޓިވިސްޓުންނަށާއި އެމްޑީޕީގެ ހަރުގެއަށް ދިމާކުރުމަށްފަހު އެސްއޯގެ ފައުޖުތައް ޖުމުހޫރީ މައިދާނުގެ މެދުގައި އިށީނދެ ތިބި މަންޒަރަށެވެ. ރައްޔިތުން އިންތިހާބުކޮށްފައިވާ ސަރުކާރާ ދެކޮޅަށް   ފުލުހުންގެ ހުވަޔާ ޚިލާފަށް، ފުލުހުންތަކެއް ތެދުވި މަންޒަރު ބަލާށެވެ.

ޑިސެންބަރު 23 ގެ ބޮޑު މުޒާހރާގެ ކުރިން ދިވެހި ސިފައިން އޮޕަރޭޝަނެއް ފެށިއެވެ. އޮޕަރޭޝަން ލިބަޓީ ޝީލްޑްގެ ނަމުގައެވެ. ޖަނަވަރީ 16 2012 ވަނަ ދުވަހުއެވެ. ސިފައިން ތިބެނީ ތައްޔާރީ ހާލަތުގައެވެ. އިސްލާ ދީނާ ގުޅޭ ކަންކަމުގައި ސަރުކާރުގެ ސިޔާސަތު ގޯސަކަމަށް ބުނެ ބާއްވާ އެއްވުމަކަށް ވާތީ މިކަން ސަރުކާރުންވެސް ނެގީ ބޮޑުކަމެއްގެ ގޮތުގައެވެ.އެހެންވެ ފުލުހުންނާއި ސިފައިންތިބީ ތައްޔާރީ ޙާލަތުގައެވެ. ނަމަވެސް ފަހަރަކުކަމެއް އައީ ބޯމަތިވަމުން ބޯފުސް ވިލަގަނޑެއްގެ ސިފާގައެވެ.

ތުއްތަނިކު ކައިވެނިކުރަނީ ވަރަށް ފޮނި އުއްމީދަކާއެކުއެވެ. ލޯބިވެރިޔާއަކީ އެންމެ ރަގަޅު މީހާކަމަށްދެކިގެންނެވެ. އެކުގައި އުމުރަށް އުޅެން ނިޔަތް ގަނެގެންނެވެ. އަހަރެންގެ ލޯބިވެރިޔާއާ ރައްޓެހިވެގެން އުޅުނު އިރު އެތައްފަހަރަކު ކުނި ޖެހުނެވެ. އަހަންނަކީ މައްސަލަތައް ހައްލުކުރުމަށް އެހާ މޮޅު މީހެއްނޫނެވެ. މައްސަލަ ޖެހުނީމާ ރުޅިވަނީ އެވެ. އަލުން ގުޅެން ބޭނުންވީމާ ރައްޓެހިވަނީ ވިސްނުނީމައެވެ. އަހަރެންގެ ލޯބިވެރިޔާއަކީ  ވަރަށް ކޫލް ޖިންސުއްލަޠީފެކެވެ. ބަސްމަދު ޖެހިލުން ކުޑަ ޣީރަތްތެރި އަންހެނެކެވެ. އެއްވެސް ކަމެއް ދޫނުކުރާނެ އަތްބެކެވެ.

ބިންމާ އިބްރާހިމް ވަހީދު ގަސްކަރަ ފެހި، ފަސްގަނޑު ކަޅު އަދި ފެންމީރު ފުރަމާލޭގެ ފެނުން އިރު ތޮޅިލިއިރު، އަނދެގެން ހުރި މުންޑުން ބަޑިތަޅުވަމުން ގޭގެ ފުޅައްޔާ ދިމާލަށް އަލިހޮއްކޮ ހަރުކޮށް ހިނގާފައި އަ އެވެ. ލަސްވެއްޖެއްޔާ ދެން އެ ދުވަހު ނުފެންނާނެ ނަޔާ ޗާލު ޔާގޫތު ދުށުމަށެވެ. އިރުގެ ރަން އަލިން ބިމުގައި ދޫލަ ފެތުރުމުގެ ކުރިން، ކުނިކޮޅު ގޮނޑަށް އުކާލާފައި ގެ އަށް އަންނަން ސިއްތި ބޭނުންވެ އެވެ. މަންމަ ބުނެފައި އޮންނަ ގޮތަކީ އެއީ އެވެ . ވީމާ އަނދެގެން ހުންނަ ފޭއްޔަށް ނުކުޅަދާނަ ވާހާ ދުރުގައި ފައި އަޅަމުން، ހަލުވިކަމާ އެކުގައި ސިއްތި ހިނގި އެވެ. އަލިހޮއްކޮ އިންތިޒާރުކުރާ ދަނޑިވަޅަކީ އެއީ އެވެ. އަލިހޮއްކޮގެ ގެ ހުރަސްކޮށްފައި ސިއްތި ދާ ވަގުތެވެ. ސިއްރުން ބަލާލުން ފިޔަވައި އިތުރު އެއްވެސް ކަމެއް ކުރާކަށް އަލިހޮއްކޮއަކަށް ނުކެރެ އެވެ. ސިއްތި ނުވެސް ދެނަހުއްޓެވެ .

އޯޕަންޑޭ ތުއްތުމަނިކު މަދަނީ ޚިދުމަތުގެ އޯޕަންޑޭ ފާހަގަކުރުމަށް ، މަދަނީ ޚިދުމަތުގެ ކޮމިޝަނުން އެންގުންތައް ފޮނުވުމުން ކަތީބު ފުރަތަމަ ބައްދަލުކުރާނީ ރަށު އޮފީހުގެ މުވައްޒަފުންނާ އެވެ. އެއަށްފަހު ރަށު މަދަރުސާގެ މުވައްޒަފުންނާ އެވެ. މިއެޕިޑޯސް ފެށޭނީ ކަތީބު މަދަރުސާގެ މުވައްޒަފުންނާ ބައްދަލުކުރާ ޖަލްސާއިންނެވެ. ޖަލްސާ ތަޢާރަފްކުރާނީ މަދަރުސާގެ ނާޒިރު އެވެ. އޭނާ ވާންޖެހޭނީ ރާއްޖެއިން ބޭރު މީހަކަށެވެ. ވާހަކަ ދައްކަންވާނީ ދިވެހި ބަންގާޅި ބަހުންނެވެ. މިބައްދަލުވުމުގައި ތިބެންޖެހޭނީ މުޅިންވެސް ދޭސީ މުދައްރިސުންނެވެ. ޖަލްސާގެ ފުރަތަމަ ގޮޑި ބަރީގައި ތިބޭނީ ދިވެހި މުދައްރިސުންނާއި އިސްލާމް މުދައްރިސުންނެވެ. އެމީހުންވާންޖެހޭނީ ވަރަށް ކްރިޓިކަލް ސުވާލު ކުރާ ބަޔަކަށެވެ. ދެންތިއްބެއްވި މުދައްރިސުން ތިބޭނީ ފަހަތު ގޮނޑިބަރީ ގައެވެ. 

ވަރަށް ގިނަމީހުން ލިޔާ މައުލޫއެކެވެ. މިމައުލޫއަށް ލިޔަނީ ކީއްވެކަން މިހާރު އިހްސާސް ކުރެވިއްޖެއެވެ. ދަތުރަށް ފަށަންވީ ކިހާ ހިސާބަކުން ހެއްޔެވެ! ވައިފް ބުންޏެވެ. މިހާރު ފަށަންވީ އެވެ. މެންދަރު ކައިގެން ބައިސްކަލަށް އަރައިގެން ފަޔަށް ލެވުނުހާ ބާރެއް ލައިގެން ދުއްވާފައިދިޔައީ ގާތުމަލަ އަހަންމަދު ގާތަށެވެ. އޭނާގެ ފޯން ނަންބަރު ނެތީ މައެވެ.  ސަލާމް ގޮވާލާފައި އެތެރެއަށް ވަނީ ސަލާމް ބަލާގަތީމައެވެ. އެތެރެއަށް ވަންއިރު އަހުމަދު ހުރީ ފެންޑާގައެވެ. ގަޔަކުއެއްޗެއް ނެތެވެ. އުނުގައި ފަޓްލޫނު އޮތެވެ. އަޅުގަނޑަށް ބުނެވުނީ އަހަންމަދާއޭ! އަހަންމަދާއޭ ! މިއައީ ބޮޑުކަމެއް ޖެހިގެންނޭ!. " ކިހިނެއްހޭވީ"  އަހަންމަދު ބުންޏެވެ. އަހަންމަދަކީ ޒަމާންވީ ރަގަޅު ރައްޓެސެކެވެ. ވިޔަފާރިވެރިއެކެވެ. ލާންޗް ކެޕްޓަނެކެވެ. 1 ގަޑި 45 ކަށް ، މަނަފަރަށް ގެންގޮސް ދެވިދާނެތޯ އެހީމެވެ. މިހާރު ގަޑިން 1 ގަޑި 30 އެވެ. އިތުރު އެއްވެސް ވާހަކަ އެއް ނުދައްކާ " ނިކުމޭ" އަހަންމަދު ބުންޏެވެ. އަޅުގަނޑު ބުނީ މި ނިކުންނަނީ އެވެ.

ފަންޑިތަހަދަން ކުޅަދާނަ ޖަމީލުގެ ދެވަނަ ނަމަކީ މުޖައްރިބެވެ. އެއީ، އައްޑުއަތޮޅަށް މަޝްހޫރު މީހެކެވެ. އަހަރުމެންގެ އާއިލާގެ މީހުން އައްޑު އަށް ހިނގައްޖިއްޔާ ތިބެނީ އެ ގޭގަ އެވެ. އޭގެ ސަބަބުން، ޖަމީލު ވެފައިވަނީ އަހަރެންގެ ވެސް ގާތް އެކުވެރިއަކަށެވެ. އޭނަ ކައިރި އަށް ކޮންމެ މީހަކު ވެސް އަންނަނީ، ވަރަށް ބޮޑު ޔަގީންކަމަކާ އެކުގަ އެވެ. ދުވަސްވަރަކީ، ތަމްރީނަށް ވުރެ ބޮޑަށް ފަންޑިތަ އަށް ބަރޯސާވެގެން ރާއްޖޭގައި ފުޓްބޯޅަ ކުޅުނު ދުވަސްވަރެވެ. ވެގެންވާ ނަމަ، ކުޅުންތެރިންގެ ބަދަލުގައި ދެ ސިހުރުވެރިން ދެ ގޯލުގައި ބައިތިއްބައިގެން ވެސް މެނޭޖަރުން ބޯޅަކުޅުވީހެވެ. މާލެ އަންނަން ޖަމީލަށް، ކެނޑިނޭޅި ދައުވަތު ލިބެއެވެ. ދުވަހަކު ވެސް މާލެ ނާންނަ ޖަމީލު ބޭނުންވީ ރަށުގައި ހުންނާށެވެ. އެހެންނަމަވެސް، މާލޭގެ އޭރުގެ އެންމެ މަޝްހޫރު ފުޓްބޯޅަ ޓީމުން ޖަމީލަށް ލިބުނީ، ނޫނެކޭ ބުނަން އުނދަގޫވާ ކަހަލަ ދައުވަތެކެވެ. ހުށަހެޅި އަގު އެހާ ވެސް ބޮޑީ އެވެ.

ފިރިމީހާ ރާއްޖެއިން ބޭރަށް ފުރައިގެން ދަނީ ކީއްކުރަން ކަމެއް އަހަންނަކަށް ނޭނގެ އެވެ. އިނދެގެން އުޅޭތާ ހަތަރު އަހަރު ވަނީ އެވެ . ދެކުދިން އެބަތިއްބެވެ. ފިރިމީހާ އަކީ ސަރުކާރު އޮފީހެއްގައި އުޅޭ މީހެކެވެ. އެ ވަޒީފާއާ މެދު އަހަރެންގެ ހިތުގައި ޝައްކެއް ނެތެވެ. އޮފީސް ކަންކަމުގައި އަންނަ ކޯލުތަކާއި، އޮފީސް ތަމްސީލު ކުރާ ކަންކަމުގައި، އެކި ތަންނަށް އޭނަ އިންޓަރވިއު ވެސް ދެއެވެ. މައްސަލަ އަކީ، ރަސްމީ މަސައްކަތުގެ އިތުރުން ދެން އޭނަ ކުރަނީ ކީއްކަން އަހަންނަށް ނޭނގުމެވެ .

ނަމެއް ނޭނގިފައި ބިންމާ އިބްރާހިމް ވަހީދު ކޮންމެ ކަމެއް ވެސް ވާނީ، އެ ކަން ވާން ހަމަޖެހިފައިވާ ގޮތަށެވެ. ދުނިޔެ އަށް މަޚުލޫގުން އައުމާއި، އެނބުރިދިޔުމަކީ އެ މަޚުލޫގެއްގެ ބާރުގެ ދަށުގައިވާ ކަމެއް ނޫނެވެ. މަރުވުމަށްޓަކައި އުސް ތަނަކުން ފުންމާލާ މީހާ ދިރިހުރެފައި، ނިދާފައި އޮންނަ މީހާ މަރުވުމުކީ، ބުއްދީގެ އަހުލުވެރިއަކަށް ޢިބުރަތަކަށް ފުދޭ ކަމެކެވެ.

އެންމެ ފަހުގެ އެދުން "... ޢާއިލާއިން ބޭނުންވަނީ މަރަށް މަރު ހިފަން.." ނިޔާ އިއްވަމުން ޤާޟީ ބުނި އެ ބަސްކޮޅު އަހަރެން ހަނދާން ހުންނާނެ އެވެ. އަހަރެން އިނީ ގަބުވެފަ އެވެ. ބަސް ހުސްވެފަ އެވެ. އަހަންނާ ދެކޮޅަށް ވަކީލު ދައްކާނެ އެތައް ހެއްކެއް ހުއްޓެވެ. ދެރަވަނީ އަހަރެން މަރާލާނެތީއެއް ނޫނެވެ. އެކަމަކު، ގަސްތުގައި މީހަކު މެރިކަމުގެ ތުހުމަތު އަހަރެންގެ ބޮލުގައި އެޅިފައިވާތީ އެވެ. އެއީ ދޮގު ތުހުމަތެކެވެ. ފުރާނައާ އެއްވަރަށް އަހަރެން ލޯބިވާ މީހަކު މަރާލަން އަހަރެންގެ ދެއަތް ހަރަކާތް ކުރާނީ ކިހިނެއް ހެއްޔެވެ؟ އެކަން ހިނގި ގޮތް އަހަރެން ހަނދާން އެބަހުއްޓެވެ. 

ޕަރުވާނާ ކިތަންމެ ވަރަކަށް ދޮންކުރިޔަސް، ދުނބުރިއެއް އަނބަކަށް ނުވާނެ އެވެ. ކިޔެވި ހުރިހާ އެއްޗެއްގެ ތެރެއިން، އަހަރެން އަބަދު ހަނދާން ހުންނަ ދެ ހަރުބަހުގެ ތެރެއިން އެއް ހަރުބަހަކީ އެއީ އެވެ. އަހަންނަކީ އަހަންނެވެ. އެ ހަގީގަތަށް ފުރަގަސްދޭނީ ކިހިނެތް ހެއްޔެވެ؟ އުންމީދާއި އިންތިޒާރު ވެސް ކުރެވިއްޖެ އެވެ. މާޔޫސްކަން ފިޔަވައި އަހަންނަށް ލިބުނީ ކޯޗެއް ހެއްޔެވެ؟ އަހަންނަށް ހިތްވަރުދޭކަށް އެކަކު ވެސް ނާދެއެވެ. މި ސިއްރު އެހެން މީހަކަށް އަހަރެން ކިޔައެއްނުދެމެވެ. ބޭކާރު ހަމްދަރުދީއެއް އަހަރެން ބޭނުމެއް ނުވާތީ އެވެ. 

ހަދިޔާކުރި ދަރި އެއީ ނަވާރަ ސަތޭކައިގެ ކުރީގެ އަހަރުތަކުގެ ތެރެއިން އަހަރެކެވެ. ރަށަކީ، ނިލަންދޫ އެވެ. މިއީ ހަގީގީ ހާދިސާއެކެވެ. މާމަ ބުނާ ގޮތުގައި، ރޭގަނޑު ވެއްޖެއްޔާ، ރަށުގައި އަލިކަމެއް ނޯވެއެވެ. މީހުން މަދުވެފައި، އަޑު މަޑުވެފައި، ކުރާނެ މާ ގިނަ މަސައްކަތެއް އޭރަކު ނުހުރެއެވެ. ރަށުގެ ބޮޑުބައި އޮންނަނީ ގަސްހެދި، ވާވެފަ އެވެ. ވަލުތެރެ އަށް މީހުން ވަދެއުޅޭނީ ދުވާލު އެވެ. ކެއްކުމަށްޓަކައި ދަރު ހޯދާށެވެ. ނުވަތަ ކާށި ހޮވުމާއި، ރުށްއެރުމުގެ ބޭނުމުގަ އެވެ. ރަށުގެ އާބާދީ މަދުކަމުން، ފެންނަ ކޮންމެ މީހަކާއި، އެ މީހެއްގެ އާއިލާ ވެސް އެންމެނަށް އެނގޭނެ އެވެ. ނުދަންނަ މޫނެއް ފެނިއްޖެއްޔާ އެއީ އެހެން ރަށެއްގެ ރައްވެއްސެކެވެ.