ކުޑަކުޑަ ބޮއްކުރައެއްގައި ޖެހި ބޮޑު އޮޑިއެއް ފެތުން؟!
ޑީއާރުޕީ އަކީ 22،000 މެމްބަރުން ތިބި ޕާޓީ އެކެވެ. ރާއްޖޭގައި އޮތް އެންމެ ކުދި ޕާޓީތަކުގެ
ލިސްޓްގައި ހިމެނޭ ގައުމީ އިއްތިހާދާ އެކު ކޯލިޝަން ހަދަން ޑީއާރުޕީން އިއްޔެ ނިންމި ނިންމުމަކީ، ބައެއް
މީހުންގެ ނަޒަރުގައި ޑީއާރުޕީގެ
ލީޑަރު އަހުމަދު ތަސްމީން އެޅުއްވި ވަރަށް ހަރުދަނާ ފިޔަވަޅެކެވެ. އަނެއް ބަޔަކު އެކަން ސިފަކުރަނީ،
"ކުޑަކުޑަ ބޮއްކުރައެއްގައި
ޖެހި ބޮޑު އޮޑިއެއް ފެތުން"ގެ ގޮތުގަ އެވެ.
ޑީއާރުޕީ ނިކަމެތިވުން
ރައީސް މައުމޫން އަބްދުލްގައްޔޫމްގެ ވެރިކަން 2008 ގައި ވެއްޓުމާ ޑީއާރުޕީގައި ރެނދު ލި އެވެ. އޭރު އެއީ ރާއްޖޭގައި އޮތް އެންމެ ބޮޑު ޕާޓީ އެވެ. އެހެން ނަމަވެސް، 40،000 މެމްބަރުން ތިބި އެ ޕާޓީ މުޅިން ބައިބައިވެ، އެތެރޭގެ މައްސަލަތައް ޖެހި ރައީސް މައުމޫނާއި ޑީއާރުޕީގެ ލީޑަރު ތަސްމީނާ ދެމެދު ބޮޑެތި މައްސަލަތަކެއްގެ ހުޅު ފަޅައިގެން ދިޔަ އެވެ. ރައީސް މައުމޫންގެ ވަފާތެރިން އެ ޕާޓީން ވަކިވެ ޕީޕީއެމް ވަރުގަދަ ވުމަކީ ޑީއާރުޕީ ހިންދަމާލަން ކުރިމަތިވި ހުރަސްތަކެވެ. ޕީޕީއެމް އުފަންވެ، ޑީއާރުޕީން ވެސް ވަރަށް ގިނަ މެމްބަރުން ވަކިވެ ޕީޕީއެމަށް ވަނެވެ. އެ ހިސާބުން ރައްޔިތުންގެ މަޖިލީހުގެ މެޖޯރިޓީ ލީޑަރުކަމުން، މައިނޯރިޓީ ކަމަށް، އަދި ފަހުން އެކަން ވެސް ޑީއާރުޕީގެ އަތްދަށުން ގެއްލިގެން ދިޔަ އެވެ. ޕީޕީއެމްގެ ކުރީ ސަފުގައި ތިއްބެވި ވަރަށް ހަރުދަނާ ބޭފުޅުން ޑީއާރުޕީން ވަކިވެގެން އެކި ދިމަދިމާއަށް މިސްރާބު ވެސް ޖެހި އެވެ. އެންމެ ފަހުން އެ ޕާޓީގައި ހުންނެވި ސިޔާސީ އެންމެ ވަރުގަދަ އެއް މުޝީރު، އަބްދުﷲ ޝާހިދު ވެސް ވަނީ އެ ޕާޓީއާ ދުރަށް ވަޑައިގެންފަ އެވެ.
ހަގީގަތަކީ، ޑީއާރުޕީ ދުވަހެއް ދުވަހަކަށް ނިކަމެތިވަމުންދާ ކަމެވެ. މިއީ، މިފަދަ ހާލަތެއްގައި އަމިއްލަ އަށް ނުކުމެގެން ރިޔާސީ ރޭހުގައި އެ ޕާޓީ އަށް ވާދަކުރެވޭނެ ދަނޑިވަޅެއް ނޫނެވެ.
ކީއްވެ ނިންމި ނިންމުމެއްބާ؟
ގައުމީ އިއްތިހާދު ނުވަތަ ރައީސް މުހަންމަދު ވަހީދުގެ ޕާޓީއަކީ، ރަސްމީކޮށް މާ ގިނަ މެމްބަރުން ނެތަސް ބާރު ގަދަވަމުން އަންނަ ޕާޓީއެކެވެ. އެ ޕާޓީގެ މެމްބަރުންގެ އަދަދު 10،000 އަށް ހަމަކުރުމަށް ފޯމްތަކެއް ވެސް ވަނީ އިލެކްޝަންސް އަށް ފޮނުވައިފަ އެވެ. އަނެއްކޮޅުން އެކި ދިމާތަކުގައި ހުރި ސިޔާސީ އެންމެ ވަރުގަދަ "ތަނބުތައް" އެ ދިމާތަކުން ލުހެލައި، ވަހީދުގެ އަމިއްލަފުޅު ޕާޓީ އަށް ދަނީ ވައްދަމުންނެވެ. ވަހީދުގެ އަމިއްލަ ޕާޓީގެ އިތުރުން އެ ޕާޓީ އިސްވެ އޮވެ ހަދަމުންދާ ކޯލިޝަން ދަނީ ބާރުގަދަ ކުރަމުންނެވެ. މިހާރު ރައީސް ވަހީދުގެ ފަހަތްޕުޅުގައި އަދާލަތު ޕާޓީ އާއި ގައުމީ ޕާޓީ ވެސް އެބައޮތެވެ. ޑީއާރުޕީ އެ ޕާޓީއާ ގުޅުމާ އެކު، ކަންވެގެންދާނެ ގޮތް މިހާރު ވަނީ މުޅިން ބަދަލުވެފަ އެވެ. މަންޒަރު ވަނީ ސާފުވެފަ އެވެ. މާނައަކީ، ރައީސް ވަހީދު މިހާރު އިންނެވި ގޮނޑިން ތެދުވެ ވަޑައިގަންނަވަން ނުޖެހޭނެ ކަން އެ ބޭފުޅުންނަށް ޔަގީންވާލެއް އިތުރަށް ބޮޑުވީ އެވެ.
ޑީއާރުޕީން އެޅި ފިޔަވަޅަކީ މިއީ އެވެ: އަމިއްލަ އަށް ނުކުމެ އިންތިހާބު ކާމިޔާބު ކުރެވޭނެ ވަރުގެ ގާބިލް ކަމެއް ނެތްކަން ވިސްނި، ބޮޑު ކޯލިޝަނެއްގެ ތެރެއަށް ވަނީ އެވެ. މި ކޯލިޝަނަށް ނުވަދެ ޑީއާރުޕީ އަށް ދެން އޮތީ ދެ މަގެކެވެ. އެއް މަގަކީ، ޕީޕީއެމާ ކޯލިޝަން ހެދުމެވެ. އެކަމަކު ރައީސް މައުމޫން އަބްދުލްގައްޔޫމްގެ ފަހަތްޕުޅަށް އަރާ ވަޑައިނުގަންނަވަން ތިއްބެވި ބޭފުޅުން އެކަމެއް ނުކުރައްވާނެ އެވެ. ދެން އޮތީ، ރާއްޖޭގެ އެންމެ ބޮޑު ޕާޓީ، އެމްޑީޕީއާ ކޯލިޝަން ހެދުމެވެ. އެކަމަކު ރައީސް މުހަންމަދު ނަޝީދުގެ ފަހަތްޕުޅަށް ވެސް އެ ބޭފުޅުން އަރާ ވަޑައިގަންނަވަން ބޭނުމެއް ނޫނެވެ. މިއީ، ތަސްމީން އަބަދު ވެސް ދައްކަވަމުން އައި ވާހަކައެކެވެ.
ތައުރީފާއި މަލާމާތް
ތަސްމީން ދެކެވަޑައިގަންނަވާ ގޮތުން، ރައީސް މައުމޫނާއި ރައީސް ނަޝީދު ފިޔަވައި އެހެން ފިކުރެއް އެބައޮންނަން ޖެހެ އެވެ. އެ ދެ ބޭފުޅުންނަށް ނޫން އެހެން ބޭފުޅަކަށް ވެސް ވޯޓު ލުމުގެ ފުރުސަތު އެބައޮންނަން ޖެހެ އެވެ. ތަސްމީން ވިދާޅުވަނީ "އެ ފުރުސަތު އެބަ ހޯދައިދޭން ޖެހޭ" ކަމަށެވެ. އެހެންވެ، ޑީއާރުޕީން ވަހީދާ އެކު ކޯލިޝަނަކަށް ދިޔައީ އެ ފުރުސަތު ހޯދައިދޭން ކަމަށް ތަސްމީން ވިދާޅުވެ އެވެ.
އެއީ އެ ބޭފުޅުންގެ ވިސްނުމެވެ. ސިޔާސީ އެހެން ބައެއް ބޭފުޅުން ވިދާޅުވަނީ، ދުވަހަކަށް ވުރެ ދުވަހެއް ޑީއާރުޕީ ބަލިކަށިވެ، އަދި އެ ޕާޓީގެ އިސް މެމްބަރުން ފެއަށް ޖެހެމުންދާ ދަނޑިވަޅެއްގައި ޑީއާރުޕީ އަށް މި ނޫން އިތުރު ގޮތެއް ނެތް ކަމަށެވެ. ޑީއާރުޕީ އަކީ މިހާރު އެކަނި ހިންދެމިލެވޭ ވަރަށް ވުރެ ނިކަމެތި ޕާޓީއެއް ކަމަށް ސިޔާސީ ބައެއް ބޭފުޅުން ގަބޫލު ކުރައްވަ އެވެ.
ބައެއް ބޭފުޅުން ވިދާޅުވާ ގޮތުގައި ރިޔާސީ ރޭހުގައި ވާދަކުރައްވަން އިއުލާންކުރެއްވުމަށް ފަހު ތަސްމީން ފަހަތަށް ޖެހިވަޑައިގެންނެވުމަކީ ވަރަށް ބޮޑު ލަދެކެވެ. އަދި އެއީ، ޑީއާރުޕީގެ ސަޕޯޓް އާންމުންގެ ތެރޭގައި ނެތްކަން ދޭހަކޮށްދޭ ކަމެއް ކަމަށް ވެސް ބައެއް ބޭފުޅުން ވިދާޅުވެ އެވެ. ހަމައެއާ އެކު، ރިޔާސީ ރޭހުގައި އެ ޕާޓީއާ ބައިއަތު ހިފާނެ ބަޔަކު ނެތް ކަމަށް ވެސް އަމިއްލަ އަށް އިއުތިރާފު ވެވިއްޖެ ކަމަށް ދެކޭ މީހުން ވެސް މަދެއް ނޫނެވެ. މިއަދުގެ ސިޔާސީ ހަގީގަތަކީ، ސަޕޯޓަރުން ތިބި ނަމަ ޑީއާރުޕީ ފަހަތަށް ޖެހެން ޖެހޭނެ ސަބަބެއް ނެތް ކަމެވެ.
އެކަމަށް އިޝާރާތް ކުރައްވައި، އަދި ޑީއާރުޕީގެ ނިކަމެތިކަން ދައްކަމުން ޕީޕީއެމުން އިއްޔެ ބުނެފައި ވަނީ ވަހީދުގެ ކޯލިޝަންގައި އޮތް ހަރުދަނާ ހަމައެކަނި ޕާޓީއަކީ އަދާލަތު ޕާޓީ އެކަނި ކަމަށެވެ. އަދި ތަސްމީނަށް އިޝާރާތް ކުރައްވައި، އެ ޕާޓީގެ ތަރުޖަމާނު އަހުމަދު މަހުލޫފު ވިދާޅުވެފައި ވަނީ ތަސްމީން ދަނީ އަބަދު ވެސް ފަހަތަށް ކަމަށެވެ.
"ރިޔާސީ ކެންޑިޑޭޓް ކަމުން ރަނިން މޭޓަކަށް ވެވަޑައިގަންނަވާ ވާހަކަ މި އަޑުއިވެނީ. އަބަދުވެސް ޑިމޯޓް މިވަނީ. ރައްޔިތުންގެ މަޖިލީހުގެ މެޖޯރިޓީ ލީޑަރުކަމުން މައިނޯރިޓީ ލީޑަރުކަން، އެކަހަލަ ގޮތަކަށް ދާ މަންޒަރު މި ފެންނަނީ. އެކަމާ އަޅުގަނޑުމެންގެ ކަންބޮޑުވުމެއް ނެތް، ފަރުވާލެއް ވެސް ނެތް،" އޭނާ ވިދާޅުވި އެވެ.
ސިޔާސީ ޕާޓީތަކުގެ ދައުރު ފެށި އިރު، ރާއްޖޭގައި އޮތް އެންމެ ބޮޑު ޕާޓީ، ޑީއާރުޕީގެ އިއްޔެގެ ނިންމުމަށް އަދާލަތު ޕާޓީ އާއި ގައުމީ އިއްތިހާދުން ވެސް ވަނީ ތައުރީފުކޮށްފަ އެވެ. އަދާލަތު ޕާޓީން ބުނެފައި ވަނީ އެއީ ގައުމަށް ޓަކައި އެ ޕާޓީން ނިންމު ހަރުދަނާ ނިންމުމެއް ކަމަށެވެ. އެ ނިންމުން ގައުމީ އިއްތިހާދުން ސިފަކުރީ ވެރިކަން ހޯދަން ލިބުނު ބޮޑު ބާރެއްގެ ގޮތުގަ އެވ
Comments