ޓީމް އިހަވަންދޫގެ ނަމުގައި އާޖަމާޢަތެއް ވުޖޫދުވަނީ
އެތަކެއް ކުލަބު ޖަމްއިއްޔާތަކެއް ހަރަކާތްތެރިވާ އިހަވަންދޫގެ މުޖުތަމަޢަށް " ޓީމް އިހަވަންދޫ" ގެ ނަމުގައި އާ ޖަމާޢަތެއް ވުޖޫދުވާން އުޅޭކަމުގެ ފެހި ސިގްނަލްގެ އަލި "ރަށްގޮވާއަޑަށް" ފެނިއްޖެ އެވެ.
ރާއްޖޭގެ ނިސްބަތުން އެންމެ ގިނަ ކުލަބު ޖަމްއިއްޔާ ހަރަކާތްތެރިވާ ރަށެއްގެ ގޮތުގައި ހއ. އިހަވަންދޫ ހިމެނޭނެއެވެ. މިހާރުވެސް އިހަވަންދޫގައި 6 ކުލަބު ޖަމްއިއްޔާ ހަރަކާތްތެރިވުމަށް ހޯމް މިނިސްޓްރީގެ ކުލަބު ޖަމްއިއްޔާ ޖަމާޢަތްތަކުގެ ދަފްތަރުގައި އޮވެއެވެ.
އިހަވަންދޫގައި އުފައްދާފައިވާ ކުލަބު ޖަމްއިއްޔާ ޖަމާޢަތްތަކުގެ ލިސްޓް ކިޔަން ފަށާނަމަ، ފުރަތަމަ ފަށާނީ، މޯނިންގ ކުލަބާއި، އިވްނިން ކުލަބުންނެވެ. ދެއަވަށުގެ ދެ ޖަމާޢަތެވެ. އަވަށު ފޯރީގައި މަސައްކަތްކުރީ ތަރައްގީ ހޯދާށެވެ. ދެކުލަބުން ރަށުގައި ކަރަންޓްގެ ޚިދުމަތް ދިނެވެ. ކުޑަކަމެއްތޯ އެވެ. ސިޔާސީ ސަބަބުތަކަކަށްޓަކައި ދެ ކުލަބު އުވުނީ އެވެ.
ދެން ވުޖޫދުވީ ، އިހަވަންދޫ މަސްވެރިންގެ ގުޅުމާއި، ކުލަބު ޕޯލް ސްޓަރ އެވެ. އިހަވަންދޫ ޑިވެލޮޕްމަންޓް ސޮސައިޓީ (އައި.ޑީ.އެސް )،އާއި އިހަވަންދޫ ސްޕޯޓްސް ކުލަބެވެ. އިހަވަންދޫ ޔޫތް އެސޯސިއޭޝަން ފޯ އާރބަނައިޒޭޝަން އެންޑް ރެކްރިއޭޝަން ( އިޔާރު ) އެވެ. ކުލަބު ދުންތަރި އާއި އެސޯސިއޭޝަން ފޯ އިހަވަންދޫ ޑިވެލޮޕްމަންޓް( އެއިޑް ޖަމާޢަތެވެ. ) ރަޖިސްޓްރީ ނުކުރާ ކުލަބެއްގެ ގޮތުގައި އައިކުލަބު ކިޔާ ކުލަބެއްވެސް ހަރަކާތްތެރި ވެއެވެ. ކަންކަމުގައި އެހީވެސް މިކުލަބުން ވެއެވެ. ތައުބާ މިސްކިތަށް ބޮޑު ސައުންޑް ސިސްޓަމެއްވެސް ހަދިޔާކުރިއެވެ.
އައި.ޑީ.އެސް އާއި ، ކުލަބު ދުންތަރި އާއި ، އެއިޑް ޖަމްއިއްޔާވަނީ ހަރަކާތްތެރިނުވާތީ އުވާލާފައިކަމަށް ޚަބަރު ލިބެއެވެ.
" ޓީމް އިހަވަންދޫ" ހެދުމުގައި އިސްކޮށް ހަރަކާތްތެރިވަނީ އިހަވަންދޫ ކައުންސިލް މެންބަރު މުހައްމަދު ސިރާޖާއި، ތައުބާ މިސްކިތު މުދިމް މާހިރީމަންޒިލް އަލީ މާހިރު އާއި ކައުންސިލް އިދާރާގެ އެސިސްޑެންޓް ޑިރެކްޓަރ މުހައްމަދު އިބްރާހިމް އެވެ.
މުހައްމަދު ސިރާޖް އާއި އަލީ މާހިރުއަކީ އައި.ޑީ.އެސް އުފެއްދުމުގައި ހަރަކާތްތެރިވި ދެ މީހުންނެވެ. އަލީ މާހިރަކީ އައި.ޑީ.އެސްގެ އިސް މުއައްސިސް އެވެ.
މުހައްމަދު އިބްރާހިމަކީ އިމަގު ޖަމްއިއްޔާގެ ވަލީ ކޮމިޓީގެ މެންބަރެކެވެ.
މިޖަމްއިއްޔާގެ މަޤްޞަދެއްކަމަށް ޚަބަރު ލިބިފައިވަނީ ހިތުގެ ބަލިތަކާއި، ކިޑްނީގެ ބަލިތަކާއި، ޒުވާނުންނަށް ކުރިމަތިވާ ތަފާތު މައްސަލަތަކާ ބެހޭގޮތުން ހޭލުންތެރިކޮށް، އެހީތެރިވުމެވެ.
އިންތިހާބުތަކާ ދިމާކޮށް، ރިޝްވަތުގެ ހުތުރު ފައިސާ ހޯދުމަށް ބައެއް ގައުމުތަކުގައި ކުލަބް ޖަމްއިއްޔާތައް ރަޖިސްޓްރީ ކުރެއެވެ. މިފަދަ ޖަމާއަތްތަކުން މުޖުތަމަޢަށް ލާބަހުރި ކަމެއް ނުކުރެވި އުޅެނިކޮށް، ކުލަބު އޮންނަނީ އުވިފައެެވެ. ރާއްޖޭގައި ރިޔާސީ އިންތިހާބު އަންނަ ސެޕްޓެމްބަރ މަހު 7 ވަނަ ދުވަހު އޮންނާނެއެވެ.
ސިޔާސީ ޕާޓީތަކުން އަންނަނީ ، ވޯޓް ގަތުމަށްޓަކައި، ރަށްރަށުގެ ކުލަބް ޖަމްއިއްޔާ ޖަމާއަތްތަކަށް ކަޅިއަޅާ، ކޮޅު އަޅަމުންނެވެ. ކުލަބު ޖަމްއިއްޔާ ޖަމާއަތްތަކުގެ ބައެއް ރައީސުން އަންނީ ، ސިޔާސީ ޕާޓީތަކުގެ ވެރިންނާ ބައްދަލުކޮށް، ތިމަންނައަކީ އެވެނި، މިވެނި ކުލަބެއްގެ ރައީސޭ، މިވެނި ، އެވެނި ، އަދަދަކަށް، މެންބަރުން ތިބޭނެކަމަށް ބުނަމުން، ސައިޒް އަންގަމުން ، ބަރުދަން ދައްކަމުންނެވެ.
އުއްމީދު ކުރަނީ " ޓީމް އިހަވަންދޫ" ދުޅަހެޔޮކޮށް ތުރަވާނެ ކަމަށެވެ. ކުލަބް ޖަމްއިއްޔާ ޖަމާއަތްތަކަށް އަދަށްވިރެން މާފެހި ފާގަތި މުސްތަގްބަލެކެވެ.
އިހަވަންދޫގައި އުފައްދާފައިވާ ކުލަބު ޖަމްއިއްޔާ ޖަމާޢަތްތަކުގެ ލިސްޓް ކިޔަން ފަށާނަމަ، ފުރަތަމަ ފަށާނީ، މޯނިންގ ކުލަބާއި، އިވްނިން ކުލަބުންނެވެ. ދެއަވަށުގެ ދެ ޖަމާޢަތެވެ. އަވަށު ފޯރީގައި މަސައްކަތްކުރީ ތަރައްގީ ހޯދާށެވެ. ދެކުލަބުން ރަށުގައި ކަރަންޓްގެ ޚިދުމަތް ދިނެވެ. ކުޑަކަމެއްތޯ އެވެ. ސިޔާސީ ސަބަބުތަކަކަށްޓަކައި ދެ ކުލަބު އުވުނީ އެވެ.
ދެން ވުޖޫދުވީ ، އިހަވަންދޫ މަސްވެރިންގެ ގުޅުމާއި، ކުލަބު ޕޯލް ސްޓަރ އެވެ. އިހަވަންދޫ ޑިވެލޮޕްމަންޓް ސޮސައިޓީ (އައި.ޑީ.އެސް )،އާއި އިހަވަންދޫ ސްޕޯޓްސް ކުލަބެވެ. އިހަވަންދޫ ޔޫތް އެސޯސިއޭޝަން ފޯ އާރބަނައިޒޭޝަން އެންޑް ރެކްރިއޭޝަން ( އިޔާރު ) އެވެ. ކުލަބު ދުންތަރި އާއި އެސޯސިއޭޝަން ފޯ އިހަވަންދޫ ޑިވެލޮޕްމަންޓް( އެއިޑް ޖަމާޢަތެވެ. ) ރަޖިސްޓްރީ ނުކުރާ ކުލަބެއްގެ ގޮތުގައި އައިކުލަބު ކިޔާ ކުލަބެއްވެސް ހަރަކާތްތެރި ވެއެވެ. ކަންކަމުގައި އެހީވެސް މިކުލަބުން ވެއެވެ. ތައުބާ މިސްކިތަށް ބޮޑު ސައުންޑް ސިސްޓަމެއްވެސް ހަދިޔާކުރިއެވެ.
އައި.ޑީ.އެސް އާއި ، ކުލަބު ދުންތަރި އާއި ، އެއިޑް ޖަމްއިއްޔާވަނީ ހަރަކާތްތެރިނުވާތީ އުވާލާފައިކަމަށް ޚަބަރު ލިބެއެވެ.
" ޓީމް އިހަވަންދޫ" ހެދުމުގައި އިސްކޮށް ހަރަކާތްތެރިވަނީ އިހަވަންދޫ ކައުންސިލް މެންބަރު މުހައްމަދު ސިރާޖާއި، ތައުބާ މިސްކިތު މުދިމް މާހިރީމަންޒިލް އަލީ މާހިރު އާއި ކައުންސިލް އިދާރާގެ އެސިސްޑެންޓް ޑިރެކްޓަރ މުހައްމަދު އިބްރާހިމް އެވެ.
މުހައްމަދު ސިރާޖް އާއި އަލީ މާހިރުއަކީ އައި.ޑީ.އެސް އުފެއްދުމުގައި ހަރަކާތްތެރިވި ދެ މީހުންނެވެ. އަލީ މާހިރަކީ އައި.ޑީ.އެސްގެ އިސް މުއައްސިސް އެވެ.
މުހައްމަދު އިބްރާހިމަކީ އިމަގު ޖަމްއިއްޔާގެ ވަލީ ކޮމިޓީގެ މެންބަރެކެވެ.
މިޖަމްއިއްޔާގެ މަޤްޞަދެއްކަމަށް ޚަބަރު ލިބިފައިވަނީ ހިތުގެ ބަލިތަކާއި، ކިޑްނީގެ ބަލިތަކާއި، ޒުވާނުންނަށް ކުރިމަތިވާ ތަފާތު މައްސަލަތަކާ ބެހޭގޮތުން ހޭލުންތެރިކޮށް، އެހީތެރިވުމެވެ.
އިންތިހާބުތަކާ ދިމާކޮށް، ރިޝްވަތުގެ ހުތުރު ފައިސާ ހޯދުމަށް ބައެއް ގައުމުތަކުގައި ކުލަބް ޖަމްއިއްޔާތައް ރަޖިސްޓްރީ ކުރެއެވެ. މިފަދަ ޖަމާއަތްތަކުން މުޖުތަމަޢަށް ލާބަހުރި ކަމެއް ނުކުރެވި އުޅެނިކޮށް، ކުލަބު އޮންނަނީ އުވިފައެެވެ. ރާއްޖޭގައި ރިޔާސީ އިންތިހާބު އަންނަ ސެޕްޓެމްބަރ މަހު 7 ވަނަ ދުވަހު އޮންނާނެއެވެ.
ސިޔާސީ ޕާޓީތަކުން އަންނަނީ ، ވޯޓް ގަތުމަށްޓަކައި، ރަށްރަށުގެ ކުލަބް ޖަމްއިއްޔާ ޖަމާއަތްތަކަށް ކަޅިއަޅާ، ކޮޅު އަޅަމުންނެވެ. ކުލަބު ޖަމްއިއްޔާ ޖަމާއަތްތަކުގެ ބައެއް ރައީސުން އަންނީ ، ސިޔާސީ ޕާޓީތަކުގެ ވެރިންނާ ބައްދަލުކޮށް، ތިމަންނައަކީ އެވެނި، މިވެނި ކުލަބެއްގެ ރައީސޭ، މިވެނި ، އެވެނި ، އަދަދަކަށް، މެންބަރުން ތިބޭނެކަމަށް ބުނަމުން، ސައިޒް އަންގަމުން ، ބަރުދަން ދައްކަމުންނެވެ.
އުއްމީދު ކުރަނީ " ޓީމް އިހަވަންދޫ" ދުޅަހެޔޮކޮށް ތުރަވާނެ ކަމަށެވެ. ކުލަބް ޖަމްއިއްޔާ ޖަމާއަތްތަކަށް އަދަށްވިރެން މާފެހި ފާގަތި މުސްތަގްބަލެކެވެ.
Comments