Skip to main content
ކާފަރު ކަތީބުގެ ވާހަކަ…
ޝިހާބު 


އަޅުގަޑު ޒުވާން ދުވަސްވަރު ދިޔަ އޭރުގެ ރާއްޖެތެރޭގެ ރަށެކެވެ. އެޒަމާނަކީ ދިވެހިން މިއަދު މިދެކޭ ޚިޔާލުފާޅުކުރުމުގެ މިނިވަންކަން މިއަދު މިއޮތް ފުޅާމިނާއި ފުންމިނުގެ ޒައްރެއްގެ މިންވަރަށް ވެސް އޮތް ޒަމާނެއް ނޫނެވެ. އަމުދުން ވެރިކަމުގެ ވާހަކަ ދެއްކުމަކީ ބިދުއައެއް ކަހަލަ ކަމެކެވެ. އަދި ކިއެއްތަ ވެރިކަމުގެ ކޮއިލުތެރޭގައި ހިމެނޭ މީހެއްގެ ކާރު ޑުރައިވަރަކަށް ވެސް ކުޑައިމީސްބަހެއް ބުނެވިއްޖެނަމަ އެމީހެއްގެ ހަތަރު އުދަރެސް ފެނުގައި ޖެހޭނެއެވެ.


މިދެންނެވި ރަށުގައި ވެސް ކަތީބަކު ހުރެއެވެ. އޭނާއާއި ބައްދަލުވެ، އަމުދުން ގިނަބަޔަކާއި އެކުގައިވި ވަގުތެއްގައިނަމަ، ދައްކާނީ ކޮންމެވެސް ކާފަރު ވާހަކައެކެވެ. އެކަމާ އޭރު އަޅުގަޑު ވަރަށް ބޮލަށް ތުރާވެއެވެ. އެފަދަ މާހައުލަކަށް ފަރިތަވެފައި ނެތީމައެވެ. ދުވަސްގަނޑެއް ވީއިރު އެއީ ބަލައިގަނެވޭ ކަމަކަށް ވެސް ވެއްޖެއެވެ. އެކަމުން އުނދަގޫވިޔަސް، އެއީ ދެން މާބޮޑު ކަމަކަށް ނަހަދާ އުޅެވޭ ވަރުވެއްޖެއެވެ.

ކަތީބު ބުނާގޮތުން އަންހެނުންގެ ވާހަކަޔާއި ކާފަރުވާހަކަ ދެއްކުމުން ދިމާވާނެ އެއްވެސް މައްސަލައެއް ނޯންނާނެއެވެ. ވެރިން ހިއްޕުޅާ ހަމަކުރައްވައެވެ. މާބޮޑަށް ސަރުކާރާއި ބެހި ވާހަކަތައް ދައްކާ ހަދަން އުޅެފިއްޔާ އޮންނާނީ ކޮންމެވެސް ޒާތަކު ބޮނޑިއެއް ލިބި، ދުނިޔެ އުމުރަށް ހިތުން ފިލައިގެން ނުދާވަރުގެ ހިތިހިތާމަޔާ ކުރިމަތިލާންޖެހިފައެވެ. އެހެންކަމެއް ނެތިއްޔާ، އަމުރަށް ނުކިޔަމަންތެރިވި ގޮޅިއަކަށް ފެތި، މީހާ ހަފުސްވެގެން ހިނގައިދާނެއެވެ.

އެހެންކަމުން ކާފަރު ކަތީބުގެ އުސޫލަކީ މީހުން ބަލައިގަންނަ ގޮތެކެވެ. އުޅެން ފަސޭހަވީމައެވެ. ވިސްނާފިކުރުކޮށް ވެރިކަމާބެހި ކަންކަމުގައި ގޮތްފާޑުކިޔާ ހެދުމަކީ މީހާގެ ދިރިއުޅުން ހަލާކުކޮށްލާނެ ކަމަކަށް ވީމައެވެ. އެޒަމާނުގައި ވިލާތުން ކިޔަވައިގެން އަންނަ ޒުވާނުން އެކަމާ ހިތާނުވެގެން އެވާހަކަ ދައްކައެވެ. ތަހުޒީބުގެ ގޮތް ދިވެހިންގެ ތެރޭގައި ނެތިގެންނެވެ. ތަފާތު ޚިޔާލުތަކާއި ފިކުރަށް އަދި ފާޑުކިޔުން ހަޖަމްކުރެވޭ ވެރިންތިބި ގައުމަކަށް މިރާއްޖެ ނުވާތީއެވެ. ބޯދާ ގޮތްތައް އޮތް ތަނަކަށް ވެގެންނެވެ.

ފުންކޮށް ވިސްނާލާއިރު، ދިވެހިންނަށް އެންމެ ކަމުދާ ޑިމޮކްރަސީއަކަށްވާނީ ހަމަ ކާފަރުކަތީބުގެ ޚިޔާލާއި ފިކުރެވެ. މާތްﷲ ދިވެހިންނަށް ހެޔޮވިސްނުން މިންވަރު ކުރައްވާށިއެވެ! އާމީން! 

 
Labels:

Comments

Post a Comment

Popular posts from this blog

Dhivehi Bas

ދިވެހިބަސް ދިވެހިންގެ ބަހަކީ ދިވެހި ގައުމިްޔަތުގެ އެއްބަޔެވެ. އެއާ މެދު ދިވެހިން ފަޚްރުވެރިވުން ހައްގު އެއްބައިވެސް މެއެވެ. އެހެންކަމުން ދިވެހިބަސް އުފެދިފައިވަނީ ކިހިނެއްކަމާއި އެބަހުގައި އެކުލެވިގެންވާ ބައިތައް އޮޅުންފިލުވުމަކީ ނުހަނު މަތީ  ދަރަޖައަކަށް ދިވެހިން ބޭނުންވެފައިވާ ކަމެކެވެ. އެހެންކަމުން ތިރީގައި އެވަނީ ދިވެހިބަހާބެހޭގޮތުން ދިވެހި ބަހާއި ތާރީޚަށް ޚިދުމަތްކުރާ ގައުމީ މަރުކަޒުން ނެރެފައިވާ ލީފްލެޓެކެވެ. 
Post a Comment
Read more

Mohamed Ameen's services to the nation

When Mohamed Ameen returned to Male' after studying abroad there was a committee drafting a constitution and king Shamsudeen appointed him, by royal letter, to that group. He was its youngest and most intelligent member. After numerous difficulties, the constitution was completed and it was formally approved on Thursday 23 Shauban 1351 (22 December 1932). Acting under the constitution, the king gave the Minister for Trade portfolio to Mohamed Ameen, and he performed well in accordance with the practices of the time. Shortly after the adoption of the constitution, a serious dispute began between the Borah traders and the government. The Borahs ceased trading, locked up their shops and occupied their mosque and their three shop-houses. The government declared martial law. The person in charge was chief minister Mohamed Fareed Didi, who was also minister of the askariya (militia). On the second day of martial law, a small protest was organised. Fifty people from Galolhu ward gathered...
3 comments
Read more

ރާއްޖޭގެ ފުރަތަމަ ވަޒަންވެރިން

ލިޔުނީ: ނަސީމާ މުހައްމަދު ދިވެހިރާއްޖޭގައި ފުރަތަމަ ވަޒަންވެރިވީ މީހުން އައީ ދުނިޔޭގެ ކޮން ހިސާބަކުންކަން ޔަޤީންކަމާއެކު ހޯދުމަކީ އަޅުގަނޑުމެންނަށް މައުލޫމާތު ލިބިފައި ހުރި މިންވަރަށް ބަލާއިރު އަދި ދަތިކަމެކެވެ. ފެންނަންހުރި އާސާރީ ހެކިތަކުން މިކަން ކަށަވަރުކުރެވޭކަށް ނެތެވެ. ރާއްޖެއަށް ފުރަތަމަ އައި މީހުން އުފެއްދި ތަކެއްޗަކީ، ދުނިޔޭގެ އެހެން ހިސާބުގެ އެވޭލާގައި އުޅެފައިވާ މީހުން، ޒަމާނަށް ދޫކޮށްފައިވާ ތަކެތި ފަދައިން، ގިނަ ދުވަހު ދެމިހުންނަ ތަކެއްޗެއް ނޫނެވެ. ފެންނަން ހުރި އާސާރުތަކަކީ މާފަހުގެ ތަކެތި ކަމަށް ދެންނެވިދާނެއެވެ. އެވޭލާގެ ދިވެހީންނާމެދު ދެކެވޭ ގިނަ ވާހަކަތައް ބިނާކުރެވިފައި ވަނީ، އަޅުގަނޑުމެންގެ ބަހާއި، އަކުރާއި، ބިމުން ނެގިފައިވާ އާސާރުތަކައި، އެކި ޒަމާނުގައި ލިޔެވިފައިވާ ލިޔުންތަކުގެ މައްޗަށެވެ. އަޅުގަނޑުމެންނަށް ޔަޤީންވެފައި ވަނީ، މިރާއްޖޭގެ ރަށްރަށުގައި މީހުން އުޅޭތާ، މަދުވެގެން 2،500 އަހަރު ވެދާނެ ކަމަށެވެ.
Post a Comment
Read more