އޯޕަންޑޭ
ތުއްތުމަނިކު
މަދަނީ ޚިދުމަތުގެ އޯޕަންޑޭ ފާހަގަކުރުމަށް ، މަދަނީ ޚިދުމަތުގެ ކޮމިޝަނުން އެންގުންތައް ފޮނުވުމުން ކަތީބު ފުރަތަމަ ބައްދަލުކުރާނީ ރަށު އޮފީހުގެ މުވައްޒަފުންނާ އެވެ. އެއަށްފަހު ރަށު މަދަރުސާގެ މުވައްޒަފުންނާ އެވެ. މިއެޕިޑޯސް ފެށޭނީ ކަތީބު މަދަރުސާގެ މުވައްޒަފުންނާ ބައްދަލުކުރާ ޖަލްސާއިންނެވެ. ޖަލްސާ ތަޢާރަފްކުރާނީ މަދަރުސާގެ ނާޒިރު އެވެ. އޭނާ ވާންޖެހޭނީ ރާއްޖެއިން ބޭރު މީހަކަށެވެ. ވާހަކަ ދައްކަންވާނީ ދިވެހި ބަންގާޅި ބަހުންނެވެ. މިބައްދަލުވުމުގައި ތިބެންޖެހޭނީ މުޅިންވެސް ދޭސީ މުދައްރިސުންނެވެ.
ޖަލްސާގެ ފުރަތަމަ ގޮޑި ބަރީގައި ތިބޭނީ ދިވެހި މުދައްރިސުންނާއި އިސްލާމް މުދައްރިސުންނެވެ. އެމީހުންވާންޖެހޭނީ ވަރަށް ކްރިޓިކަލް ސުވާލު ކުރާ ބަޔަކަށެވެ. ދެންތިއްބެއްވި މުދައްރިސުން ތިބޭނީ ފަހަތު ގޮނޑިބަރީ ގައެވެ. ކަތީބު މިބައްދަލުވުން ފަށަންވާނީ ޚުތުބާ ފަށާގޮތަށެވެ. އެކަން އެގޮތަށް ކުރަންޖެހެނީ އިސްލާމް މުދައްރިސުންގެ ސަމާލުކަމާއި ލޯބި ހޯދާށެވެ. މައުނަވީ ބޯދާ ދިވެހި ބަސްތައްވެސް ވާހަކަ ދެއްކުމުގައި ބޭނުން ކުރަންވާނެއެވެ. ފަހަތުގައި ތިއްބެވި އެހެން މުދައްރިސުންގެ ސަމާލުކަން ފާއްދާލުމަށް ކޮންވެސް ވަރަކަށް އިނގިރޭސި ބަހާއި ފަރަންސޭސި ބަހާއި ޗައިނާބަސް ބޭނުންކުރަންވާނެއެވެ. ދުވަހާއި ބެހޭގޮތުން މޮޅު ވާހަކަ ކޮޅެއް ކުރުގޮތަކަށް ކަތީބު ބުނެދޭންވާނެއެވެ. އެއްބައިވަންތަ ކަމާއި އެކުވެރިކަމުގެ މައްޗަށް ވެސް ފަލްސަފާކުރާންވާނެއެވެ. މިވާހަކަތައް ގާތްގަނޑަކަށް 15 މިނެޓަށް ދިގުދައްމަންވާނެއެވެ. ގާތްގަނޑަކަށް 10 މިނެޓް ކަތީބުގެ ވާހަކަތަކުން ފާއިތުވީމާ އިސްލާ މުދައްރިސުން ފޫހިވާން ޖެހޭނެއެވެ. ފޫހިކަން ދެއްކުމަށްޓަކައި އިށީދެ އިދެ މޯޅި އަކަށް ދެމިލާނީ އެވެ. އިސްލާމް މުދައްރިސް ގާތުގައި އިންނާނީ ސްޕަވައިޒަރެވެ. އިސްލާމް މުދައްރިސް މޯޅި އަކަށް ދެމިލާ ނިމުމުން ސްޕަވައިޒަރު ކިހިލިފަތްދަށް ކަހާލަން ޖެހޭނެއެވެ. ފުރަތަމަ ކަހާނީ ގަމީސް މަތިން ނެވެ. އެއަށް ގަމީސް ދަށަށް އަތްލާ ކިހިލިފަތްދަށް ކަހާލާނީ އެވެ. މިމަންޒަރުތައް ވަރަށް ސަޅިވާން ޖެހޭނެއެވެ. ބަލާމީހުން ހެއްވާލަން ވާނެއެވެ. މިހެންވާން ފެށީމާ ކަތީބުގެ ސަމާލުކަން ގެއްލި ވާހަކަ ނިންމާލަން ވާނެއެވެ. އެއަށްފަހު ސުވާލުކުރުމުގެ ފުރުޞަތު ކަތީބު ހުޅުވާލަންވާނެއެވެ.
މިފުރުޞަތުގައި ފުރަތަމަ ސުވާލު އެއްލާނީ ޑީޕީ އެވެ. ސުވާލު އެއްލާނީ ކުޑަކުޑަ ކަރުސާކޮޅެއްގައި ސުވާލު ލިޔެފައެވެ. ސުވާލުގައި އޮންނަންވާނީ އޯޕްނޑޭ އަކީ ކޮބައިތޯ އެވެ. ސުވާލު ކިޔާލާފއި ޑީޕީގެ މޫނަށް ކަތީބު ބަލާލަންވާނެއެވެ. އަދި ނޭނގޭތޯ ސުވާލުކުރަންވާނެއެވެ. އެއަށްފަހު ޖަވާބު ދޭނީ އެވެ. ޖަވާބުގައި އޯޕަންޑޭ އަކީ ހުރިހާ ކަމެއް ހުޅުވިފައިވާ ދުވަހެއްކަމަށް ކަތީބު ބުނަންވާނެއެވެ. އޮފީސްތަކުގެ ނުހުޅުވާ ހުރި ދޮރުތައްވެސް ހުޅުވަންޖެހޭނެކަމަށް ބުނަންވާނެއެވެ. މިހެންބުނާއިރަށް މަދަރުސާގެ ސެކިއުރިޓީ އޮފިސަރ އަތްމައްޗަށް ނަގަންވާނެއެވެ. ދެން ކަތީބު އޭނާ އަށް ފުރުޞަތު ދޭންޖެހޭނެއެވެ. މިފުރުޞަތުގައި ސެކިއުރިޓީ އޮފިސަރ ސުވާލެއް ބޮޑިކޮށްލަންވާނެއެވެ. އެސުވާލު ދާނީ ވަރަށް ހޫނުކޮށްނެވެ. "ކަތީބު ތިހެން ބުންޏަސް އިމްތިހާނު ކަރުދާސްތައް ހުރި ރައްކާތެރި ކޮޓަރީގެ ދޮރު ހުޅުވާނީ ކިހިނެއްތޯ އެވެ؟" މިސުވާލު ސެކިއުރީ އޮފިސަރ ކުރާނީ ބާރަށެވެ. ސުވާލުކޮށް ޖަވާބަށް އިންތިޒާރުވެސް ނުކޮށް ބައްދަލުވުން ދޫކޮށް ދާންވާނެއެވެ. ދަމުން ކޮންމެވެސް އެއްޗެއް ކިޔާކަމަށް ހަދާ ތުންތަޅުވަންވާނެއެވެ. "ދެން ނުހުޅުވޭ ދޮރެއް ހުޅުވާނެކަމެއް ނެތް" މިހެން ކަތީބު ބުނާނީ މަޑުމަޑުންނެވެ. އިސްދަށަށް ޖަހާލުމަށްފަހު އެވެ. މިހިސާބުން ކެމެރާ ފޯކަސްކުރާނީ ބައްދަލުވުމުގެ ބައިވެރިންނަށެވެ. ވަކިވަކި މީހުންގެ މޫނަށެވެ. އަންހެން މުދައްރިސުންގެ މޫނު ތަންކޮޅެއް ގާތުން ނަގަންވާނެއެވެ. މުޅި ބައްދަލުވުމުގައި އޮންނަންވާނީ ހަމަހިމޭން ކަމެވެ.
ދެން އޮންނަ މަންޒަރުން ފެންނާނީ ދިވެހި މުދައްރިސް ސުވާލު ކުރާތަނެވެ. އޭނާ އަތްމައްޗަށް ހިއްލާލީމާ ކަތީބު ބުނާނީ ޔެސް އެވެ. ދިވެހި މުދައްރިސް ސުވާލު ކުރިއަށް ގެންދަވާށޭ ކަތީބު ބުނަންވާނެއެވެ. މިހެން ބުނާ ތަނުން ދިވެހި މުދައްރިސް ބުނާނީ ސުވާލެއް ނޫންކަމަށެވެ. ޚިޔާލެއް ކަމަށެވެ. ކުރިއަށް ދެންދަވާށޭ ކަތީބު ބުނާނެއެވެ. ދެން ދިވެހި މުދައްރިސް ކުރިއަށް ގެންދާނީ އެވެ. ދިވެހި މުދައްރިސް ބުނާނީ އަޅުގަނޑުމެން ވަރަށް މަސައްކަތް ބުރަކަމަށެވެ. އެދޭނީ ބައްދަލުވުން ކުރުކޮށްލުމަށެވެ. ދެން ކަތީބު ބަލާލަންވާނީ ޑީޕީ މޫނަށެވެ. އެވަގުތު ޑީޕީ ބުނާނީ މިއީ ކަތީބަށް ކަތީބު އެދިގެން އިންތިޒާމުކޮށްދިން ބައްދަލުވުމެއް ކަމަށެވެ. މަދަރުސާގައި އޯޕަންޑޭ ފާހަގަ ކުރަން ހަމަޖެހިފައިވާ ގޮތް މަދަރުސާގެ އިސްވެރިންގެ ބައްދަލުވުމުގައި މަޝްވަރާކޮށް މުވައްޒަފުންނާ ހިއްސާ ކުރާނެ ކަމަށްވެސް ޑީޕީ ބުނާނެއެވެ. މިހިސާބުން ޖަލްސާ ނިންމާލައި މިމަންޒަރު ނިމޭނީ އެވެ. މަންޒަރު ނިމޭއިރު ކަތީބު މޫނުމަތިން މާޔޫސްކަން ފެންނަން ވާނެއެވެ.
ދެން އޮތް މަންޒަރުން ފެންނަންވާނީ އޯޕަންޑޭ އަށް ރަށު އޮފީސް ތައްޔާރުކުރާ ތަނެވެ. ރަށު އޮފީހުގެ ވޯކްވޭ އަށް ދޮންވެލިލާ ޒީނަތްތެރި ކުރާތަނެވެ. އޮފީހުގެ މުވައްޒަފުން އާހެދުން ފަހާތަނެވެ. ކޭކް އަޅާ ތަނެވެ. މިކޭކް ވާންޖެހޭނީ 3 ފޫޓް ދިގު 1 ފޫޓް ފުޅާ ކޭކަށެވެ.
ދެން އޮތް މަންޒަރުން ފެންނާނީ ކަތީބު މަދަރުސާގެ ނާޒިރަށް ގުޅާ ތަނެވެ. ކަތީބު އެދެނީ 9 ޖަހާއިރު ރަށު އޮފީހަށް ދުރުވުމަށެވެ. މިހެން އެދުނީމާ ނާޒިރު ބުނާނެއެވެ. "ސްކޫލް ވަރަށް ބިޒީ އޭ. ވަރަށް ދަތިއޭ، އޯޕަންޑޭ މީހުން އަންނަނީ ، ހުރިހާ ސުވާލު ޖަވާބު ދެނީ" ދެން ވާހަކަ ދައްކާނީ ކަތީބު އެވެ. ކުޑަ ވަގުތު ކޮޅަކަށް ޑީޕީއާ އެކު ދުރުވުމަށް އެދޭނީ އެވެ. ކީއްކުރަންތޯ ނާޒިރު އެދޭނެއެވެ. ކަތީބު ބުނާ ނީ ދުރުވީމާ އެނގޭނެ ކަމަށެވެ. ގަޑި އަށް ދުރުވާށެވެ.
ދެން އޮތް މަންޒަރު ފެންނާނީ ހުއްޓިފައިވާ ތަސްވީރެކެވެ. މަންޒަރުގައި ، މަދަރުސާގެ ނާޒިރު ރަށު އޮފީހަށް ދާއިރު އޮންނާނީ ބޮޑު ކޭކެ ކެވެ. މަދަނީ ކޮމިޝަނުގެ ލޯގޯ ޖަހާފައެވެ. ނާޒިރު އަހަންވާނެއެވެ. މިއީ ކޮންކަމެއްތޯ އެވެ. ކާކުގެ އުފަން ދުވަހެއްތޯ އެވެ. މިހެން ނާޒިރުބުނީމާ އޮފީހުގައި ތިބި ތިން އަންހެން މުވައްޒަފުން ޕަކަޕަކަ ޖަހާ ހޭނީ އެވެ. ކަތީބު ކުޑަކޮށް ރުޅި ދުރުވެލަން ވާނެއެވެ. އޯޕަންޑޭ ކަމަށް ބުނަންވާނެއެވެ. މިމަންޒަރު ނަގަންވާނީ ކުލަ ގަދަކޮށްނެވެ. ކޭކް ފަޅާ ނީ ނާޒިރެވެ. ދެން އެންމެ އަތްޖަހާނީ އެވެ. އަތްތިލަ ބަޑީގެ އަޑު ފިނި އަށްޓަށާއި އެމްޑީޕީ ހަރުގެއަށް ފޯރަން ވާނެއެވެ. މިންޒަރު މިހިސާބު ކުރުކޮށްލާނީ އެވެ. ވަގުތުގެ މުހިންމު ކަމުންނެވެ.
ދެން އޮތް މަންޒަރު ފެންނާނީ ތަންކޮޅެއް ފަހުންނެވެ. ކުޑަ އިންތިޒާރަކަށް ފަހު އެވެ. މިމަންޒަރު ސިފަވާންޖެހޭނެއެވެ. 8 ފެބްރުއަރީ ގައި ޕޮލިސް ސްޓޭޝަނަށް އެމްޑީޕީ މީހުން ވަން މަންޒަރެވެ. 20 ކަށް މީހުން ތިބެންވާނެއެވެ. އެމީހުން ތިބެންވާނީ ރުޅިއައިސްގެ ދޮންވެފައެވެ. ކެކިގެންފައެވެ. ހަޅޭ ލަވަންވާނެއެވެ. ހަޅޭލަވަމުން އޮފީހަށް ވަންނާނީ އެވެ. ކެންޕާޓީ އެއްހޭ، ރަސްމީ ގަޑީއޭ، ރައްޔިތުންގެ ފައިސާ އޭ، އާސަންދަ ކަނޑަނީ އޭ، ލާރިއެއްނެތޭ، އެކަމަކު ޕާޓީ އޭ، ރައްޔިތުން ހަނާވަނީ އޭ، މިފާޑު އެކި އެއްޗެހި ކިޔަންވާނެއެވެ. ދެން އިރުކޮޅަކުން ކަތީބު ނިކުމެ ކިހިނެއްވީހޭ، އަހަންވާނެއެވެ. މިހެން ބުނާއިރަށް ކަތީބާ ދިމާއަށް ހެއްދެވި ނެހެއްދެވިއަށް އޮފީސް ތެރޭ ރުޅިއައިސްގެ ވަދެތިބި މީހުން ކިޔަންވާނެއެވެ. ކިޔާނީ އެންމެން އެއްކޮށްނެވެ. ދެންކަތީބުވެސް ރުޅި ދުރުވަންވާނެއެވެ. ރުޅި އައިސްގެން ކަތީބަށްވެސް އެނގޭހާ އަވަގުރާނައެއް ކިޔަންވާނެއެވެ. އެންމެ ފަހުން ކަތީބު ބުނާނީ މިއީ އަހަރެމެންގެ ވެރިކަމެއް ކަމަށެވެ. ހަދާނީ ބޭނުން އެއްޗެއްކަމަށެވެ. މިހެން ބުނެފައި ކަތީބު ޖަގަހައަށް ވާންނާނީ އެވެ. މިހިސާބުން މިމަންޒަރު ނިމުނީ އެވެ.
ފުލުހުން އައިސް އެމްޑީޕީ މީހުން ބިޑި އަޅައިގެން ގެންދާ ހިސާބުން އޯޕަންޑޭ ނިމުނީ އެވެ. އޯޕަންޑޭގެ ހުރިހާ ސުވާލަކަށް ޖަވާބު ދެވުނީ އެވެ.
Comments